ഇൻ്റഗ്രേറ്റഡ് സർക്യൂട്ട്
From Wikipedia, the free encyclopedia
ഒരു സിലിക്കൺ ക്രിസ്റ്റലിൽ തന്നെ നിരവധി ട്രാൻസിസ്റ്ററുകളും, കപ്പാസിറ്ററുകളും, റെസിസ്റ്ററുകളും, ലോജിക്ക് സർക്യൂട്ടുകളും രൂപപ്പെടുത്തി എടുക്കുന്നതിനെയാണ് ഇന്റഗ്രേറ്റഡ് സർക്യൂട്ട് അഥവാ ഐ.സി. എന്ന് വിളിക്കുന്നത്. വലിയ അളവിലുള്ള ചെറിയ മോസ്ഫെറ്റുകൾ(MOSFET--മെറ്റൽ-ഓക്സൈഡ്-സെമികണ്ടക്ടർ ഫീൽഡ്-ഇഫക്റ്റ് ട്രാൻസിസ്റ്ററുകൾ) ഒരു ചെറിയ ചിപ്പിലേക്ക് സംയോജിപ്പിക്കുന്നു. ഇത് മൂലം ഡിസ്ക്രീറ്റ് ഇലക്ട്രോണിക് ഘടകങ്ങളാൽ നിർമ്മിച്ചതിനേക്കാൾ ചെറുതും വേഗതയേറിയതും വിലകുറഞ്ഞതുമായ സർക്യൂട്ടുകൾ ലഭ്യമാകുന്നു. ഐസിയുടെ വൻതോതിലുള്ള ഉൽപ്പാദന ശേഷി, വിശ്വാസ്യത, ഇന്റഗ്രേറ്റഡ് സർക്യൂട്ട് ഡിസൈനിലേക്കുള്ള ബിൽഡിംഗ്-ബ്ലോക്ക് അപ്രോച്ച് എന്നിവ ഡിസ്ക്രീറ്റ് ട്രാൻസിസ്റ്ററുകൾ ഉപയോഗിച്ചുള്ള ഡിസൈനുകളുടെ സ്ഥാനത്ത് സ്റ്റാൻഡേർഡ് ഐസികളുടെ സ്വീകാര്യത ഉറപ്പാക്കുന്നു.[1]