![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ee/Birds_at_the_Minneriya-Giritale_National_Park.jpg/640px-Birds_at_the_Minneriya-Giritale_National_Park.jpg&w=640&q=50)
മിന്നെരിയ ദേശീയോദ്യാനം
ശ്രീലങ്കയിലെ ദേശീയോദ്യാനം / From Wikipedia, the free encyclopedia
മിന്നെരിയ ദേശീയോദ്യാനം ശ്രീലങ്കയിലെ വടക്കൻ മദ്ധ്യ പ്രവിശ്യയിൽ സ്ഥിതിചെയ്യുന്ന ഒരു ദേശീയോദ്യാനമാണ്. 1997 ആഗസ്റ്റ് 12-ന് ഈ പ്രദേശത്തെ ഒരു ദേശീയോദ്യാനമായി നാമനിർദ്ദേശം ചെയ്തു. 1938-ൽ ഈ ഉദ്യാനം വന്യമൃഗസങ്കേതമായി പ്രഖ്യാപിച്ചു[1]. മിന്നെരിയ ടാങ്കിനെയും ഇവിടത്തെ വന്യമൃഗങ്ങളെയും സംരക്ഷിക്കുകയെന്ന ലക്ഷ്യത്തോടെയാണ് ഈ പ്രദേശത്തെ സംരക്ഷിതപ്രദേശമായി പ്രഖ്യാപിച്ചത്. അബൻ നദിയിലെയും ഇലഹെര കനാലിലെയും ജലമാണ് മിന്നേര ടാങ്കിലെ പ്രധാന ജലശ്രോതസ്സ്. ഈ ടാങ്കിന് ചരിത്ര പ്രാധാന്യം ഉണ്ട്. എ.ഡി. മൂന്നാം നൂറ്റാണ്ടിൽ അനുരാധപുര ഭരിച്ചിരുന്ന മഹാസേനൻ രാജാവാണ് (276–303) 4670 ഏക്കർ വിസ്തൃതിയുള്ള ഈ ടാങ്ക് നിർമ്മിച്ചത്. വരണ്ടകാലാവസ്ഥയിൽ മറ്റലെ, പൊളന്നറുവ, ട്രിങ്കോമലീ എന്നീ ജില്ലകളിലെ വനങ്ങളിൽ പാർക്കുന്ന ആനക്കൂട്ടങ്ങൾ ആഹാരം തേടി ഉദ്യാനത്തിലെത്താറുണ്ട്. 2009 ആഗസ്റ്റ് അവസാനിക്കുമ്പോൾ ഈ ഉദ്യാനത്തിലെ ആറുമാസത്തെ വരുമാനം 10.7 ദശലക്ഷം രുപയായിരുന്നു[2]. ഇന്റർനാഷണൽ യൂണിയൻ ഫോർ ദ കൺസർവേഷൻ ഓഫ് നേച്ചർ ആൻഡ് നാച്ചുറൽ റിസോഴ്സ് (ഐ.യു.സി.എൻ) കാറ്റഗറി II ഉൾപ്പെട്ടതാണ് ഈ ഉദ്യാനം. ശ്രീലങ്കയിലെ കൗടുല്ല, ഗിരിത്തേൽ, മിന്നേരിയ എന്നീ പ്രദേശങ്ങൾ 70 ഇമ്പോർട്ടന്റ് ബേർഡ് ആൻഡ് ബയോഡൈവേഴ്സിറ്റി ഏരിയ (ഐ.ബി.എ.) ആകുന്നു. ലോ കനോപി മോൻടേൻ ഫോറസ്റ്റും, ഹൈ കനോപി സെക്കണ്ടറി ഫോറസ്റ്റും , അബാൻഡൻട് ചേന ലാൻഡും, കുറ്റിച്ചെടികൾ നിറഞ്ഞ പ്രദേശങ്ങളും, പുൽപ്രദേശങ്ങളും, പാറക്കൂട്ടങ്ങൾ നിറഞ്ഞപ്രദേശങ്ങളും, ഈർപ്പം നിറഞ്ഞ പ്രദേശങ്ങളും ഇവിടെ കാണപ്പെടുന്നു[3].
മിന്നെരിയ ദേശീയോദ്യാനം | |
---|---|
ഐ.യു.സി.എൻ. ഗണം II (ദേശീയോദ്യാനം) | |
![]() A flock of birds near the Minneriya reservoir | |
Location | North Central province, ശ്രീലങ്ക |
Nearest city | പൊളന്നറുവ |
Coordinates | 7°58′44″N 80°50′56″E |
Area | 8,889.4 ha |
Established | ആഗസ്റ്റ് 12, 1997 |
Governing body | Department of Wildlife Conservation |
![Thumb image](http://upload.wikimedia.org/wikipedia/commons/thumb/b/ba/Elephant_Gathering_in_Minneriya.jpg/640px-Elephant_Gathering_in_Minneriya.jpg)