ചന്ദ്രൻ
ഭൂമിയുടെ ഒരേയൊരു പ്രകൃതിദത്ത ഉപഗ്രഹമാണ് ചന്ദ്രൻ / From Wikipedia, the free encyclopedia
ഭൂമിയുടെ ഒരേയൊരു പ്രകൃതിദത്ത ഉപഗ്രഹമാണ് ചന്ദ്രൻ.ഇംഗ്ലീഷ്: Moon, Luna. ഭൂമിയിൽ നിന്ന് ശരാശരി 3,84,403 കിലോമീറ്റർ ദൂരെയാണ് ചന്ദ്രൻ സ്ഥിതി ചെയ്യുന്നത്; ഭൂമിയുടെ വ്യാസത്തിന്റെ ഏകദേശം മുപ്പത് മടങ്ങ് വരും ഈ ദൂരം. ഭൂമിയും ചന്ദ്രനുമടങ്ങുന്ന വ്യൂഹത്തിന്റെ പിണ്ഡ കേന്ദ്രം ഭൂമിയുടെ വ്യാസാർദ്ധത്തിന്റെ ഏകദേശം നാലിലൊന്നു വരുന്ന 1,700 കി.മീ ആഴത്തിൽ ഭൂമിയുടെ ഉപരിതലത്തിനു താഴെ സ്ഥിതിചെയ്യുന്നു. ഭൂമിക്ക് ചുറ്റും ഒരു തവണ പ്രദക്ഷിണം ചെയ്യാൻ ചന്ദ്രന് 27.3 ദിവസങ്ങൾ വേണം.[nb 1]
ഭൂമിയിൽ നിന്നുള്ള കാഴ്ച | |||||||
ഭ്രമണപഥം സംബന്ധിച്ച വിവരങ്ങൾ | |||||||
---|---|---|---|---|---|---|---|
ഭ്രമണപഥത്തിന്റെ ചുറ്റളവ് |
2,413,402 കി.മീ (0.016 AU) | ||||||
(orbit)|Eccentricity]] | 0.0554 | ||||||
ഉപഭൂ | 363,104 km (0.0024 AU) | ||||||
അപഭൂ | 405,696 km (0.0027 AU) | ||||||
പരിക്രമണ സമയം
(നക്ഷത്രങ്ങൾക്ക് |
27.321 66155 d (27 ദി. 7 മ. 43.2 മി.) | ||||||
ഭൂമിക്ക് ആപേക്ഷികമായി |
29.530 588 d (29 ദി. 12 മ. 44.0 മി.) | ||||||
ശരാശരി പരിക്രമണ വേഗം |
1.022 കി.മീ/സെ. | ||||||
ഏറ്റവും കൂടിയ പരിക്രമണ വേഗം |
1.082 കി.മീ/സെ. | ||||||
ഏറ്റവും കുറഞ്ഞ പരിക്രമണ വേഗം |
0.968 കി.മീ/സെ. | ||||||
ഭ്രമണപഥത്തിന്റെ ചരിവ് |
28.60° - 18.30° (ക്രാന്തിവൃത്തവുമായി 5.145 396°) | ||||||
രാഹു/കേതു എന്നിവയുടെ ചലനം |
പശ്ചാത്ഗതി, 18.6 വർഷത്തിൽ ഒരു ചക്രം പൂർത്തിയാക്കുന്നു | ||||||
ഉപഭൂകോണിന്റെ ചലനം | പുരോഗതി, 8.85 വർഷത്തിൽ ഒരു ചക്രം പൂർത്തിയാക്കുന്നു | ||||||
ഏത് ഗ്രഹത്തിനു ചുറ്റും ഭ്രമണം ചെയ്യുന്നു: |
ഭൂമി | ||||||
ഭൗതിക വിവരങ്ങൾ | |||||||
മധ്യരേഖാ വ്യാസം | 3,476.2 കീ.മീ[1] (ഭൂമിയുടെ 0.273 മടങ്ങ്) | ||||||
ധ്രുവരേഖാ വ്യാസം | 3,472.0 കി.മീ (ഭൂമിയുടെ 0.273 മടങ്ങ്) | ||||||
ഗോളത്തിൽ നിന്നുള്ള വ്യതിയാനം |
0.0012[2] | ||||||
ഉപരിതല വിസ്തീർണ്ണം | 3.793 × 107km² (ഭൂമിയുടെ 0.074 മടങ്ങ്) | ||||||
വ്യാപ്തം | 2.1958 × 1010km³ (ഭൂമിയുടെ 0.020 മടങ്ങ്) | ||||||
പിണ്ഡം | 7.347 673 × 1022kg (ഭൂമിയുടെ 0.0123 മടങ്ങ്) | ||||||
ശരാശരി സാന്ദ്രത | 3,346.2 kg/m3 | ||||||
മധ്യരേഖാപ്രദേശത്തെ ഗുരുത്വാകർഷണം |
1.622 m/s2 (ഭൂമിയുടെ 0.1654 മടങ്ങ്) | ||||||
വിടുതൽ പ്രവേഗം | 2.38 km/s | ||||||
ഭ്രമണസമയം | 27.321 661 d (synchronous) | ||||||
ഭ്രമണ വേഗം | 16.655 km/h (മധ്യരേഖാപ്രദേശത്ത്) | ||||||
അച്ചുതണ്ടിന്റെ ചരിവ് | ക്രാന്തിവൃത്തത്തിന് 1.5424° | ||||||
ആൽബിഡോ | 0.12 | ||||||
ദൃശ്യകാന്തിമാനം | -12.74 | ||||||
ഉപരിതലത്തിലെ താപനില |
| ||||||
ചന്ദ്രന്റെ മാന്റിൽ, ക്രസ്റ്റ് എന്നിവയുടെ നിർമ്മിതി | |||||||
ശതമാനം ഭാരം (ഏകദേശം) | |||||||
ഓക്സിജൻ | 42.6 % | ||||||
മഗ്നീഷ്യം | 20.8 % | ||||||
സിലിക്കൺ | 20.5 % | ||||||
ഇരുമ്പ് | 9.9 % | ||||||
കാത്സ്യം | 2.31 % | ||||||
അലുമിനിയം | 2.04 % | ||||||
നിക്കൽ | 0.472 % | ||||||
ക്രോമിയം | 0.314 % | ||||||
മാംഗനീസ് | 0.131 % | ||||||
ടൈറ്റാനിയം | 0.122 % | ||||||
അന്തരീക്ഷത്തിന്റെ സവിശേഷതകൾ | |||||||
അന്തരീക്ഷ മർദ്ദം | 3 × 10-13kPa | ||||||
ഹീലിയം | 25 % | ||||||
നിയോൺ | 25 % | ||||||
ഹൈഡ്രജൻ | 23 % | ||||||
ആർഗൺ | 20 % | ||||||
മീഥേൻ |
ചെറിയ അംശങ്ങൾ |
3,474 കി.മീ. ആണ് ചന്ദ്രന്റെ വ്യാസം,[3] ഇത് ഭൂമിയുടെ വ്യാസത്തിൽ നാലിലൊന്നിനെക്കാൾ അല്പം കൂടുതലാണ്. അതിനാൽ തന്നെ ചന്ദ്രന്റെ ഉപരിതല വിസ്തീർണ്ണം ഭൂമിയുടേതിന്റെ പത്തിലൊന്നിലും കുറവാണ് (ഇത് ഏകദേശം ഭൂമിയുടെ കരഭാഗങ്ങളുടെ മൊത്തം വിസ്തീർണ്ണത്തിന്റെ നാലിലൊന്ന് വരും - റഷ്യ, കാനഡ, അമേരിക്കൻ ഐക്യനാടുകൾ എന്നിവ ചേർന്നാലുള്ളത്ര വിസ്തീർണ്ണം). ഉപരിതലത്തിലെ ഗുരുത്വാകർഷണശക്തി ഭൂമിയുടെ ഉപരിതലത്തിൽ അനുഭവപ്പെടുന്നതിന്റെ പതിനേഴ് ശതമാനമാണ്. ചന്ദ്രന്റെ ഉപരിതലത്തിൽ തട്ടി പ്രതിഫലിക്കുന്ന സൂര്യപ്രകാശം ഭൂമിയിലെത്താൻ ഏകദേശം 1.3 സെക്കന്റുകൾ എടുക്കുന്നു. സൗരയൂഥത്തിലെ 8 ഗ്രഹങ്ങളുടെ സ്വാഭാവിക ഉപഗ്രഹങ്ങളിൽ വലിപ്പം കൊണ്ട് ചന്ദ്രൻ അഞ്ചാം സ്ഥാനത്താണ്. ഭാരം കൊണ്ടും വ്യാസം കൊണ്ടും ഈ സ്ഥാനം ചന്ദ്രനു തന്നെ.
ആദ്യമായി ചന്ദ്രോപരിതലം സ്പർശിച്ച മനുഷ്യനിർമിത വസ്തു ലൂണ 2 ആണ്. 1959-ൽ ഈ വാഹനം ചന്ദ്രോപരിതലത്തിൽ വന്നിടിച്ച് തകരുകയാണുണ്ടായത്. ഇതേ വർഷം തന്നെ മറ്റൊരു മനുഷ്യ നിർമിത ശൂന്യാകാശയാനമായ ലൂണ 3 ചന്ദ്രന്റെ ഭൂമിക്ക് അഭിമുഖമല്ലാത്ത മറുവശത്തിന്റെ ചിത്രം എടുക്കുന്നതിൽ വിജയിച്ചു. വിജയകരവും അപകടരഹിതവുമായി ചന്ദ്രോപരിതലത്തിൽ ഇറങ്ങിയ യാനം എന്ന ബഹുമതി 1966-ൽ ചന്ദ്രനിലിറങ്ങിയ ലൂണ 9-ന് അവകാശപ്പെട്ടതാണ്. മനുഷ്യനെ വഹിച്ചു കൊണ്ടുള്ള ആദ്യത്തെ ചന്ദ്രയാത്ര അപ്പോളോ 8 എന്ന യാനം നിർവഹിച്ചെങ്കിലും ആദ്യമായി മനുഷ്യൻ ചന്ദ്രനിൽ വിജയകരമായി കാലു കുത്തിയത് 1969-ൽ അപ്പോളോ 11 എന്ന ശൂന്യാകാശയാനത്തിലാണ്. ഭൂമിക്ക് പുറത്ത് മനുഷ്യൻ ചെന്നെത്തിയിട്ടുള്ള ഒരേയൊരു ശൂന്യാകാശഗോളം ചന്ദ്രനാണ്.