പിണറായി വിജയൻ
ഇന്ത്യയിലെ ഒരു രാഷ്ട്രീയ പ്രവർത്തകൻ / From Wikipedia, the free encyclopedia
2016 മെയ് 25 മുതൽ കേരളത്തിന്റെ മുഖ്യമന്ത്രിയായി തുടരുന്ന മുതിർന്ന സി.പി.എം നേതാവാണ് പിണറായി വിജയൻ.(ജനനം: 24 മെയ് 1945). മുഖ്യമന്ത്രി എന്ന നിലയിൽ രണ്ടാം തവണ 2021 മേയ് 20-ന് അധികാരമേറ്റു. [1][2] [3]ആദ്യ തവണ 2016 മേയ് 25-നാണ് മുഖ്യമന്ത്രിയായി സ്ഥാനമേറ്റത്. നിലവിൽ സംസ്ഥാന ആഭ്യന്തര വകുപ്പിൻ്റെയും പൊതുഭരണവും ഉൾപ്പെടെ മൊത്തം ഇരുപത്തിയേഴ് വകുപ്പുകളുടെ അധിക ചുമതലയുള്ള മുഖ്യമന്ത്രിയാണ് പിണറായി വിജയൻ.[4][5] നിലവിൽ സി.പി.ഐ.(എം)-ന്റെ പൊളിറ്റ് ബ്യൂറോ അംഗമായ പിണറായി വിജയൻ, 1998 മുതൽ 2015 വരെ മാർക്സിസ്റ്റ് പാർട്ടിയുടെ കേരളം ഘടകം സംസ്ഥാന സെക്രട്ടറിയായിരുന്നു. ഇ.കെ.നായനാർക്ക് ശേഷം കേരളത്തിൽ ഏറ്റവും കൂടുതൽ കാലം മാർക്സിസ്റ്റ് പാർട്ടിയുടെ സംസ്ഥാന സെക്രട്ടറിയായിരുന്നിട്ടുള്ളതും പിണറായി വിജയനാണ്. കേരളത്തിലെ കമ്മ്യൂണിസ്റ്റ് പാർട്ടിയുടെ വിദ്യാർത്ഥി, യുവജന സംഘടനാ പ്രവർത്തനത്തിലൂടെ മാർക്സിസ്റ്റ് പാർട്ടിയുടെ നേതൃനിരയിലെത്തിയ പിണറായി വിജയൻ സി.പി.ഐ.(എം) കണ്ണൂർ ജില്ലാ സെക്രട്ടറിയായും കേരള സംസ്ഥാന സഹകരണ ബാങ്കിന്റെ പ്രസിഡന്റായും പ്രവർത്തിച്ചിട്ടുണ്ട്. അടിയന്തരാവസ്ഥക്കാലത്ത് പതിനെട്ടുമാസം കണ്ണൂർ സെൻട്രൽജയിലിൽ രാഷ്ട്രീയ തടവുകാരനായിരുന്നു. 1970-ലെ കേരള നിയമസഭ തിരഞ്ഞെടുപ്പിൽ 26-മത്തെ വയസ്സിൽ കൂത്തുപറമ്പ് മണ്ഡലത്തെ പ്രതിനിധീകരിച്ച് ആദ്യമായി കേരള നിയമസഭയിൽ അംഗമായി. 1977-ലും 1991-ലും കൂത്തുപറമ്പ് മണ്ഡലത്തിൽ നിന്നും 1996-ൽ പയ്യന്നൂരിൽ നിന്നും നിയമസഭയിലേക്ക് തിരഞ്ഞെടുക്കപ്പെട്ടു. 2016 മുതൽ ധർമ്മടം മണ്ഡലത്തിൽ നിന്നുള്ള നിയമസഭാംഗമാണ്. 1996 മുതൽ 1998 വരെ മൂന്നാം ഇ.കെ നായനാർ മന്ത്രിസഭയിൽ വിദ്യുച്ഛക്തി-സഹകരണ വകുപ്പുകളുടെ ചുമതലയുള്ള കാബിനറ്റ് മന്ത്രിയായിരുന്നു.[6] ഈ കാലഘട്ടത്തിൽ കേരളത്തിലെ വൈദ്യുതി ഉൽപാദനം, വിതരണം എന്നിവ വളരെ കാര്യക്ഷമമാക്കുന്നതിലും, കേരള സംസ്ഥാന വൈദ്യുതി ബോർഡ്ന്റെ പ്രവർത്തനം മെച്ചപ്പെടുത്തുന്നതിലും പ്രധാന പങ്ക് വഹിച്ചു[7].
പിണറായി എന്ന വാക്കാൽ വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാൻ പിണറായി (വിവക്ഷകൾ) എന്ന താൾ കാണുക. |
പിണറായി വിജയൻ | |
---|---|
കേരളത്തിന്റെ മുഖ്യമന്ത്രി | |
പദവിയിൽ | |
ഓഫീസിൽ മേയ് 25 2016 | |
മുൻഗാമി | ഉമ്മൻ ചാണ്ടി |
മണ്ഡലം | ധർമ്മടം |
സി.പി.ഐ(എം) കേരള സംസ്ഥാന സെക്രട്ടറി | |
ഓഫീസിൽ സെപ്റ്റംബർ 25 1998 – ഫെബ്രുവരി 23 2015 | |
മുൻഗാമി | ചടയൻ ഗോവിന്ദൻ |
പിൻഗാമി | കോടിയേരി ബാലകൃഷ്ണൻ |
കേരളത്തിന്റെ വൈദ്യുതി, സഹകരണ വകുപ്പ് മന്ത്രി | |
ഓഫീസിൽ മേയ് 20 1996 – ഒക്ടോബർ 19 1998 | |
മുൻഗാമി | ജി. കാർത്തികേയൻ, എം.വി. രാഘവൻ |
പിൻഗാമി | എസ്. ശർമ്മ |
കേരളനിയമസഭാംഗം | |
പദവിയിൽ | |
ഓഫീസിൽ മേയ് 21 2016 | |
മുൻഗാമി | കെ.കെ. നാരായണൻ |
മണ്ഡലം | ധർമ്മടം |
ഓഫീസിൽ മേയ് 14 1996 – മേയ് 16 2001 | |
മുൻഗാമി | സി.പി. നാരായണൻ |
പിൻഗാമി | പി.കെ. ശ്രീമതി |
മണ്ഡലം | പയ്യന്നൂർ |
ഓഫീസിൽ ജൂൺ 21 1991 – മേയ് 14 1996 | |
മുൻഗാമി | കെ.പി. മമ്മു |
പിൻഗാമി | കെ.കെ. ശൈലജ |
മണ്ഡലം | കൂത്തുപറമ്പ് |
ഓഫീസിൽ ഒക്ടോബർ 4 1970 – നവംബർ 11 1979 | |
മുൻഗാമി | കെ.കെ. അബു |
പിൻഗാമി | എം.വി. രാഘവൻ |
മണ്ഡലം | കൂത്തുപറമ്പ് |
വ്യക്തിഗത വിവരങ്ങൾ | |
ജനനം | (1944-03-21) മാർച്ച് 21, 1944 (80 വയസ്സ്) പിണറായി |
രാഷ്ട്രീയ കക്ഷി | സി.പി.എം. |
പങ്കാളി | ടി. കമല |
കുട്ടികൾ | വിവേക് കിരൺ, വീണ |
മാതാപിതാക്കൾ |
|
വസതിs | ക്ലിഫ് ഹൗസ്, തിരുവനന്തപുരം, കേരളം |
ഒപ്പ് | |
വെബ്വിലാസം | www.keralacm.gov.in |
As of ഓഗസ്റ്റ് 18, 2023 ഉറവിടം: നിയമസഭ |