![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5e/Jan_Vermeer_-_The_Art_of_Painting_-_Google_Art_Project.jpg/640px-Jan_Vermeer_-_The_Art_of_Painting_-_Google_Art_Project.jpg&w=640&q=50)
ദി ആർട്ട് ഓഫ് പെയിന്റിംഗ്
From Wikipedia, the free encyclopedia
പതിനേഴാം നൂറ്റാണ്ടിലെ ഡച്ച് ചിത്രകാരനായ യോഹാൻ വെർമീർ വരച്ച എണ്ണച്ചായാചിത്രമാണ് ദി അലഗറി ഓഫ് പെയിന്റിംഗ് അല്ലെങ്കിൽ പെയിന്റെർ ഇൻ ഹിസ് സ്റ്റുഡിയോ എന്നും അറിയപ്പെടുന്ന ആർട്ട് ഓഫ് പെയിന്റിംഗ് (ഡച്ച്: അല്ലെഗോറി ഒപ്പ് ഡി ഷിൽഡെർകുൻസ്റ്റ്), ഓസ്ട്രിയൻ റിപ്പബ്ലിക്കിന്റെ ഉടമസ്ഥതയിലുള്ള ഈ ചിത്രം വിയന്നയിലെ കുൻതിസ്റ്റോറിഷെസ് മ്യൂസിയത്തിൽ പ്രദർശിപ്പിച്ചിരിക്കുന്നു.[1]
The Art of Painting | |
---|---|
![]() | |
കലാകാരൻ | Johannes Vermeer |
വർഷം | 1666–1668 |
Medium | Oil on canvas |
അളവുകൾ | 120 cm × 100 cm (47 in × 39 in) |
സ്ഥാനം | Kunsthistorisches Museum, Vienna |
വെർമീറിന്റെ ഏറ്റവും പ്രസിദ്ധമായ ഒന്നാണ് ഈ മിഥ്യാധാരണ ചിത്രം. 1868-ൽ ചിത്രകാരനായ യോഹാൻ വെർമീറിന്റെ ചിത്രം വീണ്ടും കണ്ടെത്തിയതിന് ഇന്ന് അറിയപ്പെടുന്ന തോറെ-ബർഗർ ഈ ചിത്രത്തെ ഏറ്റവും രസകരമായി കണക്കാക്കി. സ്വെറ്റ്ലാന ആൽപേർസ് ഇതിനെ അതുല്യവും തീവ്ര ഉൽക്കർഷച്ഛയുള്ളതുമാണെന്ന് വിശേഷിപ്പിക്കുന്നു.[2]വാൾട്ടർ ലീഡ്കെ "കലാകാരന്റെ സാമർത്ഥ്യം രചനയുടെയും കൃത്യനിർവ്വഹണത്തിന്റെയും കലാനിപുണതയുടെയും പ്രദർശനത്തിനുള്ള അരങ്ങ് ആയ അദ്ദേഹത്തിന്റെ സ്റ്റുഡിയോയുടെ സാങ്കൽപ്പിക പതിപ്പ് ..."ആയി കാണുന്നു.[3]ആൽബർട്ട് ബ്ലാങ്കർട്ടിന്റെ അഭിപ്രായത്തിൽ, "പ്രകൃതിദത്ത സാങ്കേതികതയെയും തിളക്കമാർന്ന പ്രകാശമുള്ള സ്ഥലത്തെയും സങ്കീർണ്ണമായ സംയോജിത രചനയെയും കുറ്റമറ്റ രീതിയിൽ സമന്വയിപ്പിക്കുന്ന മറ്റൊരു ചിത്രവും ഇല്ല."[4]
പല കലാ ചരിത്രകാരന്മാരും ഇത് പെയിന്റിംഗിന്റെ ഒരു ഉപമയാണെന്ന് കരുതുന്നു. [5] അതിനാൽ പെയിന്റിംഗിന് ഇതര തലക്കെട്ട് നൽകിയിരിക്കുന്നു. ഇതിന്റെ ഘടനയും ഐക്കണോഗ്രഫിയും എല്ലാചിത്രങ്ങൾക്കിടയിൽ ഏറ്റവും സങ്കീർണ്ണമായ വെർമീർ സൃഷ്ടിയാക്കുന്നു. വെർമീറിന്റെ ക്രൈസ്റ്റ് ഇൻ ദി ഹൗസ് ഓഫ് മാർത്ത ആന്റ് മറിയ എന്ന ചിത്രത്തിനുശേഷം ഇത് അദ്ദേഹത്തിന്റെ ഏറ്റവും വലിയ ചിത്രമാണ്.