കനി കുസൃതി
ബോളിവുഡ് നടിയും മോഡലും From Wikipedia, the free encyclopedia
Remove ads
ഒരു ഇന്ത്യൻ നടിയും മോഡലുമാണ് കനി കുസൃതി (ജനനം സെപ്റ്റംബർ 12, 1985). [1] 2009 ൽ കേരള കഫേ എന്ന ചിത്രത്തിലെ അഭിനയത്തിലൂടെ ശ്രദ്ധേയയായി. [2] [3] 2019-ൽ മികച്ച നടിക്കുള്ള കേരളസംസ്ഥാന ചലച്ചിത്ര പുരസ്കാരം ബിരിയാണി എന്ന ചലച്ചിത്രത്തിലെ അഭിനയത്തിന് ലഭിച്ചു. [4]
Remove ads
ആദ്യകാല ജീവിതം
സാമൂഹ്യ പ്രവർത്തകരും പ്രമുഖ യുക്തിവാദികളുമായ ഡോ. എ.കെ. ജയശ്രീയുടെയും മൈത്രേയൻെയും മകളായി കേരളത്തിലെ തിരുവനന്തപുരത്ത് ജനിച്ചു. ഇന്ത്യയിൽ അവസാന പേരുകൾ നൽകുന്ന സാമൂഹ്യ അധികാര ശ്രേണിയെ ഇല്ലാതാക്കാൻ അവരുടെ മാതാപിതാക്കൾ തങ്ങളുടെ അവസാന പേരുകൾ ഉപേക്ഷിച്ചു. തിരുവനന്തപുരത്താണ് അവർ വളർന്നത്. അവിടെ അഭിനയ തിയേറ്റർ റിസേർച്ച് സെന്റർ, [5] [6] എന്ന നാടക പ്രവർത്തകർക്ക് വേണ്ടിയുള്ള ഒരു പൊതുവേദി പരിചയപ്പെട്ടു. പിന്നീട് തൃശ്ശൂരിലേക്ക് താമസം മാറി. തൃശ്ശൂർ സ്കൂൾ ഓഫ് ഡ്രാമയിൽ 2005 നും 2007 നും ഇടയിൽ നാടക പരിപാടികളിൽ ഉണ്ടായിരുന്നു. ലാഗോൺസ് ഇന്റർനാഷണൽ ഡി റ്റെറ്റേ ജാക്വസ് ലെക്കോകിൽ നാടക പഠനം പൂർത്തിയാക്കി . അവിടെ രണ്ടു വർഷം ഫിസിക്കൽ തിയേറ്ററിൽ പഠനം നടത്തി. [7]
Remove ads
തൊഴിൽ
ബൗധയനയുടെ ക്ലാസിക്ക് പ്രഹസനമായ ഭാഗവദജ്ജുകത്തിലൂടെ അഭിനത്തിൽ കുസൃതി തന്റെ തിയേറ്റർ അരങ്ങേറ്റം കുറിച്ചു. 2000 മുതൽ 2006 വരെ വാസന്തസേനയുടെ പ്രധാന വേഷത്തിൽ അഭിനയിച്ചു. ഭാരതരംഗ മഹോത്സവവും കേരളത്തിലെ അന്താരാഷ്ട്ര തിയേറ്റർ ഉത്സവവും ഉൾപ്പെടെയുള്ള നാടക വേദിയിലൂടെ ഈ നാടകം പര്യടനം നടത്തി. ഹെർമൻ ഹെസ്സേയുടെ സിദ്ധാർഥ എം.ജി.ജ്യോതിഷ് രംഗവതരണത്തിന് സജ്ജമാക്കിയപ്പോൾ കമലയുടെ ഭാഗം അവതരിപ്പിച്ചു. 2007-ൽ, വില്ലെനെവ് എൻ സീൻ ഡി ആൻഗോണൻ ഫെസ്റ്റിവലിൽ ഉദ്ഘാടനം ചെയ്യപ്പെട്ടു.
2009-ൽ ലക്നിക്കിലെ ഇന്റർനാഷണലൈസ് ദ ജാക്വസ് ലെക്കോക് എന്ന പ്രൊഡക്ഷനിൽ നിന്ന് തിരിച്ചെത്തിയ കുസൃതി ശങ്കർ രാമകൃഷ്ണൻ സംവിധാനം ചെയ്ത ഐലൻഡ് എക്പ്രസ് എന്ന സമാഹാരത്തിലെ കേരള കഫേ എന്ന ചിത്രത്തിൽ അഭിനയിച്ചു. 2010 ൽ മോഹൻലാൽ നായകനായ ശിക്കാർ എന്ന ചിത്രത്തിൽ നക്സലൈറ്റായി അഭിനയിച്ചു. എന്നാൽ 2010 ലെ കോക്ടെയ്ലിൽ എന്ന സിനിമയിലെ സെക്സ് വർക്കറായി ജോലി ചെയ്യുന്ന വ്യത്യസ്തമായ അവതരണം മുഖ്യധാരയിൽ ശ്രദ്ധിക്കപ്പെട്ടു.
2010 ഡിസംബറിൽ കനി നടനും പ്രചരണ നാടക പ്രവർത്തകനുമായ ഏലിയാസ് കോഹാൻ സംവിധാനം നിർവഹിച്ച 'ലാസ് ഇൻഡിയസ്' എന്ന ഒരു മികച്ച അവതരണ പരിപാടിയുടെ രൂപകൽപനയിൽ പങ്കാളിയായി. അതിൻെറ അവതരണം പ്രത്യേകമായി രൂപകല്പന ചെയ്ത ബസിലായിരുന്നു. ഇൻഡോ-ലാറ്റിൻ അമേരിക്കൻ നാടക കമ്പനിയായ ലാസ് ഇൻഡ്യയിൽ നിന്നു "സിങ്ങിംഗ് സ്റ്റിക്സ് തിയേറ്റർ എൻസെമ്പൾ" പരിണമിച്ചപ്പോൾ. തുടക്കത്തിൽ ലാസ് ഇൻഡിയയിൽ നിർമ്മിച്ച ബസ് സുനാമി എക്സ്പ്രസ്: ഹൈവേ ഓഫ് ഹോപ്സ് എന്ന പേരിലുള്ള കനി കുസൃതി പങ്കാളിയായ ഒരു ഇന്റസ്ട്രിയൽ തിയറ്റർ റോഡ്ഷോയിൽ വീണ്ടും ഉപയോഗിച്ചു. [8]
2011-ൽ ഷേക്സ്പിയറുടെ ' ടെമ്പസ്റ്റ് ' എന്ന പുതിയ ഉൽപാദനത്തിനായി പ്രശസ്ത ടൂറിസ്റ്റ് തീയേറ്റർ ഫൂട്ട്സ്ബാർനിൽ കനി ചേർന്നു. തുടർന്ന് "ഇന്ത്യൻ ടെമ്പസ്റ്റ്" എന്ന പ്രൊഡക്ഷനിൽ മിറാൻഡ എന്ന കഥാപാത്രമായി അഭിനയിച്ചു. [9] അയർലാന്റ്, സ്പെയിൻ, ഫ്രാൻസ്, പോർച്ചുഗൽ, ഇന്ത്യ തുടങ്ങിയ രാജ്യങ്ങളിലെ പര്യടനത്തിനുള്ള ശേഷം, [10] 2013 ൽ ഷേക്സ്പിയർ ഗ്ലോബിൽ പ്രൊഡക്ഷൻ ആരംഭിച്ചു.[11] [12]
പാവൽ സോകോടക് സംവിധാനവും ടട്രർ ബിയൂറോ പോഡ്റോസിയുടെ നിർമ്മാണവും നിർവ്വഹിച്ച 'ബേണിംഗ് ഫ്ലവേഴ്സ്-സെവൻ ഡ്രീംസ് ഓഫ് എ വുമൺ' എന്ന ഇൻഡോ-പോളിഷ് പ്രഡക്ഷനിൽ കനി ഗവേഷണം നടത്തുകയും , വികസിപ്പിക്കുകയും അഭിനയിക്കുകയും ചെയ്തു.2015 ൽ കെ കെ രാജീവൻ സംവിധാനം നിർവ്വഹിച്ച ഇശ്വരൻ സാക്ഷിയായി എന്ന പരമ്പരയിലൂടെ കനി ഒരു കുടുംബ സാന്നിധ്യമായി. സഹോദരന്റെ കൊലപാതകത്തെക്കുറിപ്പ് അന്വേഷിക്കുന്ന അഭിഭാഷക വക്താവ് അഡ്വക്കേറ്റ് ട്രീസ എന്ന കഥാപാത്രമായാണ് കനി ഈ പരമ്പരയിൽ അഭിനയിച്ചത്. [7] 2017 ൽ റിലീസ് ചെയ്ത വിപിൻ വിജയ് സംവിധാനം ചെയ്ത ചിത്രത്തിൽ കനി അഭിനയിച്ചിട്ടുണ്ട്.
Remove ads
സ്വകാര്യ ജീവിതം
കനിയുടെ അമ്മ ഡോ.എ.കെ ജയശ്രീ ഡോക്ടറായ ഒരു കമ്മ്യൂണിറ്റി മെഡിസിൻ വിദഗ്ദ്ധയും പൊതുജനാരോഗ്യ പ്രവർത്തകയും പരിയാരം മെഡിക്കൽ കോളേജിൽ ലക്ചററുമാണ്. അച്ഛൻ മൈത്രേയ മൈത്രേയൻ പ്രസിദ്ധ സ്വതന്ത്രചിന്തകനും യുക്തിവാദിയും കേരളത്തിൽ നിരവധി മനുഷ്യാവകാശ പ്രസ്ഥാനങ്ങൾ നയിച്ചിട്ടുണ്ട്. കനി കുസൃതി മുംബൈയിൽ തന്റെ പങ്കാളിയായ സംവിധായകനും, ശാസ്ത്ര സംവാദകനുവായ ആനന്ദ് ഗാന്ധിയോടൊപ്പം താമസിക്കുന്നു. സ്വതന്ത്രചിന്തകരും യുക്തിവാദിയുമാണെന്ന് അവർ സ്വയം അടയാളപ്പെടുത്തുന്നു.[13] [14]
സിനിമാ നിർമ്മാതാക്കളുടെ ലൈംഗിക ആവശ്യകതയെ തുടർന്ന് അഭിനയത്തിൽ നിന്ന് പിൻമാറുകയാണെന്ന് 2019 ഫെബ്രുവരി 19 ന് കനി കുസൃതി പറഞ്ഞു. മലയാള സിനിമയ്ക്കെതിരെ ശക്തമായ വിമർശനം ഉന്നയിച്ചിരുന്നു. സിനിമാ നിർമ്മാതാക്കൾ ലൈംഗിക ആവശ്യങ്ങൾ ഉന്നയിക്കുന്നതിനാൽ സിനിമ മേഖല ഉപേക്ഷിക്കുകയാണ് എന്ന് ഒരു വിനോദ വെബസൈറ്റിൽ പറഞ്ഞു. സിനിമ നിർമ്മാതാക്കൾ അവരുടെ ആവശ്യങ്ങൾക്കനുസരിച്ച് താൻ പ്രവർത്തിക്കുന്നതിന് വേണ്ടി തൻെറ അമ്മയെയും സമീപിച്ചിട്ടുണ്ടന്ന് കനി പറഞ്ഞു. ഈ കാരണങ്ങളൊക്കെകൊണ്ട് കനി നാടകത്തിലേക്ക് തിരിച്ച് പോകാൻ തീരുമാനിച്ചു, പക്ഷേ ആ മേഖലയിൽ നിന്ന് മതിയായ പണം സമ്പാദിക്കാൻ അവർക്ക് കഴിഞ്ഞില്ല. എന്നിരുന്നാലും #മീ ടൂ മൂവ്മെൻറും വുമൺ ഇൻ സിനിമ കളക്ടീവുമൊക്കെ മലയാളത്തിന്റെ സിനിമാ മേഖലയിൽ കനിയ്ക്ക് പ്രതീക്ഷ നൽകുന്നു.
സിനിമകൾ
Remove ads
പുരസ്കാരങ്ങൾ
- മികച്ച നടിയ്ക്കുള്ള കേരളസംസ്ഥാന ചലച്ചിത്ര പുരസ്കാരം - 2019 (ബിരിയാണി)[4]
റെഫറൻസുകൾ
Wikiwand - on
Seamless Wikipedia browsing. On steroids.
Remove ads