യൂണിവേഴ്സിറ്റി ഓഫ് കാലിക്കറ്റ്
1968 ൽ സ്ഥാപിതമായ കേരളത്തിലെ ഏറ്റവും വലിയ സർവ്വകലാശാല കാലിക്കറ്റ് സർവ്വകലാശാലയാണ് From Wikipedia, the free encyclopedia
Remove ads
കേരളത്തിലെ രണ്ടാമത്തെ സർവകലാശാലയാണ് കാലിക്കറ്റ് സർവകലാശാല. മലപ്പുറം ജില്ലയിലെ തേഞ്ഞിപ്പലത്താണ് സർവകലാശാലാ ആസ്ഥാനം. നിർമ്മായ കർമ്മണാ ശ്രീ എന്നതാണ് സർവകലാശാലയുടെ ആദർശവാക്യം. ഇ.എം.എസ് മന്ത്രിസഭയിലെ വിദ്യാഭ്യാസ വകുപ്പ് മന്ത്രിയായിരിക്കെ സി. എച്ച്. മുഹമ്മദ് കോയയാണ് സർവകലാശാല തറക്കല്ലിടലും ഉദ്ഘാടനവും നടത്തിയത്. സി. എച്ച്. മുഹമ്മദ് കോയയാണ് സർവകലാശാല സ്ഥാപിച്ചപ്പോൾ വിദ്യാഭ്യാസ മന്ത്രി അതിനാൽ ബഹുമാന സൂചകമായി സർവകലാശാലയുടെ വായനശാലക്ക് അദ്ദേഹത്തിന്റെ പേര് നൽകിയിരിക്കുന്നത്. നിലവിൽ ഡോക്ടർ പി രവീന്ദ്രൻ ആണ് വൈസ് ചാൻസലർ .
Remove ads
ഉത്ഭവം
ഉത്തരകേരളത്തിൽ ഉന്നതവിദ്യാഭ്യാസം വ്യാപിപ്പിക്കാനും ഗവേഷണം പ്രോത്സാഹിപ്പിക്കാനുമായി 1968 ലാണ് കേരള സർക്കാരിന്റെ ഉത്തരവിലൂടെ സർവകലാശാല നിലവിൽ വന്നത്. ശാസ്ത്ര-സാങ്കേതികവിദ്യയും കേരളത്തിന്റെ കലാസംസ്കാരങ്ങളും സർവകലാശാലയുടെ മുഖ്യപരിഗണനയായിരിക്കണമെന്നും നിശ്ചയിക്കപ്പെട്ടു. കേരള സർവകലാശാലയുടെ കീഴിൽ കോഴിക്കോട്ടുണ്ടായിരുന്ന നാല് ബിരുദാനതര പഠന വകുപ്പുകളും ഉത്തരകേരളത്തിലെ വിവിധ ജില്ലകളിലായുള്ള 54 കോളേജുകളും അധികാരപരിധിയിൽ കൊണ്ടുവന്നുകൊണ്ടാണ് സർവകലാശാല നിലവിൽ വന്നത്. ഇന്ന് 25 ബിരുദാനന്തര പഠന വകുപ്പുകളും 262 കോളേജുകളുമായി കേരളത്തിലെ ഏറ്റവും വലിയ സർവകലാശാലയായി ഇത് വളർന്നിരിക്കുന്നു.
കോഴിക്കോട് സർവകലാശാലയുടെ രൂപീകരണത്തിൽ ഇ.എം.എസ്.യുടെ പങ്ക്
- കേരളത്തിലെ വിദ്യാഭ്യാസ വികസനത്തിന് കമ്മ്യൂണിസ്റ്റ് സർക്കാർ വലിയ പ്രാധാന്യം നൽകി.
- 1968-ൽ കോഴിക്കോട് സർവകലാശാല രൂപീകരിക്കുന്നതിനുള്ള തീരുമാനം ഇ.എം.എസ്. മുഖ്യമന്ത്രിയായിരിക്കെയാണ് എടുത്തത്.
- ലക്ഷ്യം: കേരളത്തിന്റെ വടക്കൻ ജില്ലകളിലെ (മലപ്പുറം, കോഴിക്കോട്, വയനാട്, പാലക്കാട്, തൃശൂർ ഭാഗങ്ങൾ) വിദ്യാർത്ഥികൾക്ക് ഉയർന്ന വിദ്യാഭ്യാസം ലഭ്യമാക്കുക.
- തിരുവനന്തപുരം, കൊച്ചിൻ സർവകലാശാലകൾക്ക് മാത്രമായിരുന്ന വിദ്യാഭ്യാസ കേന്ദ്രീകരണം ഒഴിവാക്കുകയും, പിന്നാക്ക പ്രദേശങ്ങളിലെ വിദ്യാർത്ഥികൾക്കും സർവകലാശാലാ വിദ്യാഭ്യാസം എത്തിക്കുകയും ചെയ്യാനായിരുന്നു ശ്രമം.
- വിദ്യാഭ്യാസ ജനാധിപത്യവൽക്കരണത്തിന്റെ ഭാഗമായാണ് കോഴിക്കോട് സർവകലാശാല രൂപം കൊണ്ടത്.
- ഇ.എം.എസ്.യുടെ വിദ്യാഭ്യാസ നയം “പൊതു വിദ്യാഭ്യാസം എല്ലാവർക്കും, പിന്നാക്ക വിഭാഗങ്ങൾക്കും” എന്നതായിരുന്നു.
Remove ads
പഠനവകുപ്പുകൾ
കോഴിക്കോട് നഗരത്തിൽ നിന്ന് 20 കിലോമീറ്റർ അകലെ മലപ്പുറം ജില്ലയിലെ തേഞ്ഞിപ്പലത്താണ് സർവകലാശാലയുടെ ആസ്ഥാനവും മുഖ്യ പഠനകേന്ദ്രവും. സർവകലാശാലയുടെ 25 കിലോമീറ്റർ പരിധിയിൽ കോഴിക്കോട് സിറ്റിയും എട്ട് മുനിസിപ്പാലിറ്റികളും (ഫറോക്, രാമനാട്ടുകര, തിരൂർ, താനൂർ, കോട്ടക്കൽ, പരപ്പനങ്ങാടി, കൊണ്ടോട്ടി, തിരൂരങ്ങാടി) ഉണ്ട് സർവകലാശാലയുടെ ഭരണവിഭാഗവും പരീക്ഷാവിഭാഗവും വിദൂരപഠനവിഭാഗവും സ്ഥിതിചെയ്യുന്നത് ഇവിടെയാണ്. ഇവയ്ക്കു പുറമെ സർവകലാശാല കേന്ദ്ര ലൈബ്രറി, അക്കാദമിൿ സ്റ്റാഫ് കോളേജ്, ഹോസ്റ്റലുകൾ എന്നിവയും ഇവിടെയാണ്.
- ഭൗതികശാസ്ത്രം
- രസതന്ത്രം
- നാനോ സയൻസ്
- വാണിജ്യശാസ്ത്രം
- സസ്യശാസ്ത്രം
- ജന്തുശാസ്ത്രം
- ജൈവസാങ്കേതികത
- വിദ്യാഭ്യാസം
- അറബിൿ
- ഇംഗ്ലീഷ്
- ഹിന്ദി
- മലയാളം
- റഷ്യൻ
- സംസ്കൃതം
- ചരിത്രം
- പത്രപ്രവർത്തനം
- ഗ്രന്ഥപ്പുരശാസ്ത്രം
- ഗണിതശാസ്ത്രം
- സ്ഥിതിവിവരശാസ്ത്രം
- വിവരസാങ്കേതികത
- മന:ശാസ്ത്രം
- നാട്ടറിവ് പഠനകേന്ദ്രം
- തത്ത്വചിന്ത
- കായികവിദ്യ
ബൊട്ടാണിക്കൽ ഗാർഡൻ
സർവകലാശാലയുടെ കീഴിൽ 45 ഏക്കർ സ്ഥലത്ത് ഒരു ബൊട്ടാണിക്കൽ ഗാർഡൻ സ്ഥിതിചെയ്യുന്നു. പതിനായിരത്തോളം സസ്യ വകഭേദങ്ങൾ ഗാർഡനിലുണ്ട്. മുളകളും ഔഷധ സസ്യങ്ങളും ജലസസ്യങ്ങളുമെല്ലാം പ്രത്യേകമായി ഇവിടെ സംരക്ഷിക്കുന്നു. ഇവിടുത്തെ ശേഖരത്തിൽ ഇഞ്ചിവർഗത്തിലെ ഇരുനൂറോളം സ്പീഷീസുകളാണ് ഉള്ളത്. ആൻഡമാൻ നിക്കോബാറിലെ വംശനാശ ഭീഷണി നേരിടുന്ന ഇഞ്ചി വർഗ്ഗം ഉൾപ്പെടെ 140 എണ്ണം ഇന്ത്യയിൽ നിന്നുള്ള വർഗങ്ങളാണ്. തായ്‌ലൻഡ്, ശ്രീലങ്ക, മലേഷ്യ, ബംഗ്ലാദേശ് എന്നിവിടങ്ങളിൽ നിന്നുള്ള ഇഞ്ചിവർഗങ്ങളും ഇവിടെയുണ്ട്.
Remove ads
അഫിലിയേറ്റഡ് കോളേജുകൾ
കോഴിക്കോട് ജില്ലയിലെ 70, തൃശ്ശൂർ ജില്ലയിലെ 68, മലപ്പുറം ജില്ലയിലെ 70, പാലക്കാട് ജില്ലയിലെ 43, വയനാട് ജില്ലയിലെ 11 കോളേജുകൾ ചേർന്ന് മൊത്തം 262 കോളേജുകൾ സർവകലാശാലയോട് അഫിലിയേറ്റു ചെയ്തിരിക്കുന്നു. അവയിൽ 115 അർട്സ് ആന്റ് സയൻസ് കോളേജുകൾ, 53 ട്രെയ്‍‌നിംഗ് കോളേജുകൾ, 1എഞ്ജിനിയറിംഗ് കോളേജുകൾ, 5 മെഡിക്കൽ കോളേജുകൾ, 4 ആയുർവേദ കോളേജുകൾ, 2 ലോ കോളേജുകൾ, 23 അറബി കോളേജുകൾ, ഒരു ഫൈൻ ആർട്സ് കോളേജ് ,16 നേഴ്സിംഗ് കോളേജുകൾ എന്നിവ ഉൾപ്പെടുന്നു.
Image gallery
Employees Union Office
കണ്ണി
University of Calicut എന്ന വിഷയവുമായി ബന്ധപ്പെട്ട ചിത്രങ്ങൾ വിക്കിമീഡിയ കോമൺസിലുണ്ട്.
- ഔദ്യോഗിക വെബ് വിലാസം Archived 2018-01-11 at the Wayback Machine
- മലയാളം വാരിക, 2012 മെയ് 11 Archived 2016-03-06 at the Wayback Machine
Remove ads
Wikiwand - on
Seamless Wikipedia browsing. On steroids.
Remove ads