സർപ്പധരൻ

ഖഗോളമദ്ധ്യരേഖ കടന്നുപോകുന്ന ഒരു നക്ഷത്രരാശിയാണ്‌ സർപ്പധരൻ (Ophiuchus). പാരമ്പര്യമായി രാശിചക്രത്തിൽ ഉൾപ്പെടുത്തപ്പെട്ടിട്ടില്ലെങ്കിലും നവംബർ 30 മുതൽ ഡിസംബർ 17 വരെയുള്ള കാലം സൂര്യൻ ഈ നക്ഷത്രരാശിയിലാണ്‌ ഉണ്ടാകുക^[1]. സർപ്പമണ്ഡലത്തെ (Serpens) കയ്യിലേന്തിനിൽക്കുന്ന ഒരു മനുഷ്യനായാണ്‌ ഈ നക്ഷത്രരാശി ചിത്രീകരിക്കപ്പെടാറുള്ളത്.

സർപ്പധരൻ (Ophiuchus)

വലിയ ചിത്രത്തിനായി ഇവിടെ ഞെക്കുക
സർപ്പധരൻ രാശിയിലെ നക്ഷത്രങ്ങളുടെ പട്ടിക
ചുരുക്കെഴുത്ത്:	Oph
Genitive:	Ophiuchi
ഖഗോളരേഖാംശം:	17 h
അവനമനം:	0°
വിസ്തീർണ്ണം:	948 ചതുരശ്ര ഡിഗ്രി.  (11 - ആമത്)
പ്രധാന നക്ഷത്രങ്ങൾ:	10
ബേയർ/ഫ്ലാംസ്റ്റീഡ് നാമങ്ങളുള്ള നക്ഷത്രങ്ങൾ:	62
അറിയപ്പെടുന്ന ഗ്രഹങ്ങളുള്ള നക്ഷത്രങ്ങൾ:	4
പ്രകാശമാനം കൂടിയ നക്ഷത്രങ്ങൾ:	5
സമീപ നക്ഷത്രങ്ങൾ:	8
ഏറ്റവും പ്രകാശമുള്ള നക്ഷത്രം:	α Oph (റാസൽഹേഗ്)  (2.1m)
ഏറ്റവും സമീപസ്ഥമായ നക്ഷത്രം:	Barnard's Star  (5.96 പ്രകാശവർഷം)
മെസ്സിയർ വസ്തുക്കൾ:	7
ഉൽക്കവൃഷ്ടികൾ :	Ophiuchids Northern May Ophiuchids Southern May Ophiuchids Theta Ophiuchids
സമീപമുള്ള നക്ഷത്രരാശികൾ:	ജാസി (Hercules) സർപ്പമണ്ഡലം (Serpens) തുലാം (Libra) വൃശ്ചികം (Scorpius) ധനു (Sagittarius) Serpens Cauda ഗരുഡൻ (Aquila)
അക്ഷാംശം +80° നും −80° നും ഇടയിൽ ദൃശ്യമാണ്‌ ജൂലൈ മാസത്തിൽ രാത്രി 9 മണിക്ക് ഏറ്റവും നന്നായി ദൃശ്യമാകുന്നു

സവിശേഷതകൾ

കെപ്ലറുടെ സൂപ്പർനോവയുടെ അവശിഷ്ടം

സൗരയൂഥത്തിന് ഏറ്റവുമടുത്തുള്ള നക്ഷത്രരൂപീകരണ മേഖലകളിലൊന്നായ റോ ഓഫിയൂക്കി നീഹാരിക ഈ നക്ഷത്രരാശിയിലാണ്.

വളരെയധികം താരവ്യൂഹങ്ങൾ ഉള്ള ഒരു നക്ഷത്രരാശിയാണ്‌ ഇത്. M9, M10, M12, M14, M19, M62, M107 എന്ന മെസ്സിയർ വസ്തുക്കൾ ഇതിലുണ്ട്. ഇവയെല്ലാം തന്നെ ഗോളീയ താരവ്യൂഹങ്ങളാണ്‌. 1604ൽ ഈ നക്ഷത്രരാശിയിൽ ഒരു സൂപ്പർനോവാവിസ്ഫോടനമുണ്ടായി. ജ്യോതിശ്ശാസ്ത്രജ്ഞനായ ജൊഹാൻസ് കെപ്ലർ ഇതിനെക്കുറിച്ച് പഠിച്ചതിനാൽ ഇത് കെപ്ലറുടെ സൂപ്പർനോവ എന്ന് അറിയപ്പെടുന്നു^[2].

ഇതുവരെ കണ്ടെത്തിയവയിൽ വച്ച് ഏറ്റവും കൂടിയ proper motion ഉള്ള നക്ഷത്രമായ ബർണാർഡിന്റെ നക്ഷത്രം സർപ്പധരൻ രാശിയിലാണ്‌.^[3]