ആലത്തൂർ ലോക്‌സഭാ നിയോജകമണ്ഡലം

പാലക്കാട് ജില്ലയിൽപ്പെട്ട ചിറ്റൂർ‍, നെന്മാറ‍, തരൂർ , ആലത്തൂർ എന്നീ നിയമസഭാ മണ്ഡലങ്ങളും തൃശ്ശൂർ ജില്ലയിലെ ചേലക്കര‍‍, കുന്നംകുളം, വടക്കാഞ്ചേരി എന്നീ നിയമസഭാ മണ്ഡലങ്ങളും ചേർന്നതാണ് ആലത്തൂർ ലോകസഭാ നിയോജകമണ്ഡലം. നിലവിൽ കെ. രാധാകൃഷ്ണനാണ് ആലത്തൂർ ലോകസഭ നിയോജക മണ്ഡലത്തെ പ്രതിധാനം ചെയ്യുന്നത്. ^[1][2]

ആലത്തൂർ ലോക്സഭാ മണ്ഡലത്തിലെ നിയമസഭാ മണ്ഡലങ്ങൾ

2008-ലെ മണ്ഡലം പുനഃക്രമീകരണത്തിൽ രൂപികൃതമായ മണ്ഡലമാണിത്. 2001 ലെ ജനസംഖ്യയുടെ കണക്ക് അനുസരിച്ചാണ് തിരഞ്ഞെടുപ്പ് കമ്മീഷൻ ഈ മണ്ഡലത്തിന് രൂപംനൽകിയത്. 2009 ലെ പൊതുതിരഞ്ഞെടുപ്പിലാണ് ഇതിലെ ആദ്യ തിരഞ്ഞെടുപ്പ് നടന്നത്.^[3] ആലത്തൂർ ലോക്സഭാ മണ്ഡലം ഒരു പട്ടികജാതി സംവരണ മണ്ഡലമാണ്.^[4]

തിരഞ്ഞെടുപ്പുകൾ

തിരഞ്ഞെടുപ്പുകൾ ^{[5] [6]}

വർഷം	വിജയിച്ച സ്ഥാനാർത്ഥി	പാർട്ടിയും മുന്നണിയും വോട്ടും	മുഖ്യ എതിരാളി	പാർട്ടിയും മുന്നണിയും വോട്ടും	രണ്ടാമത്തെ മുഖ്യ എതിരാളി	പാർട്ടിയും മുന്നണിയും വോട്ടും
2019	രമ്യ ഹരിദാസ്	കോൺഗ്രസ് (ഐ.), യു.ഡി.എഫ്. 533815	പി.കെ. ബിജു	സി.പി.എം., എൽ.ഡി.എഫ് 374847	ടി.വി. ബാബു	ബി.ഡി.ജെ.എസ്., എൻ.ഡി.എ. 89837
2014	പി.കെ. ബിജു	സി.പി.എം., എൽ.ഡി.എഫ് 411808	കെ.എ. ഷീബ	കോൺഗ്രസ് (ഐ.), യു.ഡി.എഫ്. 374496	ഷാജുമോൻ വട്ടേക്കാട്ട്	ബി.ജെ.പി., എൻ.ഡി.എ. 87803
2009	പി.കെ. ബിജു	സി.പി.എം., എൽ.ഡി.എഫ് 387352	എൻ.കെ. സുധീർ	കോൺഗ്രസ് (ഐ.), യു.ഡി.എഫ്. 366392	എം. ബിന്ദു	ബി.ജെ.പി., എൻ.ഡി.എ. 53890

ഇതും കാണുക

• കേരളത്തിലെ ലോകസഭാമണ്ഡലങ്ങൾ
• കേരളത്തിലെ നിയമസഭാമണ്ഡലങ്ങൾ