ക്ലൂസിയേസീ
സപുഷ്പ സസ്യകുടുംബം From Wikipedia, the free encyclopedia
Remove ads
സപുഷ്പികളിൽപ്പെടുന്ന ഒരു സസ്യകുടുംബമാണ് ക്ലൂസിയേസീ (Clusiaceae). ഈ സസ്യകുടുംബത്തൽ ഏകദേശം 50 ജീനസ്സുകളിലായി 1200ഓളം സ്പീഷിസുകൾ ഉൾപ്പെടുന്നു.[2] മരങ്ങളും കുറ്റിച്ചെടികളും ആരോഹികളുമടങ്ങുന്ന ഈ കുടുംബത്തിലെ സസ്യങ്ങൾ ലോകത്തിന്റെ മിക്ക പ്രദേശങ്ങളിലും, പ്രധാനമായും ഉഷ്ണ-മിതോഷ്ണമേഖലകളിൽ ആണ് വളരുന്നത്. കേരളീയർക്ക് പരിചിതങ്ങളായ നാഗകേസരം, നാങ്ക്, മലമ്പൊങ്ങ്, കുടംപുളി, മാങ്കോസ്റ്റീൻ തുടങ്ങിയ സസ്യങ്ങൾ ക്ലൂസിയേസീ സസ്യകുടുംബത്തിലുൾപ്പെടുന്നവയാണ്
Remove ads
സവിശേഷതകൾ
ഇവയിൽ വെളുത്ത നിറങ്ങളോടു കൂടിയതോ ആയ കറകാണപ്പെടുന്നു. ലഘുപത്രങ്ങളോടുകൂടിയ ഇവയുടെ ഇലകൾ വിപരീതമായും, വർത്തുളമായും ക്രമീകരിച്ചതും വളരെ വിരളം ചില സ്പീഷിസുകളിൽ ഏകാന്തരന്യാസത്തിൽ ക്രമീകരിച്ചതാണ്. ഇവയ്ക് ഉപപർണ്ണങ്ങൾ ഉണ്ടാകാറില്ല. സിരാവിന്യാസം ജാലികാസിരാവിന്യാസത്തോടു കൂടിയവയുംആണ്. ഏകലിംഗ സ്വഭാവത്തോടുകൂടിയ ഇവയുടെ പൂക്കൾ, പ്രസമത (കൃത്യം മൂന്നോ അതിൽ കൂടുതലോ ആയി വിഭജിക്കാവുന്ന-actinomorphy)പാലിക്കുന്നവയാണ്.[3][4]
ഇവയുടെ പൂക്കളിൽ രണ്ട് വർത്തുളമായ പുഷ്‌പദളമണ്‌ഡലങ്ങളിൽ 2-10 വിദളങ്ങളും 4-12 ദളങ്ങളും വിന്യസിച്ചിരിക്കുന്നു. കേസരപുടം വെവ്വേറെ നിൽക്കുന്ന കുറേ കേസരങ്ങളോടുകൂടിയവയോ, അല്ലെങ്കിൽ പലകൂട്ടങ്ങളായി കാണപ്പെടുന്ന കേസരങ്ങളോടു കൂടിയവയോ ആണ്. സാധാരണയായി 3-5ഓ അതിൽ കൂടുതലോ പുഷ്‌പജനികൾ കൂടിച്ചേർന്നതാണ് ജനിപുടം (gynoecium, പുഷ്‌പജനികളുടെ എണ്ണത്തിനു സമാനമായിമായിരിക്കും അവയുടെ ജനിദണ്ഡും(style) അതിന്റെ അഗ്രഭാഗത്തുള്ള പരാഗണസ്ഥലവും. ഇവയുടെ അണ്ഡാശയം ഉയർന്നതും 3-5 അറകളോടുകൂടിയതുമാണ്. ഓരോ അറകളിലും കക്ഷങ്ങളിലായി വിന്യസിച്ച ഒന്നുമുതൽ ധാരാളം അണ്ഡകോശങ്ങൾ കാണപ്പെടുന്നു.[5][6]
Remove ads
അവലംബം
പുറത്തേക്കുള്ള കണ്ണികൾ
Wikiwand - on
Seamless Wikipedia browsing. On steroids.
Remove ads