ഇടപ്പള്ളി
From Wikipedia, the free encyclopedia
Remove ads
9.977°N 76.27°E എറണാകുളം ജില്ലയിലെ കൊച്ചി നഗരത്തിന്റെ വടക്കൻ പ്രദേശമാണ് ഇടപ്പള്ളി (എടപ്പള്ളി എന്നും പറയാറുണ്ട്). കൊച്ചി നഗരസഭയിൽ ഉൾപ്പെട്ട പ്രദേശം തന്നെയാണ് ഇത്. കേരളത്തിലൂടെ പോകുന്ന ദേശീയപാത 544, ദേശീയപാത 66 എന്നീ രണ്ടു ദേശീയപാതകൾ സംഗമിക്കുന്നത് ഇടപ്പള്ളിയിലാണ്. ഇത് വഴിയുള്ള ദേശീയപാത 544ന്റെ പുതിയ ബൈപ്പാസ്സും, മഹാരാഷ്ട്രയിലേ പൻവേലിലേക്കുള്ള ദേശീയപാത 66 ആരംഭിക്കുന്ന സ്ഥലവും ആയ ഇടപ്പള്ളി ,വളരെ ഏറെ വ്യാവസായിക -വ്യാപാര -വിദ്യാഭ്യാസ പ്രാധാന്യമുള്ള പ്രദേശമായി മാറിക്കൊണ്ടിരിക്കുകയാണ്. പുതിയ വല്ലാർപാടം റെയിൽ പാതയും ഇടപ്പള്ളിയിൽ ആരംഭിക്കുന്നു. നാല് ദിക്കിലേക്ക് ഉള്ള പാതകൾ സംഗമിക്കുന്ന സ്ഥലമാണ് ഇത്.
മലയാളത്തിലെ കാൽപ്പനിക കവികളായ ചങ്ങമ്പുഴ കൃഷ്ണപിള്ളയുടേയും, ഇടപ്പള്ളി രാഘവൻ പിള്ളയുടെയും ജന്മസ്ഥലം എന്ന നിലയിലും പ്രശസ്തമായ ഒരു പ്രദേശമാണ് ഇത്.
ഇടപ്പള്ളി പാലസ് ഗണപതി ക്ഷേത്രം കേരളത്തിലെ തന്നെ ഏറ്റവും പ്രധാനപെട്ട ഗണപതി ക്ഷേത്രങ്ങളിൽ ഒന്നാണ്. രാവിലെ 7.30 വരെ മാത്രം പൊതുജനങ്ങൾക്ക് പ്രവേശിക്കാൻ പറ്റുന്ന ചുരുക്കം അമ്പലങ്ങളിൽ ഒന്നാണ് ഇത്. ഇവിടുത്തെ അപ്പം "Appam" വഴിപാട് പ്രസിദ്ധമാണ്.
ഇടപ്പള്ളിയിലെ സെന്റ് ജോർജ്ജ് ദേവാലയം, പ്രശസ്തമായ ഒരു ക്രിസ്തീയ ആരാധനാകേന്ദ്രമാണ്. പൂവൻ കോഴിയെ ബലി നൽകൽ പെരുന്നാളിനോടനുബന്ധിച്ചുള്ള ഇവിടത്തെ ഒരു ചടങ്ങാണ്‌. അമൃത ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് ഇവിടുത്തെ ഒരു പ്രധാന ആതുരശുശ്രൂഷാ കേന്ദ്രമാണ്‌ [1] കേരളത്തിലെ ഏറ്റവും വലിയ ഷോപ്പിങ്ങ് മാളായ ലുലു മാൾ ഇവിടെ സ്ഥിതി ചെയ്യുന്നു.
മോഡേൺ ഫുഡ്‌ ഇൻഡസ്ട്രിസ് (മോഡേൺ ബ്രെഡ് ), ചങ്ങമ്പുഴ പാർക്കും, ഇടപ്പള്ളി സെൻട്രൽ നായർ സർവീസ്സ് സൊസൈറ്റി നമ്പർ 1640 കാര്യാലയവും, ഷോപ്പിംഗ് കോംപ്ലക്സ്, മാര്യേജ് ഹാൾ, ഗായത്രി കല്യാണ മണ്ഡപം(brahmins), ഒബറോൺ മാൾ (NH Bypass) ഇവിടെ സ്ഥിതി ചെയ്യുന്നു.
കൊച്ചി കോർപറേഷൻ്റെ സോണൽ ഓഫീസ് ഇവിടെ സ്ഥിതിചെയ്യുന്നു.
ഇടപ്പള്ളി റെയിൽവേ സ്റ്റേഷൻ അമൃത ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിന്റെ അടുത്താണുള്ളത്.
NH ബൈപാസ് ( ഇടപ്പള്ളി ഏരിയ ) ഭീമ, കജാരിയ ടൈൽസ് എന്നിവയുടെ ഷോറൂംസ്, I-Care( ഐഫോൺ സർവീസ് സെന്റർ) എന്നീ സ്ഥാപനങ്ങൾ ഉണ്ട്.
Remove ads
അടുത്തുള്ള പ്രദേശങ്ങൾ
| പോണേക്കര പേരണ്ടൂർ എളമക്കര പുതുക്കലവട്ടം ചങ്ങമ്പുഴ |
പേരിനു പിന്നിൽ
ഇടപ്പള്ളിയുടെ സമീപ പ്രദേശമായ തൃക്കാക്കര,വൈഷ്ണവക്ഷേത്ര സ്ഥാപാനത്തിനു മുൻപ് ഒരു ബൗദ്ധകേന്ദ്രമായിരുന്നു. അതിനല്പം കിഴക്കായി സ്ഥിതി ചെയ്യുന്ന കിഴക്കമ്പലം പള്ളിക്കര എന്നിവ ഇതിന്റെ സ്മാരകങ്ങൾ ആണ്‌. തൃക്കാക്കര, വൈദിക ബ്രാഹ്മണർക്കധീനമായപ്പോൾ നേതൃത്വവും നിലനില്പും നഷ്ടപ്പെട്ട വഴിയാധാരമായ ബൗദ്ധരിൽ ചിലർ ബ്രാഹ്മണർക്കു കീഴടങ്ങി. ബാക്കിയുള്ളവർ അന്നു കടപ്പുറമായിരുന്ന ഇടപ്പള്ളിയിലെ പുറമ്പോക്കുഭൂമിയിലേക്ക് പുറം തള്ളപ്പെട്ടു. ഇക്കൂട്ടർ ഇവിടെ അവരുടെ ഒരു പുതിയ അമ്പലം (ബൗധ ആരാധനാലയം) പണിതു. തൃക്കാക്കരയിലെ മൂലസ്ഥാനത്തെ വലിയ അമ്പലം നഷ്ടപ്പെട്ടതിനാൽ അവർ പുതിയ അമ്പലം ഇടപ്പള്ളി എന്നാണ്‌ വിളിച്ചിരുന്നത്. തൃക്കാക്കര അമ്പലത്തിലെ ബ്രാഹ്മിൻസ് ഇടക്ക് തങ്ങിയിരുന്ന സ്ഥലം എന്നുള്ളതിനാൽ ഇടയ്ക്കുള്ള പള്ളി എന്നത് ഇടപ്പള്ളി എന്ന് പറയുന്നു. [2] മദ്ധ്യവിഹാരം എന്ന് കോകസന്ദേശകാരൻ ഈ പള്ളിയെപ്പറ്റി പ്രതിപാദിച്ചിരിക്കുന്നു.
Remove ads
ചരിത്രം
സംഘകാലത്തെ കൃതിയായ പതിറ്റുപത്തിൽ കേരളപ്പെരുമാൾ ആട്കോട് പാട്ചേരൻ തൃക്കാക്കര കപിലതീർത്ഥക്കുളം നിർമ്മിച്ചതായും കുട്ടനാട് എന്ന് അന്ന് വിളിച്ചിരുന്ന ഇടപ്പള്ളി മുഴുവനും ബ്രാഹ്മണർക്ക് ദാനം ചെയ്തതായും സൂചനകൾ ഉണ്ട്.
| “ | കാണിന്റാ നീ മഹിതാമലനാടാം മണിച്ചെപ്പിലൺപും പുണാരം താർനിതവരിവണ്ടിന്നു ഫുല്ലാരവിന്ദം ക്ഷോണീപാലാവലിതിറയിടും തെന്തളിത്തമ്പുരാൻ താൻ നീണാൾ വാഴും പുരവരമെടപ്പള്ളി മുല്പ്പാടു പിന്നെ |
” |
എന്ന് കോകസന്ദേശം എന്ന പ്രാചീന കാവ്യത്തിൽ പരാമർശിച്ചിട്ടുണ്ട്.
ആരാധനാലയങ്ങൾ
- സെന്റ് ജോർജ്ജ് കത്തോലിക്ക ദേവാലയം
- ഇടപ്പള്ളി കൊട്ടാരം ഗണപതി ക്ഷെത്രം
- തൃക്കോവിൽ ശ്രീകൃഷ്ണസ്വാമി ക്ഷേത്രം
- മൈലാളത്ത് ശിവ ക്ഷേത്രം
- അഞ്ചുമന ക്ഷേത്രം
- ഇടപ്പള്ളി ജുമാ മസ്ജിദ്
- ഇടപ്പള്ളി ദേവൻകുളങ്ങര ശ്രീഭദ്രാദേവി ക്ഷേത്രം
ആതുരശുശ്രൂഷാ കേന്ദ്രങ്ങൾ
- അമൃത ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ്
- എം.എ.ജെ ഹോസ്പിറ്റൽ
- കൊച്ചിൻ സ്പൈൻ ഹോസ്പിറ്റൽ
- ഐ ഫൗണ്ടേഷൻ ഹോസ്പിറ്റൽ
- ആസ്റ്റർ മെഡിസിറ്റി ഹോസ്പിറ്റൽ
- കിണ്ടർ ഹോസ്പിറ്റൽ
പ്രധാന വിദ്യാഭ്യാസസ്ഥാപനങ്ങൾ
- ഗവ. ഹൈസ്ക്കൂൾ , ഇടപ്പള്ളി
- ഗവ. എൽപി സ്ക്കൂൾ , ഇടപ്പള്ളി
- ഗവ. യുപി സ്ക്കൂൾ , ഇടപ്പള്ളി
- ടീച്ചേർസ്സ് ട്രെയിനിങ് സ്ക്കൂൾ (ഗവ.)
- സ്കൂൾ ഓഫ് അപ്ലിയ്ഡ് ടെക്നോളജി ആൻഡ് സയൻസസ് (STAS)
- സെന്റ് ജോർജ് ഹൈസ്ക്കൂൾ
- അമൃത ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ്
- അമൃത വിദ്യാലയം, കുന്നുംപുറം
- അമൃത സ്ക്കൂൾ ഓഫ് ആർട്സ് ആൻഡ് സയൻസസ്
- അൽ അമീൻ പബ്ലിക് സ്ക്കൂൾ
- പയസ് ഗേൾസ് ഹൈസ്ക്കൂൾ
- ഗവ. ഹയർ സെക്കണ്ടറി സ്കൂൾ, എളമക്കര
- ഭവൻസ് വിദ്യാ മന്ദിർ, എളമക്കര
Remove ads
അവലംബം
കുറിപ്പുകൾ
Wikiwand - on
Seamless Wikipedia browsing. On steroids.
Remove ads