ഭരണഘടനാ വിദഗ്ധനായി ഇന്ത്യയിലെ ഏറ്റവും ഉന്നത പദവിയിലിരുന്ന സുപ്രീം കോടതിയിലെ സീനിയർ അഭിഭാഷകനായിരുന്ന ഫാലി എസ് നരിമാൻ്റെ ജീവിതരേഖ ഇന്ത്യയിലെ നീതി ന്യായ വ്യവസ്ഥയുടെ കഥ കൂടിയാണ്.

റംഗൂണിൽ ഇന്ത്യയിൽ നിന്നുള്ള പാഴ്സി ദമ്പതികളുടെ പുത്രനായി ജനിച്ച ഫാലിയുടെ മാതാപിതാക്കൾ സാം ബരിയാഞ്ജി നരിമാനും ബാനുവും ആയിരുന്നു.ഒരു ഇൻഷുറൻസ് കമ്പനിയിൽ ഉദ്യോഗസ്ഥനായിരുന്നു പിതാവ്. സിംലയിലെ ബിഷപ് കോട്ടൺ സ്കൂളിലായിരുന്നു പ്രാഥമിക വിദ്യാഭ്യാസം. തുടർന്ന് മുംബൈയിലെ സെന്റ് സേവ്യേഴ്സ് കോളേജിൽ നിന്നും ധനതത്വശാസ്ത്രവും ചരിത്രവുമുൾപ്പെട്ട വിഷയത്തിൽ ബിരുദം നേടി.തുടർന്ന് ഗവണ്മെന്റ് ലോ കോളേജിൽ നിന്നായിരുന്നു നിയമ ബിരുദം. അദ്ദേഹത്തിന്റെ ആത്മകഥയാണ് ബിഫോർ മെമ്മറി ഫേഡ്സ്.

1950-ൽ ഹൈക്കോടതി അഭിഭാഷകനായി എൻറോൾ ചെയ്തു. 1961-ൽ സീനിയർ അഭിഭാഷകനായ അദ്ദേഹം 1971 മുതൽ 2024 വരെ നീണ്ട 53 വർഷക്കാലം സുപ്രീം കോടതിയിലെ സീനിയർ അഭിഭാഷകനായിരുന്നു. 1972 മുതൽ 1975 വരെ ഇന്ത്യയുടെ അഡീഷണൽ സോളിസിറ്റർ ജനറലായും പ്രവർത്തിച്ചു. 1991 മുതൽ 2010 വരെ ബാർ അസോസിയേഷൻ ഓഫ് ഇന്ത്യയുടെ അഖിലേന്ത്യ പ്രസിഡൻ്റായിരുന്നു. 1995 മുതൽ 1997 വരെ ഇൻ്റർനാഷണൽ കമ്മീഷൻ ഓഫ് ജൂറിസ്റ്റ് എക്സിക്യൂട്ടീവ് കമ്മറ്റി ചെയർമാനായും 1999-ൽ യു.എൻ. കോൺഫറൻസ് ഓണർ ട്രേഡ് & ഡെവലപ്പ്മെൻ്റ് ഉപദേശക ബോർഡ് അംഗം എന്നീ നിലകളിലും പ്രവർത്തിച്ചു. നിയമ രംഗത്തിന് നൽകിയ സംഭാവനകൾ പരിഗണിച്ച് ഫാലി എസ് നരിമാനെ രാജ്യം 1991-ൽ പത്മഭൂഷണും 2007-ൽ പത്മവിഭൂഷണനും നൽകി ആദരിച്ചു.^[4]

രചിച്ച പുസ്തകങ്ങൾ

• The State of Nation
• God Save The Honble Supreme Court

• ഭാര്യ : ബാപ്സി നരിമാൻ
• മക്കൾ :
• റോഹിൻ്റൺ നരിമാൻ (സുപ്രീം കോടതി സീനിയർ അഭിഭാഷകൻ, സുപ്രീം കോടതി ജഡ്ജി, മുൻ അഡീഷണൽ സോളിസിറ്റർ ജനറൽ ഓഫ് ഇന്ത്യ)
• അനഹീത (സ്പീച്ച് തെറാപ്പിസ്റ്റ്)^[5]

ഏഴു പതിറ്റാണ്ടിലേറെ കാലം അഭിഭാഷകനായി പ്രാക്ടീസ് തുടർന്ന് പോരെവെ വാർധക്യ സഹജമായ അസുഖങ്ങൾക്ക് ചികിത്സയിലിരിക്കെ-95 മത്തെ വയസിൽ 2024 ഫെബ്രുവരി 21ന് പുലർച്ചെ അന്തരിച്ചു.^[6]