ജി. മാധവൻ നായർ

ഇന്ത്യൻ ബഹിരാകാശ ഗവേഷണസ്ഥാപനമായ ഇസ്രോയുടെ മുൻ ചെയർമാനും, ഇന്ത്യയുടെ മുൻ ബഹിരാകാശ ഗവേഷണവകുപ്പു സെക്രട്ടറിയുമാണ് ഡോ. ജി. മാധവൻ നായർ. 1967ൽ ഇസ്രോയിൽ പ്രവേശിച്ച അദ്ദേഹം ഇന്ത്യയുടെ ബഹിരാകാശ ഗവേഷണ മേഖലയ്ക്ക് നൽകിയ സംഭാവനകൾ വിലമതിയ്ക്കാനാവാത്തവയാണ്. 2009 ഒക്ടോബർ 31ന് ഇദ്ദേഹം ഐ.എസ്.ആർ.ഒ. ചെയർമാൻ പദവിയിൽ നിന്നും വിരമിച്ചു^[1]

ജി. മാധവൻ നായർ
ജി. മാധവൻ നായർ
ജനനം	(1943-10-31) 31 ഒക്ടോബർ 1943 (age 81) വയസ്സ്) തിരുവനന്തപുരം, കേരളം
ദേശീയത	ഇന്ത്യൻ
കലാലയം	ബി.എസ്.സി.(എഞ്ചിനീയറിംഗ്), (1966), കേരള സർവ്വകലാശാല
അറിയപ്പെടുന്നത്	ഇന്ത്യൻ ബഹിരാകാശ പദ്ധതി
അവാർഡുകൾ	പത്മഭൂഷൺ (1998), പത്മവിഭൂഷൺ (2009)
Scientific career
Fields	ജ്യോതിശാസ്ത്രം
Institutions	ഇന്ത്യൻ സ്പേസ് റിസർച്ച് ഓർഗനൈസേഷൻ ഭാഭാ ആണവ ഗവേഷണകേന്ദ്രം

വ്യക്തിപരം

തിരുവനന്തപുരത്ത് നെയ്യാറ്റിൻകരയിൽ 1943 ഒക്ടോബർ 31ന് ജനിച്ചു. പ്രാഥമികവിദ്യാഭ്യാസം കന്യാകുമാരിയിൽ. 1966ൽ തിരുവനന്തപുരം എൻജിനീയറിങ് കോളേജിൽ നിന്ന് ഇലക്ട്രിക്കൽ ആന്റ് കമ്മ്യൂണിക്കേഷൻ എൻജിനീയറിങ്ങിൽ ബി.എസ്.സി. ബിരുദം നേടി. ഭാഭ അറ്റോമിക് റിസർച് സെന്ററിൽ പ്രത്യേകപരിശീലനം ലഭിച്ചു. 1967ൽ തുമ്പ റോക്കറ്റ് വിക്ഷേപണകേന്ദ്രത്തിൽ പ്രവേശിച്ചു.

'ഇസ്രോ'യിൽ

അംഗീകാരങ്ങളും ബഹുമതികളും

രാഷ്ട്രത്തിനും സമൂഹത്തിനും നൽകിയ സംഭാവനകൾ കണക്കിലെടുത്ത് ഭാരത സർക്കാർ അദ്ദേഹത്തെ 1998ൽ പത്മഭൂഷൺ ബഹുമതിയും 2009ൽ പത്മവിഭൂഷൺ ബഹുമതിയും നൽകി ആദരിച്ചു.^[2] അദ്ദേഹത്തിനു ലഭിച്ചിട്ടുള്ള മറ്റു ചില പ്രധാന പുരസ്കാരങ്ങളും ബഹുമതികളും താഴെ കാണാം.

• ഓം പ്രകാശ് ഭാസിൻ അവാർഡ്.
• സ്വദേശി ശാസ്ത്ര പുരസ്കാരം.
• FIE ഫൗണ്ടേഷൻ അവാർഡ്.
• ഇന്ത്യൻ സയൻസ് കോൺഗ്രസിന്റെ വിക്രം സാരാഭായി മെമ്മോറിയൽ സ്വർണ്ണമെഡൽ.
• പഞ്ചാബ് സാങ്കേതിക സർവ്വകലാശാലയുടെ തത്ത്വശാസ്ത്രത്തിലുള്ള ഡോക്ടറേറ്റ്.
• കൊച്ചി ശാസ്ത്ര സാങ്കേതിക സർവ്വകലാശാലയുടെ ശാസ്ത്രത്തിലുള്ള ഡോക്ടറേറ്റ്.

വിവാദങ്ങൾ

എസ്. ബാൻഡ് സ്പെക്ട്രം സ്വകാര്യകമ്പനിക്ക് നൽകുന്നതിനുള്ള വിവാദ കരാറുമായി ബന്ധപ്പെട്ട് ഐ.എസ്.ആർ.ഒ. മുൻ ചെയർമാൻ ജി. മാധവൻ നായരടക്കം നാല് ഉന്നത ശാസ്ത്രജ്ഞർക്കെതിരെ കേന്ദ്ര സർക്കാർ നടപടിയെടുത്തു. മാധവൻനായരെയും മറ്റ് മൂന്നു പേരെയും നിലവിലുള്ളതും ഭാവിയിൽ ഉണ്ടാകാവുന്നതുമായ എല്ലാ സർക്കാർ നിയമനങ്ങളിൽ നിന്നും വിലക്കി^[3]