വാതകഭീമന്മാർ

സൗരയൂഥത്തിലെ വലിയ ഗ്രഹങ്ങളായ വ്യാഴം, ശനി, യുറാനസ്, നെപ്റ്റ്യൂൺ എന്നിവയെയാണ് വാതകഭീമന്മാർ എന്നു പറയുന്നത്. പാറയോ ഉറച്ച വസ്തുക്കളോ ഇവയിലില്ല. ഇതിലെ യുറാനസ്, നെപ്റ്റ്യൂൺ എന്നിവയെ ഹിമഭീമന്മാർ എന്നും പറയാറുണ്ട്. കാരണം ഇവയിലെ പദാർത്ഥങ്ങളെല്ലാം ഐസ് രൂപത്തിലുള്ളവയാണ്.^[1][2] സൗരയൂഥത്തിനു പുറത്തും നിരവധി വാതകഭീമന്മാരെ കണ്ടെത്തിയിട്ടുണ്ട്.

സൂര്യനും നാലു വാതകഭീമന്മാരും

10 ഭൂപിണ്ഡത്തിൽ കൂടുതലുള്ള ഗ്രഹങ്ങളെയാണ് ഭീമൻഗ്രഹങ്ങൾ എന്നു വിശേഷിപ്പിക്കുന്നത്.^[3] പിണ്ഡം കുറഞ്ഞ വാതകഗ്രഹങ്ങളെ 'വാതക കുള്ളന്മാർ'(gas dwarfs) എന്നു വിളിക്കുന്നു.^[4]