ജഹന്ദർ ഷാ
From Wikipedia, the free encyclopedia
Remove ads
ജഹന്ദർ ഷാ മുഗൾ സാമ്രാജ്യത്തിലെ എട്ടാമത്തെ ചക്രവർത്തിയായിരുന്നു. ഔറംഗസേബിൻറെ ഈ പൗത്രന് 350 ദിവസങ്ങൾ മാത്രമേ സിംഹാസനത്തിലിരിക്കാനായുളളു.
Remove ads
ബഹദൂർ ഷാക്ക് 4 പുത്രന്മാരാണുണ്ടായിരുന്നത് ജഹന്ദർ ഷാ, അസിം ഉഷ് ഷാൻ, റഫി ഉഷ് ഷാൻ, ഖുജിസ്ത അഖ്തർ...· തനിക്കുശേഷം അസിം ഉഷ് ഷാൻ രാജ്യഭാരം കൈക്കൊളളണമെന്നായിരുന്നു ബഹാദൂർ ഷായുടെ ആഗ്രഹം. എന്നാൽ മറ്റു സഹോദരന്മാർ ഇതനുവദിച്ചുകൊടുക്കാൻ തയ്യാറായില്ല. ഔറംഗസേബിൻറെ സേനാനായകരിലൊരാളായിരുന്ന സുൾഫിക്കർ ഖാന്റെ സഹായത്തോടെ അവർ അസിം ഉഷ് ഷാനെ പരാജയപ്പെടുത്തി. ജീവരക്ഷാർഥം രാവി നദിയിലേക്കെടുത്തു ചാടിയ അസിം ഉഷ് ഷാൻ മുങ്ങിമരിച്ചു. ജഹന്ദർ ഷാ മുഗൾ സമ്രാട്ടായി സ്ഥാനാരോഹണം ചെയ്തു. സുൾഫിക്കർ ഖാൻ പ്രധാനമന്ത്രിയായി. ജഹന്ദർ ഷാ അന്തഃപുരത്തിലെ വിലാസലോകത്തിൽ സമയം ചിലവിട്ടു. വെപ്പാട്ടിമാരെ പ്രീതിപ്പെടുത്താനായി കഴിവും കരുത്തുമില്ലാത്ത പലരേയും ഉന്നതസ്ഥാനങ്ങളിൽ നിയമിച്ചു.
Remove ads
കിഴക്കൻ പ്രവിശ്യകളിൽ നിന്ന് സൈന്യവുമായി അസിം ഉഷ് ഷാനിൻറെ പുത്രൻ ഫറൂഖ് സിയാർ മുന്നേറുന്ന വിവരം അറിഞ്ഞിട്ടും ജഹന്ദർ ഷായും പ്രധാന മന്ത്രി സുൾഫിക്കർ ഖാനും കാര്യമായി പ്രതികരിച്ചില്ല. ഫറൂഖ് സിയാറിന് സൂത്രശാലികളായ സയ്യദ് സഹോദരന്മാരുടെ പിന്തുണയുണ്ടായിരുന്നു.
1713-ൽ ആഗ്രക്കടുത്തു വച്ചു നടന്ന സംഘട്ടനത്തിൽ ജഹന്ദർ ഷായുടെ സൈന്യം പരാജിതരായി. ജഹന്ദർ ഷാ വധിക്കപ്പെട്ടു;പതിനഞ്ചു വയസ്സുകാരനായ പുത്രൻ അസീസ് ഉദ്ദീൻ ബന്ധനസ്ഥനുമാക്കപ്പെട്ടു. 1714 ജനുവരി 21ന് അസീസ് ഉദ്ദീൻ അന്ധനാക്കപ്പെട്ടു.
അവലംബം
Nilakanta Sastri (1975). Advanced History of India. Allied Publishers Pvt.Ltd., India. {{cite book}}: Unknown parameter |coauthor= ignored (|author= suggested) (help)
പുറത്തേക്കുള്ള കണ്ണികൾ
Wikiwand - on
Seamless Wikipedia browsing. On steroids.
Remove ads