ജാവ പ്ലാറ്റ്ഫോം, സ്റ്റാൻഡേർഡ് എഡിഷൻ

ജാവ പ്ലാറ്റ്ഫോം, സ്റ്റാൻഡേർഡ് എഡിഷൻ (ജാവ എസ്ഇ) ഡെസ്ക്ടോപ്പ്, സെർവർ പരിതസ്ഥിതികൾക്കായി പോർട്ടബിൾ കോഡിൻ്റെ വികസനത്തിനും വിന്യാസത്തിനുമുള്ള ഒരു കമ്പ്യൂട്ടിംഗ് പ്ലാറ്റ്ഫോമാണ്.^[1] ജാവ എസ്ഇ മുമ്പ് ജാവ 2 പ്ലാറ്റ്ഫോം, സ്റ്റാൻഡേർഡ് എഡിഷൻ (ജെ2എസ്ഇ) എന്നാണ് അറിയപ്പെട്ടിരുന്നത്.

പ്ലാറ്റ്ഫോം ജാവ പ്രോഗ്രാമിംഗ് ഭാഷ ഉപയോഗിക്കുന്നു കൂടാതെ ജാവ സോഫ്റ്റ്വെയർ-പ്ലാറ്റ്ഫോം കുടുംബത്തിൻ്റെ ഭാഗമാണ്. ജാവ ക്ലാസ് ലൈബ്രറിക്കുള്ള ജാവ എപിഐകൾ പോലെയുള്ള പൊതു-ഉദ്ദേശ്യ എപിഐകളുടെ ഒരു ശ്രേണി ജാവ എസ്ഇ നിർവചിക്കുന്നു, കൂടാതെ ജാവ ലാംഗ്വേജ് സ്പെസിഫിക്കേഷനും ജാവ വെർച്വൽ മെഷീൻ സ്പെസിഫിക്കേഷനും ഉൾപ്പെടുന്നു.^[2]പതിപ്പ് 7 മുതലുള്ള ഔദ്യോഗിക റഫറൻസ് നടപ്പിലാക്കലാണ് ഓപ്പൺജെഡികെ(OpenJDK).^[3][4][5]

നാമകരണം, മാനദണ്ഡങ്ങൾ, സവിശേഷതകൾ

പതിപ്പ് 1.5-ൽ ജാവ പ്ലാറ്റ്ഫോം, സ്റ്റാൻഡേർഡ് എഡിഷൻ അല്ലെങ്കിൽ ജാവ എസ്ഇ എന്ന പേര് മാറ്റുന്നതുവരെ പതിപ്പ് 1.2-ൽ നിന്ന് ജാവ 2 പ്ലാറ്റ്ഫോം, സ്റ്റാൻഡേർഡ് എഡിഷൻ അല്ലെങ്കിൽ ജെ2എസ്ഇ എന്ന പേരിലാണ് ഈ പ്ലാറ്റ്ഫോം അറിയപ്പെട്ടിരുന്നത്. എൻ്റർപ്രൈസ് എഡിഷൻ (ജാവ ഇഇ), മൈക്രോ എഡിഷൻ (ജാവ എംഇ) പ്ലാറ്റ്‌ഫോമുകളിൽ നിന്ന് അടിസ്ഥാന പ്ലാറ്റ്‌ഫോമിനെ വേർതിരിച്ചറിയാൻ "എസ്ഇ(SE)" ഉപയോഗിക്കുന്നു. "2" യഥാർത്ഥത്തിൽ പതിപ്പ് 1.2-ൽ അവതരിപ്പിച്ച പ്രധാന മാറ്റങ്ങൾക്ക് ഊന്നൽ നൽകാനാണ് ഉദ്ദേശിച്ചത്, എന്നാൽ പതിപ്പ് 1.6-ൽ അത് നീക്കം ചെയ്തു. ജാവ വെർഷൻ ഹിസ്റ്ററിയിൽ നെയിമിംഗ് കൺവെൻഷൻ നിരവധി തവണ മാറ്റിയിട്ടുണ്ട്. J2SE 1.4 (മെർലിൻ) മുതൽ, ജാവ കമ്മ്യൂണിറ്റി പ്രോസസിന് കീഴിലാണ് ജാവ എസ്ഇ വികസിപ്പിച്ചെടുത്തത്, ഇത് ജാവ പ്ലാറ്റ്‌ഫോമിനായി നിർദ്ദേശിച്ചിട്ടുള്ളതും അന്തിമവുമായ സവിശേഷതകളുടെ വിവരണങ്ങൾ അടങ്ങിയ ജാവ സ്പെസിഫിക്കേഷൻ റിക്വസ്റ്റ്സ് (ജെഎസ്ആർ) നിർമ്മിക്കുന്നു.^[6]ജെഎസ്ആർ(JSR) 59 എന്നത് J2SE 1.4-ൻ്റെയും ജെഎസ്ആർ 176-ൻ്റെ J2SE 5.0-ൻ്റെയും (Tiger) അമ്പ്രല സ്‌പെസിഫിക്കേഷനായിരുന്നു. ജെഎസ്ആർ 270 ന് കീഴിൽ ജാവ എസ്ഇ 6 (മസ്താങ്) പുറത്തിറങ്ങി.

ജാവ പ്ലാറ്റ്‌ഫോം, എൻ്റർപ്രൈസ് എഡിഷൻ (ജാവ ഇഇ) എന്നത് ജാവ എസ്ഇയിലെ എല്ലാ ക്ലാസുകളും ഉൾപ്പെടുന്ന ഒരു അനുബന്ധ സ്പെസിഫിക്കേഷനാണ്, കൂടാതെ വർക്ക്സ്റ്റേഷനുകളിൽ നിന്ന് വ്യത്യസ്തമായി സെർവറുകളിൽ പ്രവർത്തിക്കുന്ന പ്രോഗ്രാമുകൾക്ക് വെബ് സേവനങ്ങൾ, എൻ്റർപ്രൈസ് മെസ്സേജിംഗ്, സ്ഥിരത എന്നിവയും അതിലേറെയും പ്രവർത്തനങ്ങൾ വാഗ്ദാനം ചെയ്യുന്ന, വലിയ തോതിലുള്ള, ഡിസ്ട്രിബ്യൂട്ട് ചെയ്ത, എൻ്റർപ്രൈസ്-തലത്തിലുള്ള ആപ്ലിക്കേഷനുകൾ വികസിപ്പിക്കുന്നതിനുള്ള ആവശ്യങ്ങൾ നിറവേറ്റുന്നതിനാണ് ഈ കൂട്ടിച്ചേർക്കലുകൾ പ്രത്യേകം രൂപകൽപ്പന ചെയ്തിരിക്കുന്നത്.

ജാവ പ്ലാറ്റ്ഫോം, മൈക്രോ എഡിഷൻ (Java ME) രൂപകൽപ്പന ചെയ്തിരിക്കുന്നത്, സെൽ ഫോണുകൾ, പിഡിഎകൾ എന്നിവ പോലുള്ള ചെറിയ, റിസോഴ്സ്-ലിമിറ്റഡ് ഉപകരണങ്ങളിൽ ആപ്ലിക്കേഷനുകൾ വികസിപ്പിക്കുന്നതിന് പ്രത്യേകമായി രൂപകൽപ്പന ചെയ്തിട്ടുള്ള ഒരു സ്റ്റാൻഡേർഡ് ജാവ എപിഐകൾ വാഗ്ദാനം ചെയ്യുന്നതിന് വേണ്ടിയാണ്. നിയന്ത്രിത പ്ലാറ്റ്‌ഫോമുകൾക്കായി സോഫ്‌റ്റ്‌വെയർ കാര്യക്ഷമമായി സൃഷ്‌ടിക്കുന്നത് സുഗമമാക്കുന്നതിന് ഇത് ഒരു സ്ട്രീംലൈൻ ചെയ്‌ത അന്തരീക്ഷം പ്രദാനം ചെയ്യുന്നു, മൊബൈൽ, എംബഡഡ് സിസ്റ്റങ്ങൾക്ക് അനുയോജ്യതയും ആപ്ലിക്കേഷൻ വികസനം എളുപ്പമാക്കുന്നു.

ജാവ റൺടൈം എൻവയോൺമെൻ്റ്(JDK),ജാവ ഡെവലപ്മെന്റ് കിറ്റ് എന്നിവ യഥാക്രമം ജാവ പ്രോഗ്രാമുകൾ പ്രവർത്തിപ്പിക്കാനോ വികസിപ്പിക്കാനോ ഒരു കമ്പ്യൂട്ടറിൽ ഡൗൺലോഡ് ചെയ്ത് ഇൻസ്റ്റാൾ ചെയ്ത യഥാർത്ഥ ഫയലുകളാണ്.

പൊതു ആവശ്യത്തിനുള്ള പാക്കേജുകൾ

java.lang

Java പാക്കേജ് java.lang-ൽ ഉള്ള ഭാഷയും റൺടൈം സിസ്റ്റവുമായി അടുത്ത ബന്ധമുള്ള അടിസ്ഥാന ക്ലാസുകളും ഇൻ്റർഫേസുകളും അടങ്ങിയിരിക്കുന്നു. ക്ലാസ് ശ്രേണി രൂപപ്പെടുത്തുന്ന റൂട്ട് ക്ലാസുകൾ, ഭാഷാ നിർവചനവുമായി ബന്ധിപ്പിച്ചിരിക്കുന്ന ടൈപ്പുകൾ, ബേസിക്ക് എക്സെപ്ക്ഷൻസ്, ഗണിത പ്രവർത്തനങ്ങൾ, ത്രെഡിംഗ്, സുരക്ഷാ പ്രവർത്തനങ്ങൾ, കൂടാതെ അന്തർലീനമായ നേറ്റീവ് സിസ്റ്റത്തെക്കുറിച്ചുള്ള ചില വിവരങ്ങൾ എന്നിവ ഇതിൽ ഉൾപ്പെടുന്നു. ഈ പാക്കേജിൽ ജെഡികെ(JDK) 6-ൽ നൽകിയിരിക്കുന്ന 32 Errorക്ലാസുകളിൽ 22 എണ്ണം ഉൾപ്പെട്ടിരിക്കുന്നു.