ലാൽബാഗ്

ബെംഗളൂരുവിലെ പ്രശസ്തമായ ഒരു പൂന്തോട്ടം ആണ് ലാൽബാഗ്. ഇത് കമ്മീഷൻ ചെയ്തത് മൈസൂർ രാജാവായിരുന്ന ഹൈദർ അലിയായിരുന്നു. രണ്ടു പ്രധാന വാതിലുകളുള്ള ഈ പൂന്തോട്ടത്തിൽ ഒരു മനുഷ്യനിർമിത താടകവും ഉണ്ട്. കുറെ അധികം പക്ഷികളുടെ വാസസ്ഥലം കൂടിയാണിത്. ഞാറപ്പക്ഷിയാണ്(സ്പോട്ട് ബിൽഡ് പെലിക്കൺ) ഇതിൽ പ്രധാനം.

ലാൽബാഗിലെ ഗ്ലാസ് ഹൗസ്

ലാൽബാഗിന്റെ ഘടനയും വിവരപട്ടികയും

240 ഏക്കറിലായി ബാംഗ്ലൂർ നഗരത്തിന്റെ തെക്കു വശത്തായിട്ടാണ്‌ ഈ ഉദ്യാനം സ്ഥിതി ചെയ്യുന്നത്. നിരവധി പുഷ്പോത്സവങ്ങൾ ഇവിടെ നടക്കാറുണ്ട്. പ്രത്യേകിച്ചും റിപ്പബ്ലിക്ക് ദിവസം (ജനുവരി 26) നടക്കുന്ന പുഷ്പ പ്രദർശനം വളരെ ശ്രദ്ധയാകർഷിക്കുന്നു. ലാൽ ബാഗിന്റെ അക്ഷാംശം (Latitude): 12% 8´N -ഉം രേഖാംശം (Longitude): 77% 37´E -ഉം ആണ്.

ചരിത്രം

1760-ൽ ഹൈദർ അലി ആയിരുന്നു ഈ ഉദ്യാനത്തിന്റെ നിർമാണആരംഭം കുറിച്ചത്. അക്കാലത്ത് പ്രശസ്തമായ മുഗൾ ഗാർഡന്റെ രൂപത്തിൽ തന്റെ രാജ്യത്തും വേണം എന്നുള്ള ആഗ്രഹത്തിൽ നിന്നാണ് ഇത് രൂപം കൊണ്ടത്. ലോകത്തിന്റെ വിവിധ ഭാഗങ്ങളിൽ നിന്നുള്ള വൃക്ഷങ്ങൾ നട്ടു പിടിപ്പിച്ചു, ബൊട്ടാണിക്കൽ ഗാർഡൻ എന്ന രൂപത്തിലേക്ക് ഇത് പൂർത്തിയാക്കിയത് ഹൈദർ അലിയുടെ മകൻ ടിപ്പു സുൽത്താൻ ആയിരുന്നു. 1979 ൽ മൈസൂരിലെ ബ്രിട്ടിഷ് ആധിപത്യത്തിന് ശേഷം ഗിൽബെർട് വാഖ്നായിരുന്നു സംരക്ഷണ ചുമതല.

1874 ൽ 45 ഏക്കർ ആയിരുന്നു വിസ്തീർണം, 1889 ൽ 30 ഏക്കർ കൂടി കൂട്ടിച്ചേർത്തു. 1891 ൽ കെംബഗൌഡ ഗോപുരം നിൽകൊള്ളുന്ന പാറക്കൂട്ടം കൂടെ ഉൾപ്പെടുന്ന 94 ഏക്കർ ഇടതുവശത്തായി കൂടിച്ചേർത്തു വിപുലീകരിച്ചു.^[1]

ലാൽ ബാഗ് ഒറ്റനോട്ടത്തിൽ

ലാൽ ബാഗിൽ എത്തിച്ചേരുവർക്ക് അത്യാവശ്യം വേണ്ടിവരുന്നു വിവരങ്ങളുടെ പട്ടിക താഴെ കൊടുക്കുന്നു. ചിത്രത്തിൽ ഇതേ നമ്പറുകൾ അടയാളപ്പെടുത്തി വെച്ചതും കാണുക.

1. ഫ്ലോറൽ ക്ലോക്ക്
2. മഹാരാജാ പ്രതിമ
3. കൃത്രിമപ്പൊയ്ക (അക്വേറിയം)
4. ബാൻഡ് സ്റ്റാന്റ്
5. റോസാപ്പൂ തോട്ടം
6. തടാകം
7. നിരീക്ഷണ കേന്ദ്രം
8. സിൽക് കോട്ടൺ മരം
9. മരത്തിന്റെ അസ്ഥിപഞ്ജരം (Tree Fossil)
10. താമര പൊയ്ക (Lotus pond)
11. കണ്ണാടി മാളിക (Glass House)
12. പ്രാവു മഞ്ചം (Dovecote)
13. പ്രദേശവിവരകേന്ദ്രം (Farm Information Unit)
14. ബോൺസായി മരത്തോട്ടം
15. കെമ്പ ഗൗഡ ഗോപുരം
16. ടോപ്പിയറി തോട്ടം (ചെടികളും വേലികളും ആലങ്കാരികമായി വെട്ടിയൊതുക്കി വെച്ച സ്ഥലം)
17. ജപ്പാനീസ് പൂന്തോട്ടം
18. അധികാരി/നിർദ്ദേശകരുടെ ഓഫീസ് (Directorate)

ചിത്രശാല

ലാൽബാഗ് ഗ്ലാസ് ഹൗസിന്റെ ഉൾഭാഗത്തിന്റെ പനോരമ ദൃശ്യം - 2010 ലെ ഫ്ലവർഷോ സമയത്ത്

ലാൽബാഗിലെ റോസ് ഗാർഡൻ

• 
  2010 ലെ ഫ്ലവർ ഷോയിലെ ഇന്ത്യാ ഗേറ്റിന്റെ മാതൃക ഗ്ലാസ് ഹൗസിൽ.
• 
  ഗ്ലാസ് ഹൗസ്
• 
  ഗ്ലാസ് ഹൗസിനു മുന്നിൽ നിന്ന്
• 
  ഗ്ലാസ് ഹൗസിന്റെ മുൻപിലെ മരവും, ഫൗണ്ടനും
• 
  2010 ലെ ഫ്ലവർ ഷൊയിൽ പ്രദർശിപ്പിച്ച ഇന്ത്യാ ഗേറ്റിന്റെ മാതൃക
• 
  2010 ലെ ഫ്ലവർ ഷൊയിൽ പ്രദർശിപ്പിച്ച ഇന്ത്യാ ഗേറ്റിന്റെ ചുവരിലെ റോസ് പുഷ്പങ്ങൾ
• 
  ലാൽബാഗിലെ ഗ്ലാസ്‌ ഹൗസിന്റെ രാത്രികാല ദൃശ്യം
• 
  ലാൽബാഗിലുള്ള പ്രവർത്തിക്കുന്ന ഫ്ലോറൽ ക്ലോക്ക്
• 
  ലാൽബാഗ് പൂന്തോട്ടത്തിലുള്ള തടാകത്തിന്റെ സന്ധ്യാസമയത്തുള്ള ദൃശ്യം