പത്മഭൂഷൺ

പത്മഭൂഷൺ പുരസ്കാരം 1954 ജനുവരി 2-ന് ഇന്ത്യൻ പ്രസിഡന്റ് സ്ഥാപിച്ച സിവിലിയൻ ബഹുമതിയാണ്. ഭാരതരത്നം, പത്മവിഭൂഷൺ എന്നിവ കഴിഞ്ഞാൽ രാജ്യത്തെ ഏറ്റവും ഉയർന്ന സിവിലിയൻ ബഹുമതിയാണ് പത്മഭൂഷൺ. പത്മശ്രീയാകട്ടെ പത്മഭൂഷനെക്കാൽ താഴ്ന്ന സിവിലിയൻ ബഹുമതിയാണ്. താന്താങ്ങളുടെ കർമ്മപഥത്തിൽ മികവു തെളിയിച്ച വ്യക്തികളെ ആദരിക്കാനാണ് പത്മഭൂഷൺ നൽകിപ്പോരുന്നത്. രാഷ്ട്രപതി ഒപ്പിട്ട ഒരു പ്രശംസാപത്രവും വട്ടത്തിലുള്ള ഒരു മുദ്രയും പുരസ്കാര ജേതാവിന് നൽകിവരുന്നു. എല്ലാവർഷവും റിപ്പബ്ലിക് ദിനത്തിലാണ് പുരസ്കാരജേതാക്കളെ പ്രഖ്യാപിക്കുന്നത്^[1].

പത്മഭൂഷൺ
പുരസ്കാരവിവരങ്ങൾ
തരം	സിവിലിയൻ
വിഭാഗം	ദേശീയ പുരസ്കാരം
നിലവിൽ വന്നത്	1954
ആദ്യം നൽകിയത്	1954
അവസാനം നൽകിയത്	2010
ആകെ നൽകിയത്	1111
നൽകിയത്	ഇന്ത്യാ ഗവൺമെന്റ്
അവാർഡ് റാങ്ക്
പത്മവിഭൂഷൺ ← പത്മഭൂഷൺ → പത്മശ്രീ

ചരിത്രം

1954 ജനുവരി 2-ന് അന്നത്തെ ഇന്ത്യൻ പ്രസിഡന്റിന്റെ സെക്രട്ടറിയുടെ ഓഫീസിൽ നിന്ന് രണ്ട് സിവിലിയൻ അവാർഡുകൾ പ്രഖ്യാപിച്ചുകൊണ്ട് ഒരു പത്രക്കുറിപ്പ് പ്രസിദ്ധീകരിച്ചു- പരമോന്നത സിവിലിയൻ ബഹുമതിയായ ഭാരതരത്‌നയും ത്രിതല പത്മവിഭൂഷണും "പഹേല വർഗ്" (ക്ലാസ് I), "ദുസ്ര വർഗ്" (ക്ലാസ് II), "തിസ്ര വർഗ്" (ക്ലാസ് III) എന്നിങ്ങനെ തരംതിരിച്ചുകൊണ്ട് ഭാരതരത്നയ്ക്ക് താഴെയുള്ള റാങ്കുകളായി. ^[2]1955 ജനുവരി 15-ന്, പത്മവിഭൂഷണിനെ മൂന്ന് വ്യത്യസ്ത പുരസ്കാരങ്ങളായി പുനഃക്രമീകരിച്ചു: മൂന്നിൽ ഏറ്റവും ഉയർന്നത് പത്മവിഭൂഷൺ, തുടർന്ന് പത്മഭൂഷണും പത്മശ്രീയും.^[3] മറ്റ് വ്യക്തിഗത സിവിലിയൻ ബഹുമതികളോടൊപ്പം അവാർഡും അതിന്റെ ചരിത്രത്തിൽ രണ്ടുതവണ താൽക്കാലികമായി നിർത്തിവച്ചു. 1977 ജൂലൈയിൽ മൊറാർജി ദേശായി ഇന്ത്യയുടെ നാലാമത്തെ പ്രധാനമന്ത്രിയായി സത്യപ്രതിജ്ഞ ചെയ്ത് അധികാരമേറ്റപ്പഴായിരുന്നു ആദ്യ തവണ."ഈ പുരസ്കാരങ്ങൾ വിലയില്ലാത്തതും രാഷ്ട്രീയവൽക്കരിക്കപ്പെട്ടതുമാണ്" എന്നു പറഞ്ഞായിരുന്നു അന്നത് നിർത്തിവച്ചത്.^[4]1980 ജനുവരി 25ന് ഇന്ദിരാഗാന്ധി പ്രധാനമന്ത്രിയായതിന് ശേഷം അവ പുനസ്ഥാപിച്ചു.^[5] 1992 മധ്യത്തിൽ ഇന്ത്യൻ ഹൈക്കോടതികളിൽ രണ്ട് പൊതുതാൽപ്പര്യ വ്യവഹാരങ്ങൾ ഫയൽ ചെയ്തപ്പോൾ സിവിലിയൻ അവാർഡുകൾ വീണ്ടും താൽക്കാലികമായി നിർത്തിവച്ചു. അതിൽ ഒന്ന് കേരള ഹൈക്കോടതിയിൽ 1992 ഫെബ്രുവരി 13-ന് ബാലാജി രാഘവൻ ഫയൽ ചെയ്തു. അടുത്തത് 1992 ഓഗസ്റ്റ് 24-ന് മധ്യപ്രദേശ് ഹൈക്കോടതിയിൽ (ഇൻഡോർ ബെഞ്ച്) സത്യപാൽ ആനന്ദ് ഫയൽ ചെയ്തു.ഇന്ത്യൻ ഭരണഘടനയുടെ ആർട്ടിക്കിൾ 18 (1) ന്റെ വ്യാഖ്യാനമനുസരിച്ച് സിവിലിയൻ അവാർഡുകൾ "ശീർഷകങ്ങൾ" ആണെന്ന് ഉള്ളതിനെ രണ്ട് ഹർജിക്കാരും ചോദ്യം ചെയ്തു.^[6]1992 ഓഗസ്റ്റ് 25-ന് മധ്യപ്രദേശ് ഹൈക്കോടതി എല്ലാ സിവിലിയൻ അവാർഡുകളും താൽക്കാലികമായി നിർത്തിവച്ചുകൊണ്ട് നോട്ടീസ് പുറപ്പെടുവിച്ചു.^[6]എ.എം. അഹമ്മദി സി.ജെ., കുൽദീപ് സിംഗ്, ബി.പി. ജീവൻ റെഡ്ഡി, എൻ.പി. സിംഗ്, എസ്. സഗീർ അഹമ്മദ് എന്നിവരടങ്ങുന്ന അഞ്ച് ജഡ്ജിമാർ ഉൾപ്പെടുന്ന ഇന്ത്യൻ സുപ്രീം കോടതിയുടെ ഒരു പ്രത്യേക ഡിവിഷൻ ബെഞ്ച് രൂപീകരിച്ചു. 1995 ഡിസംബർ 15-ന് സ്പെഷ്യൽ ഡിവിഷൻ ബെഞ്ച് അവാർഡുകൾ പുനഃസ്ഥാപിക്കുകയും ഒരു വിധി പുറപ്പെടുവിക്കുകയും ചെയ്തു.""ഭാരത് രത്ന, പത്മ പുരസ്കാരങ്ങൾ ഇന്ത്യൻ ഭരണഘടനയുടെ ആർട്ടിക്കിൾ 18 പ്രകാരമുള്ള പദവികളല്ല" എന്ന് വിധിന്യായത്തിൽ പറഞ്ഞു. ^[7]