പകോഡ

തെക്കേ ഏഷ്യയിൽ പ്രധാനമായും ഇന്ത്യ, പാകിസ്താൻ എന്നിവടങ്ങളിൽ കണ്ടുവരുന്ന വറുത്ത ഒരു പലഹാരമാണ് പകോഡ. ^[1] കോഴിയിറച്ചി, സവാള, ഉരുളക്കിഴങ്ങ്, കോളിഫ്ലവർ, പാലക്, മുളക്, പനീർ എന്നിവയിലേതെങ്കിലും കലക്കിയ കടലമാവിൽ മുക്കി പൊരിച്ചെടുത്താണ് പകോഡ ഉണ്ടാക്കുന്നത്. വടക്കെ ഇന്ത്യയിൽ പനീർ കൊണ്ട് നിർമ്മിതമായ പനീർ പകോഡ വളരെ പ്രസിദ്ധമാണ്. കൂടാതെ സവാള കൊണ്ട് നിർമ്മിച്ച പ്യാജ് പകോഡയും, ഉരുളക്കിഴങ്ങ് കൊണ്ടുണ്ടാക്കിയ ആലൂ പകോഡയും പ്രസിദ്ധമാണ്.

Pakora പകോഡ
ഉത്ഭവ വിവരണം
ഉത്ഭവ രാജ്യം:	ഇന്ത്യ, ബംഗ്ലാദേശ്, പാകിസ്താൻ
പ്രദേശം / സംസ്ഥാനം:	തെക്കേ ഏഷ്യ
വിഭവത്തിന്റെ വിവരണം
പ്രധാന ഘടകങ്ങൾ:	മാവ്

ഇത് ഒരു വൈകുന്നേര ലഘുഭക്ഷണമായാണ് സാധാരണ കഴിക്കുന്നത്. തെക്കേ ഇന്ത്യയിൽ ഇത് ബജ്ജി എന്ന പേരിലും അറിയപ്പെടുന്നു. ബജ്ജി പ്രധാനമായും സവാള ഉപയോഗിച്ചാണ് ഉണ്ടാക്കുന്നത്. ഏത്തക്കായ, മുട്ട, മുളക് എന്നിവയുപയോഗിച്ചും ബജ്ജിയുണ്ടാക്കാറുണ്ട്.

ചിത്രശാല

• 
  കോളിഫ്ലവർ പകോഡ
• 
  ഉള്ളി പകോഡ