മുടിയൻപച്ച

ആസ്റ്ററേസീ സസ്യകുടുംബത്തിലെ ഒരു കളയാണ് മുടിയേന്ദ്രപ്പച്ച അഥവാ മുടിയൻപച്ച. (ശാസ്ത്രീയനാമം: Synedrella nodiflora). 30 സെന്റിമീറ്ററോളം ഉയരം വയ്ക്കുന്ന ഏകവർഷിയായ ഈ ചെടി കേരളത്തിൽ എല്ലായിടത്തും കാണാറുണ്ട്. ചെറിയ മഞ്ഞപ്പൂക്കളാണ് മുടിയൻപച്ചയുടേത്.^[2] ഒരു അധിനിവേശസസ്യമായി കരുതിപ്പോരുന്ന^[3] ഈ ചെടി ഇളംപ്രായത്തിൽ പച്ചക്കറിയായി ഉപയോഗിക്കാറുണ്ട്. ഔഷധഗുണവുമുണ്ട്.^[4] വിത്തുകൾ വഴി വിതരണം നടക്കുന്നു.^[5] Synedrella ജനുസിലെ ഏക സ്പീഷിസ് ആണ് ഈ ചെടി.

മുടിയൻപച്ച
മുടിയൻപച്ച
Scientific classification
Kingdom:	Plantae
(unranked):	Angiosperms
(unranked):	Eudicots
(unranked):	Asterids
Order:	Asterales
Family:	Asteraceae
Tribe:	Heliantheae
Genus:	Synedrella Gaertn.
Species:	S. nodiflora
Binomial name
Synedrella nodiflora (L.) Gaertn.
Synonyms[1]
Ucacou Adans. Verbesina nodiflora L. Eclipta latifolia L.f. Blainvillea latifolia (L.f.) DC. Ecliptica latifolia (L.f.) Kuntze Wedelia cryptocephala Peter Ucacou nodiflorum (L.) Hitchc.

വിവരണം

രോമാവൃതമായ തണ്ടുകളോട് കൂടിയ കുത്തനെ വളരുന്നു. പരുപരുത്ത ലഘുപത്രങ്ങൾ സമ്മുഖമായി വിന്യസിച്ചിരിക്കുന്നു. മഞ്ഞനിറത്തിലുള്ള പൂക്കൾ പത്രകക്ഷങ്ങളിൽ ഉണ്ടാകുന്നു. ^[6] ഒന്നിച്ചു കൂടിയത് എന്നർത്ഥമുള്ള ' synedros' എന്ന ഗ്രീക്കു പദത്തിന്റെ ലാറ്റിൻരൂപമാണ് ജനുസ്സ് നാമമായി നൽകിയിരിക്കുന്നത്. (കുറേ ചെറുപൂക്കളുടെ സംഘാതമാണ് ഒരു പൂവ് പോലെ തോന്നിപ്പിക്കുന്നത്). പത്രകക്ഷ(node)ത്തിൽ ഉണ്ടാകുന്ന പൂക്കൾ എന്നാണ് സ്പീഷീസ് പേരിന് അർത്ഥം.

Synedrella nodiflora in Pulikurumba

വെസ്റ്റിൻഡീസ് സ്വദേശിയായ ഈ ചെറിയ കളസസ്യം ഇപ്പോൾ ഇന്ത്യയുൾപ്പെടെ മറ്റു ഏഷ്യൻ രാജ്യങ്ങളിലും എത്തിയിട്ടുണ്ട്. കേരളത്തിലെ ഇലപൊഴിയും വനങ്ങളിലും നാട്ടിൻപുറങ്ങളിലും പാതയോരങ്ങളിലും വളരുന്നു.