ഉദ്ധാരണശേഷിക്കുറവ്
പുരുഷന്മാരിലെ ലൈംഗിക പ്രശ്നം / From Wikipedia, the free encyclopedia
പുരുഷന്മാരിൽ ലിംഗത്തിന് ഉദ്ധാരണം ഉണ്ടാകാത്ത അവസ്ഥയെ 'ഉദ്ധാരണക്കുറവ് അഥവാ ഉദ്ധാരണശേഷിക്കുറവ്' എന്ന് വിളിക്കുന്നു. ഇംഗ്ലീഷിൽ 'ഇറക്ടൈൽ ഡിസ്ഫക്ഷൻ' (Erectile dysfunction) എന്ന് വിളിക്കുന്നു. ഏതു പ്രായത്തിലുള്ള പുരുഷന്മാർക്കും ഉദ്ധാരണക്കുറവ് ഉണ്ടാകാം. ഇതിന് ശാരീരികവും മാനസികവുമായ നിരവധി കാരണങ്ങളുണ്ട്. ഇവയിൽ പലതും ഗുരുതര രോഗങ്ങളുടെ ലക്ഷണങ്ങളും ആകാം. പ്രായമേറുമ്പോൾ പുരുഷന്മാർക്ക് ഏറ്റവും സാധാരണമായ ലൈംഗിക പ്രശ്നം ഉദ്ധാരണക്കുറവ് ആണ്. ഏകദേശം 40% പുരുഷന്മാരെ 40 വയസ്സ് ആകുമ്പോഴേക്കും ഉദ്ധാരണക്കുറവ് ബാധിക്കുന്നു, 70% പുരുഷന്മാരും 70 വയസ്സ് ആകുമ്പോഴേക്കും ഉദ്ധാരണക്കുറവ് അനുഭവിക്കുന്നു. ചെറുപ്പക്കാരിലും ഈ രോഗം കണ്ടുവരാറുണ്ട്. പ്രമേഹം, അമിത കൊളസ്ട്രോൾ പോലെയുള്ള രോഗാവസ്ഥകൾ, മാനസിക സമ്മർദം, ആൻഡ്രോപോസ് തുടങ്ങിയവ ഉള്ളവരിൽ പ്രശ്നം കൂടുതൽ ഗുരുതരമാകാം.