![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9f/Snellen_chart.svg/langml-640px-Snellen_chart.svg.png&w=640&q=50)
നേത്ര പരിശോധന
From Wikipedia, the free encyclopedia
നേത്രരോഗവിദഗ്ദ്ധൻ (മെഡിക്കൽ ഡോക്ടർ), ഒപ്റ്റോമെട്രിസ്റ്റ്, അല്ലെങ്കിൽ ഓർത്തോപ്റ്റിസ്റ്റ്, കാഴ്ച ശക്തി, കണ്ണുകളുടെ ആരോഗ്യം, എന്നിവ വിലയിരുത്തുന്നതിനും, അതിലെ അപാകതകൾ കണ്ടെത്തുന്നതിനും നടത്തുന്ന പരിശോധനകളുടെ ഒരു പരമ്പരയാണ് നേത്ര പരിശോധന എന്ന് വിശേഷിപ്പിക്കുന്നത്.
നേത്ര പരിശോധന | |
---|---|
Medical diagnostics | |
![]() കാഴ്ച ശക്തി പരിശോധനയ്ക്കായി ഉപയോഗിക്കുന്ന പരമ്പരാഗത സ്നെല്ലെൻ ചാർട്ട് | |
MedlinePlus | 003434 |
LOINC | 29271-4 |
പ്രാഥമിക പരിചരണത്തിന്റെ ഭാഗമായി എല്ലാ ആളുകൾക്കും ആനുകാലികവും സമഗ്രവുമായ നേത്രപരിശോധന നടത്തണമെന്ന് ആരോഗ്യ പരിപാലന വിദഗ്ധർ പലപ്പോഴും ശുപാർശ ചെയ്യുന്നു, പ്രത്യേകിച്ചും പല നേത്രരോഗങ്ങളും ലക്ഷണങ്ങളില്ലാത്തവയാണ് എന്നതിനാൽ.
ചികിത്സിച്ചു മാറ്റാൻ സാധ്യതയുള്ള അന്ധത, നേത്ര രോഗങ്ങൾ, കണ്ണിന്റെ ചലന വൈകല്യങ്ങൾ, സിസ്റ്റമിക് രോഗങ്ങളുടെ കണ്ണിലെ ലക്ഷണങ്ങൾ, ട്യൂമറുകൾ അല്ലെങ്കിൽ തലച്ചോറിലെ മറ്റ് അപാകതകൾ എന്നിവ നേത്ര പരിശോധനയിലൂടെ കണ്ടെത്താം.
ഒരു പൂർണ്ണ നേത്ര പരിശോധനയിൽ, ഒരു ബാഹ്യ പരിശോധന, തുടർന്ന് കാഴ്ച ശക്തി, പ്യൂപ്പിൾ ഫംഗ്ഷൻ, എക്സ്ട്രാഒക്യുലർ പേശി ചലനം, വിഷ്വൽ ഫീൽഡുകൾ, ഇൻട്രാഒക്യുലർ മർദ്ദം, ഒഫ്താൽമോസ്കോപ്പി എന്നിവ ഉൾപ്പെടുന്നു.
ചെറിയ തോതിലുള്ള നേത്രപരിശോധനയിൽ കാഴ്ച ശക്തി, പ്യൂപ്പിൾ ഫംഗ്ഷൻ, എക്സ്ട്രാഒക്യുലർ പേശികളുടെ ചലനശേഷി എന്നിവയ്ക്കുള്ള പരിശോധനകളും, പ്യൂപ്പിൾ വികസിപ്പിക്കാതെ നേരിട്ടുള്ള ഒഫ്താൽമോസ്കോപ്പി പരിശോധനയും ഉൾപ്പെടുന്നു.