നേപ്പാളിന്റെ ചരിത്രം
From Wikipedia, the free encyclopedia
നേപ്പാളിന്റെ ചരിത്രം ഇന്ത്യൻ ഉപഭൂഖണ്ഡത്തിന്റെയും സമീപപ്രദേശങ്ങളായ തെക്കേ ഏഷ്യ, കിഴക്കൻ ഏഷ്യ എന്നിവയുടെയും ചരിത്രവുമായി കെട്ടു പിണഞ്ഞു കിടക്കുന്നു. വ്യത്യസ്ത ഭാഷകൾ സംസാരിക്കുന്നവരും വ്യത്യസ്ത മതങ്ങളും സംസ്കാരവും ഉൾക്കൊള്ളുന്ന നേപ്പാളിൽ ഏറ്റവും അധികം സംസാരിക്കപ്പെടുന്നത് നേപ്പാളി ഭാഷ ആകുന്നു. ജനാധിപത്യത്തിനു വേണ്ടിയുള്ള സമരങ്ങൾ ഇരുപതാം നൂറ്റാണ്ടിലും ഇരുപത്തി ഒന്നാം നൂറ്റാണ്ടിന്റെ ആദ്യത്തിലും നേപ്പാളിൽ നടന്നു. 1990-കളിൽ തുടങ്ങിയ ജനാധിപത്യത്തിനു വേണ്ടിയുള്ള പോരാട്ടങ്ങൾ 2008 വരെ നീണ്ടുനിന്നു. 2006-ൽ ഒരു സമാധാന ഉടമ്പടി ഒപ്പുവച്ചു, അതേ വർഷം തന്നെ പൊതുതിരഞ്ഞെടുപ്പ് നടന്നു. ചരിത്രപ്രധാനമായ ഭരണഘടനാ സമിതിയുടെ തെരഞ്ഞെടുപ്പിലെ വോട്ടെടുപ്പിൽ, 2006 ജൂണിൽ നേപ്പാളിലെ പാർലമെന്റ്, രാജവാഴ്ചയെ പുറത്താക്കാൻ വോട്ട് ചെയ്തു. 200 വർഷം പഴക്കമുള്ള ഷാ രാജവംശത്തിന്റെ (शाह वंश) ഭരണം അവസാനിപ്പിച്ചുകൊണ്ട് നേപ്പാൾ ഒരു ഫെഡറൽ റിപ്പബ്ലിക് ആയി മാറി.