Жигмэдгэсэрнамжил Ванчиг

Жигмэдгэсэрнамжил Ванчиг (зонке хэл. འཇིགས་མེད་གེ་སར་རྣམ་རྒྱལ་དབང་ཕྱུག་, 1980 оны 2-р сарын 21-нд төрсөн) — Бутаны тавдугаар буюу одоо төр барьж буй ван.^[1]

Жигмэдгэсэрнамжил Ванчиг
Бутаны ван
Хаанчлал	2006 оны 12 сарын 14 – одоо
Хаан суусан	2008 оны 11 сарын 6
Төрсөн огноо	1980 оны 2 сарын 21 (1980-02-21) (44 нас)
Төрсөн газар	Бутан улсын Тхимпху хотын Дэчинчойлин ордон
Өмнөх	Жигмэдсэнгэ Ванчиг
Эцэг	Жигмэдсэнгэ Ванчиг
Эх	Цэрэн-Ядам
Шүтлэг	Буддын шашин
Ургийн овог	Ванчиг овог

Бага нас

Жигмэдгэсэрнамжил 1980 онд өмнөх ван Жигмэдсэнгэ Ванчигийн ууган хүү болон гуравдугаар хатан Цэрэн-Ядамаас нь төржээ. Эцэг эх нэгтэй Дэчин-Янжин, Жигмэддорж хоёроос гадна эх өөр долоон дүүтэй. Бутандаа дунд сургууль дүүргэж, Америкийн Филиппс, Кашинг, Витонг зэрэг дээд сургууль, Их Британийн Оксфордын Их Сургуульд номын дуу сонсч улс төр судлалаар дэд эрдэмтний зэрэг хамгаалсан байна.

Тайз үе

Тайз байхдаа 2002 онд НҮБ-ийн Ерөнхий ассемблейд үг хэлж, 2006 онд Тайландын вангийн 60 насны ойд оролцжээ.

Улсын ван

2005 онд Жигмэдсэнгэ Ванчиг өөрийн хаан ширээг ахмад хүүдээ 2008 онд шилжүүлэхээ мэдэгдсэн. 2006 онд төрийн хэргийг Жигмэдгэсэрнамжил Ванчигт шилжүүлсэн бөгөөд хаан ширээнд залах ёслол 2008 онд болжээ.

Тэрээр гэргийн хамт 2024 оны 7-р сарын 8-11-нд Монгол Улсад албан ёсоор айлчилсан.

Гэр бүл

1990 оны 6-р сарын 4-нд Тхимпхуд төрсөн Жавзанбадамтай (англи. Jetsun Pema Wangchuck, зонкэ. རྗེ་བཙུན་པདྨ་དབང་ཕྱུག;) 2011 оны 10-р сарын 13-нд гэрлэсэн.

Лавлах холбоос

1. Das, Biswajyoti (2006-12-18). "Bhutan's new king committed to democracy". Boston Globe. {{cite web}}: Italic or bold markup not allowed in: |publisher= (help)