Гравитаци

Гравитаци буюу таталцлын хүч нь байгалийн үндсэн дөрвөн харилцан үйлчэлийн нэг бөгөөд масстай биес өөр хоорондоо татагддаг шалтгаан.^[1] Өдөр тутмын амьдралд гравитаци нь масстай биеүүдэд жин өгч, тэдгээрийг газарт унагаадаг байдлаар ажиглагдана. Гравитаци нь тараагдсан материг хоорондоо нэгдэхэд хүргэдэг тул дэлхий, нар, мөн ертөнц дахь бүхий л томоохон хэмжээтэй биетүүд оршин буй шалтгаан юм. Дэлхий болон бусад гаригуудыг нарыг тойрч байх, сар дэлхийг тойрч байх, далайн түрлэг татлага явагдах, конвекци буюу нягт, гравитацийн нөлөөгөөр шингэн урсах, үүсч буй нар болон гаригуудын дотор маш өндөр температурт халах, дэлхий дээр ажиглагдах маш олон төрлийн үзэгдлийн шалтгаан болдог.

Гравитаци нь гаригууд нарыг тойрч байх нөхцлийг хангана

Орчин үеийн физикийн шинжлэх ухаан нь гравитацийг инерциал биетүүдийн хөдөлгөөнийг захирах орон зай-цаг хугацааны муруйлтын үр дүн хэмээн харьцангуйн онолын тусламжтайгаар тайлбарладаг. Үүнээс илүү хялбараар Ньютоны бүх ертөнцийн таталцлын хууль нь ихэнх тооцоонд тохирох ойролцоо утгыг гаргадаг.