Окленд

Шинэ Зеландын Хойд Арал дээр орших хотжсон нутаг болох Их Окленд нь Шинэ Зеландын хамгийн олон хүн амтай, хамгийн том, анхдагч хот юм. Нийт 1.4 сая хүн буюу тус улсын хүн амын дөрөвний нэгээс илүү нь Оклендэд оршин суудаг. Хүн амзүйн хандлагыг үзвэл тус хотын хүн ам Шинэ Зеландын бусад хэсгийн хүн амаас илүү түргэн өссөөр байх төлөвтэй байна. Улам бүр космополитан шинжтэй болж буй Окленд хотод дэлхийн аль ч хотоос олон полинез хүн ам оршин суудаг.^[6]

Окленд Auckland (Англи) Tāmaki Makaurau (Маори)
Их хот
Төв бизнес дүүрэг Захиргааны байр Гэгээн Патрикын сүм Нэг модны толгод Дайны дурсгалын музей Оклендийн урлагийн галерей Окленд Харбор Бридж
Хоч:  City of Sails (Дарвуулны хот)[1] Queen City (Хатан хааны хот)[2]
Окленд Шинэ Зеланд дахь байршил Шинэ Зеланд дахь байршил Окленд Далайн орнууд дахь байршил Далайн орнууд дахь байршил Окленд Номхон далай дахь байршил Номхон далай дахь байршил
Солбицол: 36°50′57″S 174°45′55″E
Улс	Шинэ Зеланд
Арал	Хойд Арал
Муж	Окленд
Маоричууд суурьшсан	1350 он орчим
Европчууд суурьшсан	1840
Үгийн гарал	Жорж Эден, Оклендийн 1-р гүн
Засаг захиргаа
• Биет	Окленд хотын зөвлөл
• Хотын дарга	Уэйн Браун
• Хотын даргын орлогч	Десли Симпсон
Газар нутаг
• Хотын нутаг [3]	605.67 км2 (233.85 бээр2)
Хамгийн өндөр цэг	196 м (643 фут)
Хамгийн нам цэг	0 м
Хүн ам  (2024 оны 6 сар)[4]
• Окленд муж	1,798,300
• Ард түмний нэршил	Оклендчууд
ДНБ [5]
• Окленд муж	ШЗ$ 139.5 тэрбум (2022)
• Нэг хүнд ноогдох	ШЗ$ 80,300 (2022)
Цагийн бүс	UTC+12:00 (NZST)
• Зун (ЗЦ)	UTC+13:00 (NZDT)
Шуудангийн код	0600–2699
Бүсийн дугаар	09
Вэб сайт	aucklandcouncil.govt.nz

Окленд хот (Хаураки булангийн арлуудыг оруулахгүй), Норт Шоор хот, Вайтакере, Манукау хотууд, Папакура дүүрэг, түүнчлэн Родний дүүрэг, Фрэнклин дүүргийн хотын хэсгүүдээс бүрдсэн хотуудын бөөгнөрөл юм. Маори хэлээр Оклендийн нэрийг Tāmaki-makau-rau, гэдэг бөгөөд мөн Окленд хэмээх нэрийг Маори хэлээр галигласан Ākarana хэмээх нэр бас бий.

Окленд нь зүүн талаараа Номхон Далайн Хаураки булан, зүүн өмнөд талаараа Хунуа нуруу, баруун өмнөд талаараа Манукау боомт, баруун ба баруун хойд талаараа Вайтакере нуруу ба арай багавтар нуруудаар хүрээлэгдэн оршино. Хотын бүсийн төв хэсэгт Тасманы тэнгисийн Манукау боомт болон Номхон Далайн Вайтемата боомтын хоорондох хүзүүвч байдаг. Окленд нь хоёр тусдаа тэнгис далайд боомттой дэлхийн цөөхөн хотын нэг билээ.