From Wikipedia, the free encyclopedia
ओह्रिड सरोवर हे उत्तर मॅसेडोनियाच्या नैऋत्य भाग आणि पूर्व आल्बेनियाच्या दरम्यान असलेल्या पर्वतीय सीमेवर पसरलेले एक सरोवर आहे. जगभरातील महत्त्वाच्या अद्वितीय जलीय परिसंस्थेसह, हे युरोपमधील सर्वात खोल आणि सर्वात जुन्या तलावांपैकी एक आहे जिथे २०० हून अधिक स्थानिक प्रजाती आढळतात. [1]
| |
भोवतालची शहरे | Ohrid, Struga (North Macedonia) Pogradec (Albania) |
ओह्रिड सरोवराच्या उत्तर मॅसेडोनियाची बाजू १९७९ मध्ये युनेस्को द्वारे जागतिक वारसा स्थान घोषित करण्यात आली होती. सन् १९८० मध्ये ओह्रिडच्या सांस्कृतिक आणि ऐतिहासिक क्षेत्राचा समावेश करण्यासाठी या जागेचा विस्तार करण्यात आला होता. ओह्रिड सरोवराच्या आल्बेनियाच्या बाजूस २०१९ मध्ये युनेस्को जागतिक वारसा दर्जा देखील नियुक्त करण्यात आला होता. २०१० मध्ये, नासाने टायटनच्या तलावांपैकी एकाचे नाव ओह्रिड ठेवले. [2][3]
तलावाकाठी वसलेली शहरे म्हणजे उत्तर मॅसेडोनियामधील ओह्रिड आणि स्ट्रुगा आणि अल्बेनियामधील पोग्रेडेक आहे. तलाव अन्यथा दोन्ही खोऱ्यातील देशांमध्ये गावे आणि रिसॉर्ट्सच्या रूपात वसाहतींनी वेढलेले आहे.
लेक ओह्रिड हा जगातील सर्वात जुन्या तलावांपैकी एक आहे आणि त्याची कमाल खोली २८८ मीटर (९४५ फूट) आहे आणि सरासरी खोली १५५ मी (५०९ फूट) ची आहे. हा बाल्कन भागामधील सर्वात खोल तलाव आहे. हा ३५८ चौरस किमी (१३८ चौ. मैल) भागावर व्यापलेला आहे आणि त्यात अंदाजे ५५.४ घन किलोमीटर ( ४५ दशलक्ष एकर-फूट ) पाणी आहे. तलाव ३०.४ किमी (१८.९ मैल) लांब आणि १४.८ किमी (९.२ मैल) रूंद आहे व त्याची किनारपट्टी ८७.५३ किमी (५४.३९ मैल) आहे.
ओह्रिड सरोवराचा ६४% किनारा आणि ६९% पृष्ठभाग उत्तर मॅसेडोनियामध्ये आहे, तर ३६% किनारपट्टी आणि ३१% पृष्ठभाग आल्बेनियामध्ये येतात.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.