क्रिकेट स्टेडियम From Wikipedia, the free encyclopedia
महाराष्ट्र, भारतातील नागपूर येथे २००८ साली बांधले गेलेले विदर्भ क्रिकेट असोसिएशन स्टेडियम हे न्यू व्हीसीए म्हणून सुद्धा ओळखले जाते.हे नागपूर-वर्धा रस्त्यावर असलेल्या जामठा या गावी स्थित आहे.
मैदान माहिती | |
---|---|
स्थान | जामठा, नागपूर |
स्थापना | २००८ |
आसनक्षमता | ४५,००० |
मालक | विदर्भ क्रिकेट असोसिएशन |
प्रचालक | विदर्भ क्रिकेट असोसिएशन |
| |
आंतरराष्ट्रीय माहिती | |
प्रथम क.सा. |
६-१० नोव्हेंबर २००८: भारत वि. ऑस्ट्रेलिया |
अंतिम क.सा. |
२५-२७ नोव्हेंबर २०१५: भारत वि. दक्षिण आफ्रिका |
प्रथम ए.सा. |
२८ ऑक्टोबर २००९: भारत वि. ऑस्ट्रेलिया |
अंतिम ए.सा. |
३० ऑक्टोबर २०१३: भारत वि. ऑस्ट्रेलिया |
प्रथम २०-२० |
९ डिसेंबर २००९: भारत वि. श्रीलंका |
अंतिम २०-२० |
२९ जानेवारी २०१७: भारत वि. इंग्लंड |
शेवटचा बदल ऑक्टोबर २५, २०१६ स्रोत: क्रिकइन्फो (इंग्लिश मजकूर) |
मैदानाचे उद्घाटन २००८ साली झाले आणि शहरातले मुख्य मैदान म्हणून ह्या मैदानाने विदर्भ क्रिकेट असोसिएशन मैदानाची जागा घेतली. नवीन विदर्भ क्रिकेट असोसिएशन स्टेडियमची एक अव्वल दर्जाचे मैदान म्हणून आंतरराष्ट्रीय क्रिकेट समितीने स्तुती केली आहे.[1]
व्हीसीए स्टेडियम हे विदर्भ आणि मध्य विभाग ह्या संघाचे अनुक्रमे रणजी करंडक आणि दुलीप करंडक स्पर्धांसाठी होम ग्राउंड आहे.
सचिन तेंडुलकर म्हणाला,"ह्या मैदानावर अपेक्षेपेक्षा चांगल्या सुविधा आहेत." रिकी पाँटिंगने चेंजिंग रुमच्या सुखसोईंची प्रशंसा केली.[2] डेक्कन चार्जर्सवर दोन-धावांनी विजय मिळवल्यानंतर राजस्थान रॉयल्सचा कर्णधार शेन वॉर्न “मैदानाची मोठ्या आकाराबाबत” आनंदित होता. “मायकेल लंबने मिड-विकेटच्या दिशेने मारलेला फटका क्षेत्ररक्षकाने झेलला. आता, जर हे एम.ए. चिदंबरम मैदान किंवा एम. चिन्नास्वामी मैदान असते तर चेंडू जणू संघाच्या हॉटेलकडे जाणाऱ्या टॅक्सीमध्येच पडला असता. आपल्याला अशाच मोठ्या मैदानांची गरज आहे.,” वॉर्न म्हणाला.[3] मैदान सरळ ८० यार्ड आणि ८५ यार्ड स्क्वेअर लेग सीमारेषेच्या दिशेने आहे, त्यामुळे (खेळण्याच्या क्षेत्रानुसार) ते जगातील सर्वात मोठ्या मैदानांपैकी एक आहे.[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.