क्वीन्सलंड
From Wikipedia, the free encyclopedia
क्वीन्सलंड हे ऑस्ट्रेलिया देशातील एक राज्य आहे. ऑस्ट्रेलियाच्या ईशान्य भागातील क्वीन्सलंडच्या पश्चिमेस नॉर्दर्न टेरिटोरी, आग्नेयेस साउथ ऑस्ट्रेलिया, दक्षिणेस न्यू साउथ वेल्स ही राज्ये तर पूर्वेस प्रशांत महासागराचा कॉरल समुद्र आहेत. उत्तरेस टोरेस सामुद्रधुनी क्वीन्सलंडच्या केप यॉर्क द्वीपकल्पाला न्यू गिनी ह्या बेटापासून अलग करते. क्वीन्सलंड क्षेत्रफळाच्या दृष्टीने ऑस्ट्रेलियातील दुसरे तर लोकसंख्येच्या दृष्टीने तिसरे सर्वांत मोठे राज्य आहे. ब्रिस्बेन ही क्वीन्सलंडची राजधानी व सर्वांत मोठे शहर आहे. गोल्ड कोस्ट हे देखील क्वीन्सलंडमधील एक मोठे शहर आहे.
जलद तथ्य
क्वीन्सलंड Queensland | |||
ऑस्ट्रेलियाचे राज्य | |||
| |||
क्वीन्सलंडचे ऑस्ट्रेलिया देशामधील स्थान | |||
देश | ऑस्ट्रेलिया | ||
राजधानी | ब्रिस्बेन | ||
क्षेत्रफळ | १८,५२,६४२ चौ. किमी (७,१५,३०९ चौ. मैल) | ||
लोकसंख्या | ५०,२७,८८९ | ||
घनता | २.९ /चौ. किमी (७.५ /चौ. मैल) | ||
आय.एस.ओ. ३१६६-२ | AU-QLD | ||
प्रमाणवेळ | यूटीसी+१०:०० | ||
संकेतस्थळ | qld.gov.au | ||
बंद करा
१८व्या शतकादरम्यान वसवल्या गेलेल्या क्वीन्सलंडचे नाव व्हिक्टोरिया राणीवरून देण्यात आले आहे. १ जानेवारी १९०१ रोजी क्वीन्सलंडला राज्याचा दर्जा मिळाला.