Radja Nainggolan

Radja Nainggolan (twieled fl-4 ta' Mejju 1988) huwa plejer tal-futbol Belġjan li jilgħab professjonalment ma' Royal Antwerp bħala midfilder.

Radja Nainggolan

Informazzjoni personali
Twelid	4 ta' Mejju 1988 (1988-05-04) (37 sena) Antwerp, Belġju
Tul	1.76 m
Rwol	Midfilder
Informazzjoni fuq il-klabb
Klabb attwali	Royal Antwerp
Numru	4
Mixtliet
2000–2005	Germinal Beerschot
2005–2007	Piacenza
Karriera professjonali
Snin	Klabb
2007–2010	Piacenza
2010	→ Cagliari (self)
2010–2014	Cagliari
2014	→ Roma (self)
2014–2018	Roma
2018–2021	Inter
2019–2020	→ Cagliari (self)
2021	→ Cagliari (self)
2021–	Royal Antwerp
Tim nazzjonali
2004	Belġju U-16
2007	Belġju U-19
2008–2009	Belġju U-20
2007–2010	Belġju U-21
2009–2018	Belġju

Karriera

Imwieled f'Antwerp minn omm Belġjana u missier Indoneżjan,^[1] Nainggolan beda l-karriera fil-futbol mal-klabb ta' Germinal Beerschot, sakemm fl-2005 ingħaqad mal-klabb ta' Piacenza. Għal Piacenza lagħab fi 38 logħba fl-istaġun 2008–09 fejn skorja tlett gowls hekk kif il-klabb temm l-impenji tiegħu għall-istaġun fl-10 post. Fis-27 ta' Jannar 2010 ing]aqad ma' Cagliari fuq bażi ta' self, bl-oppzjoni li jixtruh fl-aħħar tal-istaġiun.^[2] Iddebutta fis-Serie A fis-7 ta' Frar 2010, meta lagħab seba' minuti fit-telfa ta' 3–0 kontra Inter.^[3] Fil-21 ta' Ġunju 2010, Cagliari ħabbru li kienu akkwistaw nofs id-drittijiet ta' Nainggolan,^[4] bin-nofs l-ieħor jinxtara fi tmiem is-suq tat-trasferimenti ta' Jannar 2011.

Roma

Nainggolan għamel id-debutt tiegħu għall-klabb il-ġdid fid-9 ta' Jannar 2014, billi beda b'rebħa ta' 1–0 kontra Sampdoria fil-kwarti tal-finali tal-Coppa Italia 2013–14.^[5]

Fit-22 ta' Frar 2014 Nainggolan skorja l-ewwel gowl tiegħu għat-tim kapitali, f'rebħa ta' 1–0 kontra Bologna 1909.^[6] It-tieni gowl wasal fid-19 ta' April kontra ACF Fiorentina (l-istess riżultat) biex it-tim kiseb kwalifika awtomatika għall-UEFA Champions League.^[7]

Fl-2015, Nainggolan iffirma ftehim permanenti ma' Roma, għal €9 miljuni.^[8]

Internazzjonali

Nainggolan għamel l-ewwel dehra għall-Belġju fid-29 ta' Mejju 2009, kontra ċ-Ċili fit-Tazza Kirin.^[9]

Fil-5 ta' Marzu 2014 Nainggolan skorja l-ewwel gowl internazzjonali tiegħu fi dro ta' 2-2 kontra l-Kosta tal-Avorju ġewwa Brussell.

Statistika

Internazzjonali

Statistika aġġornata sat-13 ta' Novembru 2015.^[10]

Belġju
Sena	Preż	Gowls
2009	1	0
2011	1	0
2012	1	0
2013	1	0
2014	4	2
2015	9	2
2016	9	2
2017	3	0
2018	1	0
Total	30	6

Gowls

Punteġġi u r-riżultati tal-Belġju qedgħin fil-lista xellugija.

#	Data	Post	Avversarju	Punteġġ	Riżultat	Kompetizzjoni
1.	5 ta' Marzu 2014	King Baudouin, Brussell, Belġju	Kosta tal-Avorju	2–0	2–2	Logħba ta' ħbiberija
2.	13 ta' Ottubru 2014	Bilino Polje, Zenica, Bożnija u Ħerżegovina	Bosnja-Ħerzegovina	1–1	1–1	Kwal. Kampjonati Ewropej 2016
3.	7 ta' Ġunju 2015	Stade de France, Pariġi, Franza	Franza	3–0	4–3	Logħba ta' ħbiberija
4.	10 ta' Ottubru 2015	Estadi Nacional, Andorra la Vella, Andorra	Andorra	1–0	4–1	Kwal. Kampjonati Ewropej 2016

Unuri

Individwali

• Tim tas-Sena tas-Serie A: 2014–15