From Wikipedia, the free encyclopedia
L Menistério de ls Negócios Strangeiros (MNE) ye, an Pertual, l departamiento gobernamental respunsable pula formulaçon, cordenaçon i eisecuçon de la Política Sterna. L MNE ye, quemumente, chamado de "Necidades" an birtude de tener la sue sede Palácio de las Necidades an Lhisboua.
La purmeira secretarie de Stado bocacionada pa ls assuntos ditos de Stado fui criada an 1641, pul rei D. João IV. Mais tarde, la reorganizaçon de la Admenistraçon Pública, ampuosta pula spriéncia, na purmeira metade de l seclo XVIII, traduziu-se, pul Albará de 28 de júlio de 1736, na criaçon de trés secretaries de Stado - la de ls Negócios Anteriores de l Reino, la de la Marina i de ls Domínios Ultramarinos i la de ls Negócios Strangeiros i de la Guerra - an sustituiçon de las antigas secretaries de la Assinatura, de las Mercés i de Stado. Data, antoce, desse Albará l'eisisténcia de la Secretarie de Stado de ls Negócios Strangeiros, ambora solo an 1738 haba tenido lhugar la posse afetaba de l purmeiro secretairo de Stado. Aneixos mantubírun-se, nua mesma secretarie, ls Negócios Strangeiros i ls de la Guerra, cun ua eifémera separaçon de 6 de janeiro la 28 de júlio de 1801, até que na Portarie de la Junta Probisória de l Goberno de 27 de setembre de 1820 ls dous galhos de la Admenistraçon Pública aparécen çtintos i antregues a la direçon de pessonas bárias. Esta separaçon fui cunfirmada defenitibamente pula Carta de Lhei de 12 de júnio de 1822, que reorganizou las secretaries de Stado. Siempre a la Secretarie de Stado de ls Negócios Strangeiros, atrabeç de todos ls diplomas que regulan l sou funcionamiento, fúrun atribuídas las matérias qu'inda hoije cumpeten al Menistério de ls Negócios Strangeiros.
L MNE anclui ls seguintes uorganos i departamientos centrales:
La Repersentaçon Diplomática de Pertual sob tutela de l MNE stende-se a 146 puostos repartidos por 70 Ambaixadas, 10 Missones diplomáticas junto de Ourganizaçones Anternacionales i 66 Cunsulados de carreira.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.