Nikolai Ivanovich Lobachevsky
From Wikipedia, the free encyclopedia
Nikolai Ibanobich Lobachebsky (Níjni Nobgorod, 2 de Nobembre de 1792 — Kazan, 24 de Febreiro de 1856) fui un matemático russo.
Nikolai Lobachebsky | |
---|---|
Nikolay_Ibanobich_Lobachebsky.jpeg | |
Nacimiento | 1 de dezembre de 1792 |
Muorte | 24 de dezembre de 1856 (64 anhos) |
Nacionalidade | Russo |
Ourientado(s) | Nikolai Brashman |
Campo(s) | Matemática |
Studou ne l Anstituto de Kazan, a partir de 1802, çtacando-se, zde cedo, por sou pendor pula matemática. Als 14 anhos staba preparado para angressar na Ounibersidade de Kazan, recentemente fundada, ampeçando sous studos superiores an 1807. Passou quarenta anhos de sue bida ligado a essa ounibersidade, cumo aluno, porsor ajudante (1824), porsor ourdinairo (1826) cun solo 23 anhos, bibliotecairo, cunserbador de l museu i, por fin, reitor(1827), cargo qu'acupou até 1846.
Quando un nuobo reitor fui nomeado pa l'ounibersidade an 1847, Lobachebsky cumprendiu que nun poderie retornar al cargo, perdendo, mesmo, las speranças de buoltar a acupar sue cátedra. Chocado pula decison de sous superiores, que l'afastában dun cargo que zampenhara cun tanto carinho, abalado pula perda de sou filho i bendo agrabar-se la deficiéncia de sue bison, Lobachebsky nun se recuperou i bieno a falecer, yá cumpletamente ciego, pouco de pus de l quinquagésimo anibersairo de la Ounibersidade de Kazan.