Ouceano
From Wikipedia, the free encyclopedia
Un ouceano (de Ωκεανός, "Okeanos" an griego) ye un cuorpo percipal de la auga salgada, i un cumponente percipal de la hidrosfera. Cerca de 71% de la superfíce de Tierra (ua ária de uns 361 milhones de quilómetros quadrados) ye cubierta pul ouceano, un cuorpo de auga contíno que giralmente ye dibedido an muitos ouceanos percipales i mares mais pequeinhos. Mais de l que la metade desta ária stá subre 3.000 metros (9.800 pies) de perfundidade.
Quaije trés quartos (71%) de la superfíce de la Tierra ye cobierta pul ouceano (Cerca de 61% de l Hemisfério Norte i de 81% de l Hemisfério Sul). Este ouceano global anterligado de auga salgada ye dibedido puls cuntinentes i grandes arquipélagos an cinco ouceanos, cumo segue:
- Ouceano Pacífico
- Ouceano Atlántico
- Ouceano Índico
- Ouceano Glacial Ártico
- Ouceano Glacial Antártico - definido an 2000 pula Ourganizaçon Hidrográfica Anternacional, de la qual Pertual ye nembros.
Las frunteiras antre ls ouceanos son stabelecidas pula Ourganizaçon Hidrográfica anternacional. Regiones menores de ls ouceanos son coincidas cumo mares, golfos, streitos, etc.
Bei auga de l mar para ua çcusson detalhada de la cumposiçon de la auga de l ouceano, mais notablemente sue salinidade.