![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/cd/Brazil_State_Ceara.svg/langmwl-640px-Brazil_State_Ceara.svg.png&w=640&q=50)
Stória de l Ceará
From Wikipedia, the free encyclopedia
L Ceará fui formado pula miscigenaçon de colonizadores ouropeus, andígenas catequizados i aculturados apuis de grande resisténcia a la colonizaçon i negros i mulatos que bibian cumo trabalhadores libres ó cumo scrabos. L poboamiento de l território ten sido bastante anfluenciado pul fenómeno natural de la seca.
Cun ua colonizaçon cumplexa i cunturbada, marcada pula resisténcia de l natibos i pulas dediculdades de adataçon a las cundiçones particulares de l território, formou-se ua sociadade rural baseada subretodo na pecuária, assi cumo na agricultura, an special ne ls bales úmidos i serras. A eilite latifundiária, atrabeç de sou poder eiquenómico i de cumplexas relaçones de parentesco i afilhadaige, possuía cuntrole de quaije todos ls aspetos de la bida social. Ls "coronéles" mantenian an sues proiadades muitos dependentes que les prestában serbícios ó antregában parte de sue porduçon an troca de la posse dun lote de tierra, an regime praticamente semi-feudal, para alhá de trabalhadores assalariados. La scrabidon africana, ambora de menor amportança, fui praticada al longo de seclos, principalmente nas árias adonde la agricultura floresceu.
L zambolbimiento andependiente de l Ceará ampeçarie solo depuis de sue separaçon de Pernambuco an 1799, i sue stória fui siempre marcada por luitas políticas i mobimientos armados. Essa anstablidade prolongou-se durante l Ampério i la Purmeira República, normalizando-se depuis de la reconstitucionalizaçon de l Paíç an 1945. Ls cunturbados fatores sociales i eiquenómicos de l Stado acarretórun eibentos amportantes na stória disse pobo, cumo l cangaço, ls mobimientos messiánicos, l poboamiento de stensas árias na Amazónia i la emigraçon para outros Stados, subretodo ls de l Sudeste de l Brasil. Storicamente un de l locales más miserables de l Paíç, l Ceará ten passado por grandes transformaçones zde la década de 50, progressibamente se tornando un Stado predominantemente ourbano, más andustrializado i cun crecente zeigualdade regional i de renda.
![Thumb image](http://upload.wikimedia.org/wikipedia/commons/thumb/c/cd/Brazil_State_Ceara.svg/640px-Brazil_State_Ceara.svg.png)