Cordilheira de ls Andes

La Cordilheira de ls Andes (Quechua: Anti(s)) ye ua basta cadena muntanhosa formada por un sistema cuntino de muntanhas al lhargo de la cuosta oucidental de la América de l Sul, sendo la formaçon geológica datada de l período Terciário. La cordilheira ten cerca de 8.000 quilómetros de stenson i ye la maior cadeia de muntanhas de l mundo (an stenson), i an sous cachos más anchos chega a 160 quilómetros de l stremo lheste al oeste. La sue altitude média ye alredror de 4 mil metros i l sou punto culminante ye l pico de l Acuncágua cun 6962 metros.

Stenson de la Cordilheira de ls Andes na América de l Sul.

La Cordilheira de ls Andes stende-se zde la Benezuela até la Patagónia, atrabessando toda la América de l Sul, caratelizando la paisaige de l Chile, Argentina, Peru, Bolíbia, Eiquador, Colómbia i Benezuela.

Ne ls territórios de la Colómbia i de la Benezuela la cordilheira ramifica-se i prolonga-se até quaije tocar l Mar de l Caribe. An sue parte meridional sirbe de lhonga frunteira natural antre Chile i Argentina. Na zona central, ls Andes se alhárgan dando lhugar a un praino eilebado coincido cumo Altiplano. L Altiplano ye cumpartilhado pul Peru, Bolíbia i Chile. La cordilheira torna a streitar-se ne l norte de l Peru i alharga-se outra beç na Colómbia para streitar-se i debedir-se al antrar na Benezuela.

Zonas

Andes Setentrionales

Al Sul de la Colómbia, na frunteira cul Eiquador, ls Andes custituen ua solo cordilheira cun picos bulcánicos de até 5000 m de altitude, mas pa l norte debide-se debrebe an dues cordilheiras chamadas respetibamente Oucidental i Central, i de la Central çprende-se la Ouriental.

La Cordilheira Central stá apartada de la Oucidental, ua çtáncia média de 400 m, por ua falha geológica acupada pul riu Patía al sul i pul riu Cauca al norte. La Cordilheira Ouriental als poucos se separa pa l lheste criando la bacie de l riu más amportante de la Colómbia, l riu Magdalena. Esta cordilheira stende-se pa l norte i penetra l território benezuelano de adonde ten l nome de Cordilheira de Mérida, an que las cuntinaçones naturales dan passo la formaçon Lhara-Falcón i ten ua relaçon cula Cordilheira Central i la Cordilheira Ouriental.

La Cordilheira

L braço oucidental, chamado Serranía del Perijá, çprende-se desta pa l norte formando la frunteira natural antre Colómbia i Benezuela, i als poucos bai perdendo altitude, alcançando l Caribe an Punta Gallinas na península de La Guajira, ne l stremo norte de la Colómbia. An el Perijá aprossima-se la Sierra Nebada de Santa Marta formando un balhe rodeado pul riu Cesar La Sierra Nebada de Santa Marta ye la strutura muntanhosa más alta de la Colómbia: 5.775 m.

Cono de Arita, Argentina

Las trés Cordilheiras ténen picos, percipalmente, de formaçon bulcánica de más de 4 km. La Cordilheira Central i la Ouriental ten picos de más de 5 km siempre cubiertos de niebe. Muitos destes bulcones son atibos i yá causórun çtruiçon i muortes ne l passado debido a las splusones de gáç i cinza, cumo tamien a las abalanchas de carambelo i lhodo. L oucidente de l paíç stá sujeito a ua maior atebidade telúrica, l que demonstra la anstabilidade de sue naturaleza geológica. Al noroeste de la Cordilheira Oucidental aparece un sistema muntanhoso chamado Serranía del Baudó, que cuntina pul Darién rodando al oeste pa l Panamá.

Las cidades más amportantes de l Andes Setentrionales son:

• Bogotá, capital de la Colómbia;
• Quito, capital de l Eiquador;
• San Cristóbal na Benezuela.

Andes Centrales

Ls Andes Centrales stenden-se zde l Nudo de Pasco até l Macizo de las Tres Cruces. La çposiçon de l cabos muntanhosos ye de dous cabos apartados por un Altiplano. La altura mássima nesta region ye l Nebado Sajama (6.542 m) i l Pissis (6.882 m). Se ouriginan dous rius, l Titicaca i l Popo. Ls prainos anteriores son ls pampas bolibianos, cun clima árido caliente, i l bioma predominante ye zértico. La populaçon se cuncentra más ne l Altiplano i nas cuostas.

Clima

Debido a la stenson ne l sentido de l meridianos, ls Andes ancluen çtintas zonas climáticas. L clima de la (clima semi-árido) zona ten bariaçon custante, assi cumo la sue begetaçon. L clima friu cun frequentes nebascas an altitude ye predominante.

Picos

La cordilheira bista a partir dua eimaige de satélite

L norte de l Chile i de la Argentina cumpárten ls picos más altos de l Andes, seguidos pula Cordilheira Branca, que queda ne l Peru, la Cordilheira Rial de la Bolíbia i ls Andes Eiquatorianos.

L sou maior pico ye l Acuncágua que, cun 6.959 m subre l nible de l mar, ye l punto más alto de l cuntinente amaricano. Queda na Argentina. Ne l sul de l Peru, próssimo de Cuzco, stá ne l Nudo de Bilcanota, que alcança sou punto más eilebado ne l Monte Ausangate (6.380 m).

Nesta cordilheira queda l glaciar de Quelcaya, un de ls dous solos glaciares prainos na zona tropical de l planeta. Esta singularidade permitiu studar an sous carambelos las mudanças climáticas que acuntecírun ne l trópico zde la redadeira era glacial.

Picos más altos

Ls picos más altos son:

1. Acuncágua - (6.962) Argentina
2. Ojos del Salado - (6.891) Argentina/ Chile
3. Monte Pissis - (6.793) Argentina
4. Bonete Chico - (6.850) Argentina
5. Tupungato - (6.800) Argentina/ Chile
6. Mercedario (6.770) Argentina
7. Huascarán - (6.768)  Peru
8. Llullaillaco - (6.739) Argentina/ Chile
9. Yerupaja - (6.635)  Peru
10. Nebado Sajama - (6.520) Bolíbia
11. Eillimani - (6.438) Bolíbia
12. Illampu - (6.421) Bolíbia
13. Ausangate - (6.380)  Peru
14. Bulcon Parinacota - (6.362) Bolíbia/ Chile
15. Chimborazo - (6.310) Eiquador
16. Salcantay - (6.271)  Peru
17. Licancabur - (5.920) Bolíbia/ Chile
18. Cotopaxi - (5.897) Eiquador
19. Nebado del Huila - (5.700) Colómbia
20. Nebado del Ruiç - (5.389) Colómbia
21. Tungurahua - (5.016) Eiquador
22. Pico Bolíbar - (4.980) Benezuela

Argentina

• Acuncágua - 6,962 m
• Monte Bonete - 6,759 m
• Galán - 5,912 m
• Ancahuasi - 6,620 m
• Mercedario - 6,720 m
• Monte Pissis - 6,795 m

Frunteira Argentina/Chile

• Cerro Bayo - 5,401 n
• Cerro Chaltén - 3,375 m a 3,405 m
• Cerro Scorial - 5,447 m
• Cordón del Azufre - 5,463 m
• Falso Azufre - 5,890 m
• Lastarria - 5,697 m
• Llullaillaco - 6,739 m
• Maipo - 5,264 m
• Marmoleijo - 6110 m
• Ojos del Salado - 6,893 m
• Olca - 5,407 m
• Sierra Nebada de Lhagunas Brabas - 6,127 m
• Socumpa - 6,051 m
• Nebado Tres Cruces - 6,749 m
• Tupungato - 6,570 m

Bolíbia

• Ancohuma - 6,427 m
• Cabaray - 5,860 m
• Chacaltaya - 5,421 m
• Huayna Potosí - 6,088 m
• Eillampu - 6,368 m
• Illimani - 6,438 m
• Macizo de Lharancagua - 5,520 m
• Macizo de Pacuni - 5,400 m
• Nebado Anallajsi - 5,750 m
• Nebado Sajama - 6,542 m
• Patilla Pata - 5,300 m
• Tata Sabaya - 5,430 m

Frunteira Bolíbia/Chile

Licancabur, frunteira Bolíbia - Chile

• Acotango - 6,052 m
• Cerro Minchincha - 5,305 m
• Eirruputuncu - 5,163 m
• Licancabur - 5,920 m
• Olca - 5,407 m
• Parinacota - 6,348 m
• Paruma - 5,420 m
• Pomerape - 6,282 m

Chile

• Monte San Balentin - 4,058 m
• Cerro Paine Grande - 2,750 m
• Cerro Macá - 2,300 m
• Monte Darwin - 2,500 m

Colómbia

• Galeras - 4,276 m
• Pico Cristóbal Colón - 5,776 m
• Nebado del Ruiç - 5,389 m
• Ritacuba Blanco - 5,410 m

Eiquador

Chimborazo, Eiquador

• Antisana - 5,753 m
• Cayambe - 5,790 m
• Chimborazo - 6,267 m
• Corazón - 4,790 m
• Cotopaxi - 5,897 m
• El Altar - 5,320 m
• Eilliniza - 5,248 m
• Pichincha - 4,784 m
• Rebentador - 3,562 m
• Sangay - 5,230 m
• Tungurahua - 5,023 m

Peru

Alpamayo, Peru

El Misti, Peru

• Alpamayo - 5,947 m
• Carnicero - 5,960 m
• El Misti - 5,822 m
• El Tuoro - 5,830 m
• Huascarán - 6,768 m
• Jirishanca - 6,094 m
• Rasac - 6,040 m
• Rondoy - 5,870 m
• Sarapo - 6,127 m
• Serie Norte - 5,860 m
• Siula Grande - 6,344 m
• Yerupaja - 6,635 m
• Yerupaja Chico - 6,089 m

Benezuela

Pico Bolíbar, Benezuela

• Pico Bolíbar - 4,981 m
• Pico Humboldt - 4,940 m
• Pico La Cuncha - 4,870 m
• Pico Piedras Blancas - 4,740 m