Ária
From Wikipedia, the free encyclopedia
Ária ye un cunceito matemático que puode ser defenida cumo cantidade de spácio bidimensional, ó seia, de superfice.
Eisisten bárias ounidades de medida de ária, sendo la mais outelizada l metro quadrado (m²) i ls sous múltiplos i sub-múltiplos. Son tamien mui ousadas las medidas agrárias: are, qu'eiquibale la cien metros quadrados; i sou múltiplo heitare, qu'eiquibale a dieç mil metros quadrados. Outras ounidades de medida de ária son l acre i l alqueire.
Na geografie i cartografie, l termo "ária" corresponde a la porjeçon nun praino hourizontal dua parte de la superfice terrestre. Assi, la superfice dua muntanha poderá ser anclinada, mas la sue ária ye siempre medida nun praino hourizontal.