ကွန်ပျူတာတက္ကသိုလ်(ပုသိမ်)

ကွန်ပျူတာတက္ကသိုလ်(ပုသိမ်) သည် မြန်မာနိုင်ငံ၊ ဧရာဝတီတိုင်းဒေသကြီး၊ ပုသိမ်ခရိုင်၊ ပုသိမ်မြို့တွင် တည်ရှိသည်။

သမိုင်းကြောင်း

အစိုးရကွန်ပျူတာကောလိပ် (ပုသိမ်) အား ၂၀၀၀ ပြည့်နှစ်၊ စက်တင်ဘာ ၄ ရက်နေ့တွင် စတင်ဖွင့်လှစ်ခဲ့သည်။ ၂၀၀၁ ခုနှစ်၊ ဇူလိုင်လတွင် ပုသိမ်မြို့မှ ၃ မိုင်ကွာ လွန်ကန်ရပ်ကွက်တွင် တည်ရှိသော အစိုးရနည်းပညာ ကောလိပ်(ပုသိမ်) မှ အစိုးရကွန်ပျူတာကောလိပ်(ပုသိမ်)သို့ လွှဲပြောင်းလက်ခံ၍ ဖွင့်လှစ်ခဲ့သည်။ ၂၀၀၇ ခုနှစ် ဇန်နဝါရီ ၁ ရက်နေ့တွင် ကွန်ပျူတာတက္ကသိုလ်(ပုသိမ်) အဖြစ် တက္ကသိုလ်အဆင့်သို့ တိုးမြှင့်ခဲ့သည်။ ၂၀၁၀ ခုနှစ် ဧပြီ ၂၂ ရက်နေ့တွင် ပုသိမ်ကြိုးတံတား အနီး ပင်မသုံးထပ်ကျောင်း ဆောင်သစ်သို့ ပြောင်းရွှေ့ဖွင့်လှစ်ခဲ့သည်။^[၁]