ဂိုဝါရှိ ဘုရားရှိခိုးကျောင်းနှင့် ကွန်ဗင့်ကျောင်းများ

ဂိုဝါရှိ ဘုရားရှိခိုးကျောင်းများနှင့် ကွန်ဗင့်ကျောင်းများ ဆိုသည်မှာ အိန္ဒိယနိုင်ငံ ဂိုဝါပြည်နယ်ရှိ ဂိုဝါဗယ်လ်ဟာ သို့မဟုတ် ဂိုဝါမြို့ဟောင်းတွင် တည်ရှိသော ဘာသာရေးဆိုင်ရာ အထိမ်းအမှတ် အဆောက်အဦး အစုအဝေးအား ယူနက်စကိုမှ ပေးထားသည့် အမည်ဖြစ်ပြီး ၁၉၈၆ ခုနှစ်တွင် ယူနက်စကိုမှ ကမ္ဘာ့အမွေအနှစ်နေရာစာရင်းတွင် ထည့်သွင်းခဲ့သည်။ ^[၁]

ဂိုဝါရှိ ဘုရားရှိခိုးကျောင်းနှင့် ကွန်ဗင့်ကျောင်းများ*
UNESCO ကမ္ဘာ့အမွေအနှစ်နေရာများ
တည်ရှိသည့် နိုင်ငံ	အိန္ဒိယ
အမျိုးအစား	ယဉ်ကျေးမှု
ရွေးချယ်သည့်စံနှုန်း	ii,iv,vi
ကိုးကား	၂၃၄
ဒေသ**	အာရှ နှင့် ပစိဖိတ်
သတ်မှတ်ခြင်း မှတ်တမ်း
စတင်သတ်မှတ်ခြင်း	၁၉၈၆  (ဒသမအကြိမ်)
* ယူနက်စကိုကမ္ဘာ့အမွေခံစာရင်းတွင် ရေးထိုးထားသောအမည် ** ယူနက်စကိုမှ ခွဲခြားသတ်မှတ်ထားသောဒေသ

ဂိုဝါသည် ပေါ်တူဂီခေတ် အိန္ဒိယနှင့် အာရှတို့၏ မြို့တော်ဖြစ်ပြီး ၁၆ ရာစု၏ ခရစ်ယာန်ဘာသာသို့ သွတ်သွင်းရာ မြို့တော် ဖြစ်သည်။ ဂိုဝါရှိ ဘာသာရေး အထိမ်းအမှတ်အဆောက်အဦးများအား ကမ္ဘာ့အမွေအနှစ်နေရာစာရင်းသို့ ထည့်သွင်းရန် အတွက် လက်ခံနိုင်ကြောင်း ဆုံးဖြတ်ရသည့် အကြောင်းရင်းများတွင် (၁) အနောက်တိုင်းမှ အနုပညာပုံစံများ ဖြစ်သော မန်နျူရယ်လင်း စတိုင်လ်၊ မန်နာရစ် နှင့် ဘာရော့ခ်တို့ကို အာရှတခွင်ရှိ ကက်သလစ် သာသနာပြုစခန်း တည်ထောင်ရာသို့ ပျံ့နှံ့စေရာတွင် အထိမ်းအမှတ်အဆောက်အဦးများ၏ ဩဇာသက်ရောက်မှု (၂) ဂိုဝါရှိ အထိမ်းအမှတ် အဆောက်အဦး အစုအဝေး၏ တန်ဖိုးမှာ ခရစ်ယာန်ဘာသာသို့ သွတ်သွင်းခြင်း လုပ်ငန်းစဉ် တွင် လှပစွာချယ်မှုန်းပြထားသော ဥပမာ တစ်ခု အဖြစ် ရှိနေခြင်း (၃) ဖရန်စစ်စကို ဇေဗီယာ၏ ဂူသင်္ချိုင်းတွင်ရှိသော မြင့်မြတ်သော ယေရှုခရစ်၏ ဘာစေးလေးကာ ဘုရားကျောင်း ရှိနေခြင်းသည် ခေတ်သစ်ကာလအတွင်း အာရှ၌ ကက်သလစ်ဘာသာ၏ လွှမ်းမိုးမှုရှိခြင်းဖြင့် အဓိက ကမ္ဘာ့ အဖြစ်အပျက်တစ်ခုဖြစ်ကြောင်း ချယ်မှုန်းပြသနေသည့် အချက် တို့ ပါဝင်သည်။