စူဠနိဒ္ဒေသ

စူဠနိဒ္ဒေသပါဠိတော်သည် "စူဠ" (ငယ်သော၊ အသေးစား) နှင့် "နိဒ္ဒေသ" (ညွှန်ပြချက်၊ ရှင်းလင်းချက်) ဟူသော ပါဠိစကားလုံးနှစ်ခုကို ပေါင်းစပ်ထားခြင်းဖြစ်ပြီး "အငယ်စား ရှင်းလင်းညွှန်ပြချက်ကျမ်း" ဟု အဓိပ္ပာယ်ရပါသည်။ ဤကျမ်းသည် ပိဋကတ်သုံးပုံတွင် သုတ္တန်ပိဋက၌ ပါဝင်ပြီး၊ နိကာယ်ငါးရပ်တွင် ခုဒ္ဒကနိကာယ်၌ အကျုံးဝင်သော ကျမ်းတစ်စောင် ဖြစ်သည်။

ကျမ်းပြုစုသူ နှင့် ရည်ရွယ်ချက်

• ကျမ်းပြုစုသူ: စူဠနိဒ္ဒေသပါဠိတော်ကို ဓမ္မသေနာပတိဟု တင်စားအပ်သော အရှင်သာရိပုတ္တရာမထေရ်မြတ် က ဟောကြားတော်မူသည်ဟု အစဉ်အဆက် လက်ခံထားကြပါသည်။
• ရည်ရွယ်ချက်: ဤကျမ်းသည် သုတ္တနိပါတ်ပါဠိတော်တွင် လာရှိသော ပါရာယနဝဂ် နှင့် ခဂ္ဂဝိသာဏသုတ် တို့၏ အနက်အဓိပ္ပာယ်ကို အကျယ်တဝင့် ခွဲခြားဝေဖန်၍ ရှင်းလင်းတင်ပြရန် ရည်ရွယ်ပြုစုထားခြင်း ဖြစ်သည်။

ပါဠိတော်စာပေနေရာ

• ပိဋက: သုတ္တန်ပိဋက
• နိကာယ်: ခုဒ္ဒကနိကာယ်
• အင်္ဂါ ၉ တန်: အရှင်မဟာဗုဒ္ဓဃောသထေရ်နှင့် အရှင်ဓမ္မပါလထေရ်တို့က ဤကျမ်းကို "သုတ္တ" အင်္ဂါ၌ သွင်းယူကြသည်။ သို့သော် မဟာနိဒ္ဒေသအဋ္ဌကထာနှင့် စူဠနိဒ္ဒေသအဋ္ဌကထာတို့ကို ပြုစုသော အရှင်ဥပသေနထေရ်ကမူ "ဂါထာ" နှင့် "ဝေယျာကရဏ" အင်္ဂါနှစ်ပါး၌ သွင်းယူထားပါသည်။^[၁]