ပါထေယျသုတ်

ဘုရားရှင် ကောသလနိုင်ငံ သာဝတ္ထိမြို့ ဇေတဝန်ကျောင်းတော်ဝယ် သီတင်းသုံးတော်မူစဉ် အညတရနတ်သား၏ မေးလျှောက်ထားချက်အရ

၁။ သံသရာခရီး (ကြီးကျယ်သောကန္တာရခရီးကို လွန်မြောက်ရန် ခက်ခဲသောခရီး)သွားသူအတွက် “သဒ္ဓါ-ယုံကြည်မှုသည် လမ်းစာရိက္ခာဖြစ်သည်။

၂။ သိရီ= (ကောင်းမှုရှင်တို့၏ အစိုးရခြင်း)သည် စည်းစိမ်ချမ်းသာတို့၏ တည်နေရာ ဖြစ်သည်။

၃။ အလိုရမ္မက်သည် လူကို ဆွဲငင်ထားသည်။

၄။ လောက၌ အလိုရမ္မက်ကို စွန့်နိုင်ရန် ခက်ခဲသည်။

၅။ ငှက်ကို ကျော့ကွင်းဖြင့် ဖွဲ့ချည်တုတ်နှောင်ထားသကဲ့သို့ များစွာသော သတ္တဝါတို့ကို အလိုရမ္မက်ဖြင့် ဖွဲ့တုတ်ချည်နှောင်ထား၏-ဟု ဘုရားရှင် ဟောကြားတော်မူသည့်သုတ်။

အဋ္ဌကထာ, ဋီကာတို့၌ မှတ်သားဖွယ်ဖွင့်ဆိုချက်များ ပါရှိပါသည်။ ^{[၁] [၂]}