မဟာအတုလဝေယန်ကျောင်းတော်ကြီး

မဟာအတုလဝေယန်ကျောင်းတော်ကြီး(အတုမရှိကျောင်းဟုလည်းခေါ်ဆို)သည် မန္တလေးမြို့တွင် တည်ရှိသော ဘုန်းတော်ကြီးကျောင်းတစ်ခုဖြစ်ပြီး မင်းတုန်းမင်းကြီးမှ နေပြည်တော်ကို မန္တလေးမြို့သို့ရွေ့ပြီး နှစ်နှစ်အကြာ ၁၈၅၇ ခုနှစ်တွင် တည်ဆောက်ခဲ့ခြင်းဖြစ်သည်။^[၁] ထိုကျောင်းတော်ကြီးကို ရူပီးငွေ ၅ သိန်း အကုန်အကျခံပြီး တည်ဆောက်ခဲ့ခြင်းဖြစ်သည်။^[၂]

မဟာအတုလဝေယန်ကျောင်းတော်ကြီး
မြန်မာနိုင်ငံ အတွင်း တည်နေရာပြ မြေပုံ
အချက်အလက်များ
ကိုဩဒိနိတ်	22°0′3″N 96°6′45″E
ဘာသာရေး နှီးနွယ်မှု	ထေရဝါဒ ဗုဒ္ဓဘာသာ
နိုင်ငံ	မန္တလေးမြို့၊ မန္တလေးတိုင်းဒေသကြီး၊ မြန်မာနိုင်ငံ
ဗိသုကာ
တည်ထောင်သူ	မင်းတုန်းမင်း
ပြီးစီး	၁၈၅၇ ခုနှစ် (၁၆၈ နှစ် အကြာက) ၁၉၉၆ ခုနှစ်တွင် ပြန်လည်တည်ဆောက်ခဲ့

မူလဘုန်းတော်ကြီးကျောင်းကို ကျွန်းသစ်များဖြင့် ဆောက်လုပ်ထားကာ အင်္ဂတေအနုအမွမ်းများဖြင့် အပြင်မှ တန်ဆာဆင်ထားပြီး တမူထူးခြားသောလက်ရာအဖြစ် မြန်မာမူပြာသာဒ်ကို အဆင့်ဆင့် အချွန်းပုံစံဖြင့် တက်မသွားပဲ စတုရန်းပုံ လေးထောင့်စပ်စပ်ဖြင့် အဆင့်ဆင့် ငါးဆင့်တက်ကာ ဆောက်လုပ်ထားသည်။^[၂]

၁၈၉၀ ခုနှစ်တွင် မန္တလေးမြို့ မီးလောင်ကျွမ်းစဉ်က ကျောင်းဆောင်တစ်ခုလုံးမီးခခဲ့ရပြီး ၃၀ ပေ (၉.၁ မီတာ) ဉာဏ်တော်အမြင့်ရှိသော မတ်ရပ်ရုပ်ပွားတော်ကြီးရောပါဝင်ခဲ့သည်။ မီးလောင်ကျွမ်းခဲ့စဉ်က ဗုဒ္ဓရုပ်ပွားတော်တွင် လှူဒါန်းထားသော ၁၉.၂ ကာရတ် (၃၂ ရတီ) ရှိသည့် စိန်တုံးကြီး(ဘိုးတော်ဘုရားအား ရခိုင်နယ်စား မဟာနော်ရထာ ဆက်သခဲ့သည့်)လည်း ပျောက်ဆုံးခဲ့သည်။^[၂]

မဟာအတုလဝေယန်ကျောင်းတော်ကြီး (မန္တလေးမြို့)

၁၉၉၆ ခုနှစ်တွင် မြန်မာနိုင်ငံ ရှေးဟောင်းသုတေသနဌာနမှ အကျဉ်းသားလုပ်သားများဖြင့် မူလအတိုင်း ပြန်လည်ဆောက်လုပ်ခဲ့ကြသည်။^[၁]

မဟာအတုလဝေယန်ကျောင်းတော်ကြီး (မန္တလေးမြို့)

ပြခန်း

• 
•