လွီးဘက်မြို့

လွီးဘက်မြို့ တရားဝင် အမည်အားဖြင့် ဟန်းဆတစ်မြို့တော် လွီးဘက် သည် ဂျာမနီနိုင်ငံမြောက်ပိုင်း ဆလက်စဝစ်-ဟိုးစတန် တွင် ရှိသော မြို့တော်တစ်ခုဖြစ်ပြီး ဂျာမနီနိုင်ငံ ၏ အဓိက ဆိပ်ကမ်းမြို့ တစ်ခု ဖြစ်သည်။ ထရာဗဲမြစ်ပေါ်တွင် တည်ရှိပြီး ဟန်းဆတစ်၏ ဦးဆောင်မြို့တော် တစ်ခု ဖြစ်ခဲ့ကာ များပြားလှစွာသော ဘရစ်ဂေါသစ် ဗိသုကာလက်ရာများကြောင့် ယူနက်စကို မှ ကမ္ဘာ့အမွေအနှစ်နေရာ တစ်ခု အဖြစ် စာရင်းသွင်းခဲ့သည်။ ၂၀၁၅ ခုနှစ်တွင် လူဦးရေ ၂၁၈,၅၂၃ ဦး ရှိသည်။

ဟန်းဆတစ်မြို့တော် လွီးဘက်*
UNESCO ကမ္ဘာ့အမွေအနှစ်နေရာများ
တည်ရှိသည့် နိုင်ငံ	ဂျာမနီ
အမျိုးအစား	ယဉ်ကျေးမှု
ရွေးချယ်သည့်စံနှုန်း	iv
ကိုးကား	၂၇၂
ဒေသ**	ဥရောပ နှင့် မြောက်အမေရိက
သတ်မှတ်ခြင်း မှတ်တမ်း
စတင်သတ်မှတ်ခြင်း	၁၉၈၇  (၁၁ကြိမ်)
* ယူနက်စကိုကမ္ဘာ့အမွေခံစာရင်းတွင် ရေးထိုးထားသောအမည် ** ယူနက်စကိုမှ ခွဲခြားသတ်မှတ်ထားသောဒေသ

ထရာဗဲမြစ်

လွီးဘက်မြို့၏ မြို့ဟောင်းပိုင်းသည် ထရာဗဲမြစ်မှ ဝန်းရံထားသော ကျွန်းတစ်ခု ပေါ်တွင် ရှိသည်။ အယ်ဘီ-လွီးဘက်တူးမြောင်းသည် ထရာဗဲမြစ်အား အယ်ဘီမြစ်နှင့် ဆက်စပ်ထားသည်။ မြို့အနီးရှိ အခြားအရေးပါသော မြစ်တစ်စင်းမှာ ဝါးကန်နစ်ဇ် မြစ်ဖြစ်သည်။ အော်တိုဘန်း ဟိုင်းဝေး အမှတ် ၁ သည် လွီးဘက်မြို့အား ဟမ်းဗတ်မြို့ နှင့် ဒိန်းမတ်နိုင်ငံ တို့နှင့် ဆက်သွယ်ပေးထားသည်။ ထရာဗဲမွန်ဒဲ သည် ဘောလတစ်ပင်လယ် ကမ်းရိုးတန်းပေါ်တွင် ရှိသော ပင်လယ်ကမ်းခြေ အပန်းဖြေစခန်း နှင့် လွန်းပျံရေယာဉ် ဆိပ်ကမ်းတစ်ခု ဖြစ်သည်။ လွီးဘက် ဟော့ပ်ဘန်ဟော့ဖ် ဘူတာရုံတွင် ရထားလမ်းများစွာရှိပြီး အဓိကအားဖြင့် ဟမ်းဗတ်မြို့နှင့် ဆက်သွယ်ထားသော ရထားလမ်း ရှိသည်။