သဘာဝသိပ္ပံ

သိပ္ပံပညာရပ် တစ်မျိုး ဖြစ်သော သဘာဝ သိပ္ပံ (အင်္ဂလိပ်: Natural Science) ဆိုသည်မှာ လက်တွေ့တိုင်းတာမှု (observation)နှင့် တကူးတက လက်တွေ့စမ်းသပ်မှု (experiement) တို့ကို အခြေပြုလျက်၊ သဘာဝ၏ သက်ရှိသက်မဲ့ အရာဝတ္ထုများနှင့် အဖြစ်အပျက်များအားလုံးကို နားလည်အောင် အားထုတ်ခြင်း ဖြစ်၏။^[၁]
သိပ္ပံပညာရပ် အနေနှင့် ဖွံ့ဖြိုးတိုးတက်နေစေခြင်းငှာ၊ အတွေးအခေါ်နှင့် သင်္ချာသီးသန့်ပိုင်း လက်ရာတို့အဖို့ သိကျွမ်းတူ စစ်ဆေးမှု (peer review)နှင့် ရှာဖွေသိချက်တို့အဖို့ ထပ်တလဲလဲ လုပ်ကြည့်တိုင်းတာမှု စသည့် လုပ်ငန်းထုံးနည်း၊ လုပ်ထုံးယန္တရားများကို ဆောင်ရွက်နေကြ၏။

ကျွန်ုပ်တို့ဝန်းကျင်ရှိ လောက(universe)ကြီး၏ လည်ပတ်ပုံကို စနစ်တကျ လေ့လာခြင်းတိုင်းသည် သဘာဝသိပ္ပံ ဖြစ်၏။ အဓိကကိုင်းကဏ္ဍ ၅ခု ရှိသည်၊ နက္ခတ္တဗေဒ၊ ရူပဗေဒ၊ ဓာတုဗေဒ၊ ဇီဝဗေဒ၊ ဘူမိသိပ္ပံ