သမိန်းချောင်း

သမိုင်းချောင်းသည် မရမ်းကုန်း(၃)ရပ်ကွက်မှ စတင်စီးဆင်းလာပြီး သမိုင်းလမ်းဆုံအရောက်တွင် လှိုင်မြို့နယ်နှင့် မရမ်းကုန်းမြို့နယ် နယ်စပ်မျဉ်းအဖြစ် ဆက်လက်စီးဆင်းလာကာ လှိုင်မြစ်အတွင်းသို့ တဖြည်းဖြည်း စီးဝင်သွားသည်။ သမိုင်းချောင်းဖြတ်သန်းစီးဆင်းသော ရပ်ကွက်များမှာ မရမ်းကုန်းတွင် (၃ရပ်ကွက်၊ ၂ရပ်ကွက်၊ ၁ရပ်ကွက်)တို့ဖြစ်ပြီး လှိုင်မြို့နယ်တွင် (၁၂ရပ်ကွက်၊ ၁၆ရပ်ကွက်နှင့် ၁၅ရပ်ကွက်)

တို့ဖြစ်သည်။ သမိုင်းချောင်းသည် ရှေးယခင်က ကုန်သွယ်လှေကြီးများဝင်ထွက်ရာ ချောင်းတစ်ခုဖြစ်ခဲ့ပြီး သမိုင်းလမ်းဆုံ(ဂက်(စ်)ဆိုင်)အနီး (ကုလားမခြံ) နားတွင် လှေဆိပ်ရှိလေသည်။ အဆိုပါလှေဆိပ်မှ ရေလမ်းခရီးဖြင့် သယ်ယူလာသော မြေအိုးများနှင့် အခြားပစ္စည်းအမျိုးမျိုးတို့ကို ရန်ကုန်အင်းစိန်လမ်းမှ ကားများဖြင့် ဆက်လက်ပို့ဆောင်ရာ နေရာတစ်ခုဖြစ်ခဲ့သည်။