သာသနာပိုင်အရှင်သဒ္ဓမ္မဋ္ဌိတိဆရာတော်

သာသနာပိုင်အရှင်သဒ္ဓမ္မဋ္ဌိတိဆရာတော်ကား တောင်ဘီလူး ပရက္ကမအနွယ် အရှင်သာရဒဿီ၏တပည့်ဖြစ်သည်။ ပြည်မြို့မှအရှေ့စူးစူး တာရှစ်ရာမျှလောက်၊ ရသေ့ပြည်တွင်းမှ အနောက်စူးစူး တာငါးရာမျှလောက်ကွာသောကျောင်း၌သီတင်းသုံး၏။ ကျောင်းမဟာရံအတွင်း၌ နာဋ္ဌာဂိရိကုန်းဟု အများသမုတ်သော အရပ်ရှိသတတ်၊ ၈ဝ၄ခုနှစ် အင်းဝပြည်တွင်မင်းဖြစ်သော ထူပါရုံဒါယကာနရပတိမင်းကြီး၏သား တော်လတ် မင်းဆင်များကိုမင်းကြီးစွာအမည်ဖြင့် ပြည်မြို့ကိုပေးသောအခါ မင်းကြီးကတောင်ကိုဂူထွတ် တရုပ်မှော်၊ အနောက်ကိုဖိုးခေါင်၊ အရှေ့ကိုကုန်းခေါင်၊ မြောက်ကိုမလွန်၊ တောင်ခွင်ကျွန်းတော် ဤနယ်လေးရပါအတွင်း၌ လူဖွေး ဖွေးကိုငါ့သားစီစဉ်စေ၊ ရှင်ချင်းချင်းကိုငါ့ဆရာစီရင်စေဟုအမိန့်တော်နှင့်အရှင်သဒ္ဓမ္မဋ္ဌိတိ ဆရာတော်ကို သာသနာပိုင်အပ်တော်မူသည်။^[၁]