အက်ဆမ်မြို့

အက်ဆမ်မြို့သည် အီသီယိုးပီးယားနိုင်ငံ မြောက်ပိုင်းရှိ မြို့တော် တစ်ခု ဖြစ်သည်။ ၂၀၁၀ ခုနှစ်တွင် လူဦးရေ ၅၆,၅၀၀ ဦး ရှိပြီး မြို့ပြ ခရိုင်ဒေသတစ်ခု အဖြစ် အုပ်ချုပ်ရေး စနစ် ရှိသည်။

အက်ဆမ်*
UNESCO ကမ္ဘာ့အမွေအနှစ်နေရာများ
တည်ရှိသည့် နိုင်ငံ	အီသီယိုးပီးယား
အမျိုးအစား	ယဉ်ကျေးမှု
ရွေးချယ်သည့်စံနှုန်း	i,iv
ကိုးကား	15
ဒေသ**	အာဖရိက
သတ်မှတ်ခြင်း မှတ်တမ်း
စတင်သတ်မှတ်ခြင်း	၁၉၈၀  (စတုတ္ထအကြိမ်)
* ယူနက်စကိုကမ္ဘာ့အမွေခံစာရင်းတွင် ရေးထိုးထားသောအမည် ** ယူနက်စကိုမှ ခွဲခြားသတ်မှတ်ထားသောဒေသ

နဂိုမူလ အက်ဆမ်ဘုရင့်နိုင်ငံတော်သည် အာဖရိကရှိ ရှေးအကျဆုံး လူများ ယနေ့အထိ တောက်လျှောက် နေထိုင်ခဲ့ရာ နေရာများတွင် တစ်ခု အပါအဝင် ဖြစ်သည်။ အက်ဆမ်နိုင်ငံသည် ရေကြောင်းနှင့် ကုန်သွယ်ရေး အင်အားကောင်းခဲ့ပြီး ထိုဒေသအား ဘီစီ ၄၀၀ ခုနှစ်မှ အေဒီ ၁၀ ရာစုနှစ် အထိ အုပ်ချုပ်ခဲ့သည်။ ၁၉၈၀ ခုနှစ်တွင် ယူနက်စကိုမှ အက်ဆမ် ရှေးဟောင်းသုတေသန ဒေသအား ၎င်း၏ သမိုင်းတန်ဖိုးကြောင့် ကမ္ဘာ့အမွေအနှစ် နေရာတစ်ခု အဖြစ် စာရင်းထည့်သွင်းခဲ့သည်။