အမျိုးသားညီညွတ်ရေး အတိုင်ပင်ခံကောင်စီ

အမျိုးသားညီညွတ်ရေးအတိုင်ပင်ခံကောင်စီ (အင်္ဂလိပ်: National Unity Consultative Council, NUCC) ကို ၂၀၂၁ ခုနှစ်၊ မတ်လ ၈ ရက်နေ့တွင် စတင်ဖွဲ့စည်းခဲ့သည်။ ^[၁] မတ်လ ၃၁ ရက်နေ့တွင် ဖက်ဒရယ်ဒီမိုကရေစီပဋိညာဉ်ကို အတည်ပြုခဲ့ပြီး မေလ ၂၄ ရက်နေ့မှစ၍ ယင်းပဋိညာဉ်ကို ပြန်လည်သုံးသပ်လျက်ရှိသည်။ ၂၀၂၂ ခုနှစ်၊ ဇန်နဝါရီလ ၂၇ ရက်နေ့မှ ၂၉ ရက်နေ့အထိ ပြည်သူ့ညီလာခံကျင်းပ၍ သုံးသပ်ထားသော ပဋိညာဉ်ကို အတည်ပြုခဲ့သည်။

ပါဝင်ဖွဲ့စည်းမှု

အမျိုးသားညီညွတ်ရေးအတိုင်ပင်ခံကောင်စီတွင် အောက်ပါအဖွဲ့အစည်းများနှင့် ပုဂ္ဂိုလ်များ ပါဝင်သည်-

• ပြည်ထောင်စုလွှတ်တော်ကိုယ်စားပြုကော်မတီ (CRPH) အပါအဝင် ရွေးကောက်ခံလွှတ်တော်ကိုယ်စားလှယ်များ
• နိုင်ငံရေးပါတီများ
• ဖက်ဒရယ်ယူနစ်များ၊ လူမျိုးအလိုက်အတိုင်ပင်ခံကောင်စီများ
• တိုင်းရင်းသားလက်နက်ကိုင်အဖွဲ့အစည်းများ (KNU, KNPP, ABSDF အပါအဝင် ရှစ်ဖွဲ့)
• သပိတ်ကော်မတီများ
• CDM လှုပ်ရှားမှုတွင် ပါဝင်သူများ
• အရပ်ဘက်အဖွဲ့အစည်းများ (အမျိုးသမီး၊ လူငယ်အဖွဲ့အစည်းများ)

NUCC တွင် စုစုပေါင်း အဖွဲ့အစည်းပေါင်း ၃၃ ဖွဲ့မှ လူပုဂ္ဂိုလ်များ ပါဝင်သည်။

အဖွဲ့ဝင်များ

၂၀၂၅ ခုနှစ်၊ မေ ၄ ရက်တွင် ထုတ်ပြန်ကြေညာထားသော အမျိုးသားညီညွတ်ရေးအတိုင်ပင်ခံကောင်စီ၏ အဖွဲ့ဝင် အဖွဲ့အစည်းများနှင့် ကောင်စီဝင် ကိုယ်စားလှယ်များ အမည်စာရင်းများမှာ^[၂] -

စဉ်	အစုအဖွဲ့		ကော်စီဝင်ဦးရေ
၁။	ပြည်ထောင်စုလွှတ်တော်ကိုယ်စားပြုကော်မတီ အပါအဝင် ရွေးကောက်ခံလွှတ်တော် ကိုယ်စားလှယ်များ	ပြည်ထောင်စုလွှတ်တော်ကိုယ်စားပြုကော်မတီ	၁၄
		၁၉၉၀ ပြည်သူ့လွှတ်တော် ကိုယ်စားလှယ်များအဖွဲ့ (MPU)	၁
၂။	နိုင်ငံရေးပါတီများ	လူ့ဘောင်သစ် ဒီမိုကရက်တစ်ပါတီ	၃
၃။	သမဂ္ဂများ၊ အမျိုးသမီးများ၊ လူငယ်နှင့်လူနည်းစုဆိုင်ရာ အဖွဲ့အစည်းများ အပါအဝင် အရပ်ဖက် အဖွဲ့အစည်းများ၊ အာဏာရှင်စနစ်ဆန့်ကျင်ရေးတွင် ပါဝင်နေကြသော နိုင်ငံ့ဝန်ထမ်းများအပါအဝင် CDM လှုပ်ရှားမှုဆိုင်ရာ အဖွဲ့အစည်းများ၊ လူထုသပိတ် လှုပ်ရှားမှုဆိုင်ရာ အဖွဲ့အစည်းများ	၈၈ မျိုးဆက် (ငြိမ်းချမ်းရေးနှင့် ပွင့်လင်းလူ့အဖွဲ့အစည်း)	၂
		စစ်အာဏာရှင်ဆန့်ကျင်ရေးပြည်သူ့အင်အားများချိတ်ဆက်ညှိနှိုင်းရေးကော်မတီ-မန္တလေး	၂
		စစ်အာဏာရှင်စနစ်တိုက်ဖျက်ရေး အထွေထွေသပိတ်ကော်မတီ(GSC)	၂
		အထွေထွေသပိတ်ပေါင်းစပ်ညှိနှိုင်းရေး သပိတ်အင်အားစု (GSCB)	၁
		အခြေခံနှင့် အဆင့်မြင့်ပညာအထွေထွေသပိတ်ကော်မတီ (GSCBHE)	၂
		အထွေထွေ သပိတ် ပူးပေါင်းဆောင်ရွက်ရေးကော်မတီ (GSCC)	၂
		လူမျိုးပေါင်းစုံအထွေထွေသပိတ်ကော်မတီ (GSCN)	၂
		မြန်မာနိုင်ငံ အလုပ်သမား တပ်ပေါင်းစု (MLA)	၂
		မုံရွာလူထုသပိတ်တိုက်ပွဲဦးဆောင်ကော်မတီ (MPSSC)	၁
		မြန်မာနိုင်ငံလုံးဆိုင်ရာ ဆရာဆရာမများအဖွဲ့ချုပ် (MTF)	၁
		Synergy လူမှုသဟဇာတဖော်ဆောင်ရေးအဖွဲ့	၁
		နည်းပညာဆိုင်ရာ ဆရာ/ဆရာများအဖွဲ့ချုပ် (TTF)	၁
		အမျိုးသမီးမဟာမိတ်အဖွဲ့ - မြန်မာ (WAC - M)	၁
		အမျိုးသမီးများအဖွဲ့ချုပ် (မြန်မာနိုင်ငံ) WLB	၂
		အမျိုးသမီးငြိမ်းချမ်းရေးကွန်ယက် (WPN)	၁
၄။	တိုင်းရင်းသားတော်လှန်ရေး အဖွဲ့အစည်းများ	မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး (ABSF)	၂
		ကရင်နီအမျိုးသားတိုးတက်ရေးပါတီ	၂
		ကရင်အမျိုးသားအစည်းအရုံး	၂
၅။	ကြားကာလ ပြည်နယ်/ ဖက်ဒရယ်ယူနစ်/လူမျိုး ကိုယ်စားပြုအဖွဲ့အစည်း/ ကောင်စီများ	ကြားကာလချင်းအမျိုးသားအတိုင်ပင်ခံကောင်စီ (ICNCC)	၃
		ကရင်နီပြည်အတိုင်ပင်ခံကောင်စီ (KSCC)	၃
		မွန်ပြည်ဖက်ဒရယ်ကောင်စီ (MSFC)	၃
		ပအိုဝ်းအမျိုးသားဖက်ဒရယ်ကောင်စီ (PNFC)	၃
		တအာင်းနိုင်ငံရေးအတိုင်ပင်ခံကော်မတီ (TPCC)	၃
စုစုပေါင်း ကောင်စီဝင်ဦးရေ			၆၂
* လူနာမည်နှင့် အဖွဲ့အစည်းနာမည်အချို့ကို ပုဂ္ဂိုလ်ရေးလုံခြုံရေးအရ ဖော်ပြထားခြင်း မရှိပါ။

အဓိက ဖြစ်ရပ်များ