ပုဇွန်တောင်ချောင်း(အထက်မြစ်ညာတွင် ငမိုးရိပ်ချောင်းဟုလူသိများ)သည် ရန်ကုန်မြစ်အတွင်းသို့ စီးဝင်သော ချောင်းတစ်ခုဖြစ်သည်။ ရန်ကုန်မြို့လယ်နေရာကို အနောက်ဘက်နှင့် တောင်ဘက်တွင် ရန်ကုန်မြစ်၊ အရှေ့ဘက်တွင် ပုဇွန်တောင်ချောင်းတို့ ဆုံရာအရပ်တွင် တည်ထားခဲ့သည်။ ပုဇွန်တောင်ချောင်းပတ်လည်ဧရိယာတွင် မြန်မာပြည်ဖွား အိန္ဒိယအနွယ်ဝင်လူမျိုးများ အများဆုံးနေထိုင်ကြသည်။ ကမ္ဘာအကြီးဆုံးခေါင်းလောင်းများထဲမှ တစ်ခုဖြစ်သော ဓမ္မစေတီခေါင်းလောင်းကြီးသည် ၁၆၀၈ ခုနှစ်တွင် သန်လျင်မြို့ မြို့ဝန် ငဇင်ကာသည် ရွှေတိဂုံစေတီတော်မြတ်ကြီးမှ ဖြုတ်ယူသယ်ဆောင်ခဲ့ကာ ထို ပုဇွန်တောင်ချောင်းအတွင်း နှစ်မြုပ်ခဲ့သည်ဟု ဆိုကြသည်။