သူရဲကောင်းဗိမာန် (နေပြည်တော်) သည် မြန်မာနိုင်ငံတော်အတွက် မိမိတို့၏ အသက်ကိုပင် စွန့်လွှတ်စွန့်စားစွာ ပေးဆပ်ခဲ့ကြသည့် အမွန်မြတ်ဆုံး တုနှိုင်းဖွယ်ရာမရှိသော ဂုဏ်ဒြပ်များကို ပိုင်ဆိုင်ကြသည့် သူရဲကောင်းတစ်ဦးစီကို မော်ကွန်းတင် ကမ္ပည်းရေးထိုးထားရှိသည့် အထိမ်းအမှတ်ဗိမာန်တစ်ခု ဖြစ်သည်။ သူရဲကောင်းဗိမာန် (နေပြည်တော်) ကို နေပြည်တော် ပြည်ထောင်စုနယ်မြေ၊ ဇေယျာသီရိမြို့နယ်ရှိ တောင်ကုန်းပေါ်၌ စကျင်ကျောက်များဖြင့် တည်ဆောက်ထားပြီး ၂ဝ၁၇ ခုနှစ် မတ်၂၇ ရက်တွင် စတင်ဖွင့်လှစ်ခဲ့သည်။