Аскарово (Абзелиловонь буе)
From Wikipedia, the free encyclopedia
Remove ads
Аскарово (баш. Асҡар) — веле, Башкириянь Абзелиловонь буенть ды Аскаровской вельсоветэнь административной куншка тарка.
Remove ads
Веленть эрямозо
Васеньцеде ледстнемазо ульнесь: 1755 ие[2]:
Тангатар леенть лангсо теевсь Аскарово (Абзелилово) велесь, сонензэ кармасть мереме Аскарово Первое, а тапавомс, ды а човорямс - Аскарово веле ульнесь (неень Бурзянонь буесэ). Веленть теицякс-путыцякс ульнесь Аскар Биишев, 1834 иестэ сонензэ топодсть 73 иеть . Пакшанщо: Мухаметкарим, Мухаметхаким, Кильдияр, 1787 иень чачсь Мухамадияр (сонзэ пакшанзо Ишьяр, Аллаяр, Алламурат). Содави сонзэ лелязо Аскара-Хужа Биишев (сонзэ пакшанзо Ишмухамет, Ишали). Омбоце веленть лемезэ саеви Абзелила Якшибаевэнь (Тангаурской волостень атянть эйстэ). Сон ульнесь Пугачевонь ве мельс прыця ломань. Сонзэ цёранзо Абдулманнан, Ишкужой цёранзо марто, Мухаметфаизом (сонзэ пакшанзо Абдулла, Вильдан, Гатиятулла) ды Абдулмуталлап (1786-1820), кона ульнесь юртонь есаулокс. Меельценть цёранзо: Мухамет-вали, Мухаметюсуп, Сайфульмулюк.
Кавонест Аскар Биишев ды Абдулманнан Абзелилов ве исетэ, — 1761. Лиси, Абзелилово велесь седе кезэрень, Аскарово эйстэ. Те шкась мери веленть путомоданть: XVIII пингень 30-40-це ии. V ревизиянть коряс, Аскаровосо ульнесть 23 кудот-кардазт, косо эрявсть 96 цёрмаломанть ды 59 аваломанть. X ревизиясь невтсь 81 кудот-кардазт 237 цёрмаломанть ды 230 аваломань марто. 1865 иестэ волостень кушка таркась Ахметово велестэнть ульнесь ютавтозь Абзелиловос (Аскарово Первое), косо ульнесь волостень ветикурось. Эрьва тарго ютавтовиль найман ды мечеть. 1812 иестэ Отечественной Торгпингестэнть вадрясто невтизь ушодеень ёрокчист Исхак Сафаргалин ды Сагадатдин Мухаметрахимов, конат ульнесть казязь сиянь тешкстссэ (руз. "За взятие Парижа 19 марта 1814г").
1919-1930 иетнестэ Тамьян-Тангаурской волостень кушка тарка. 1920 и. велесэнть ульнесть 284 кудот-кардазт 1193 эриця марто.
Remove ads
Эрицят
↗7634[1] 2010
- Раськень
2002 иень Ловнома-сёрмадстоманть коряс: башкирт — (90,5 %)[3].
Содавикс ломанть те велестэнть
- Лутфуллин, Ахмат Фаткуллович — башкирэнь артындей, СССР-нь раськень артындей (1989), .
- Уметбаев, Виль Гайсович — российянь учёной-нефтасоважодий.
Фотокувт
Аскарово велест Алмас-Тау пандонть эйстэ
Невтевкст
Сёрм.:
Wikiwand - on
Seamless Wikipedia browsing. On steroids.
Remove ads